ଗୋରୁଗାଈଙ୍କ ଉପରେ ଚଢିଗଲା ଟ୍ରକ । ୧୦ ଗୋରୁଗାଈଙ୍କ ମୃତ୍ୟୁ ବହୁ ଆହତ।

ଖୋର୍ଦ୍ଧା ଜିଲ୍ଲା (ଆମ ଓଡିଶା ଖବର) ଖୋର୍ଦ୍ଧା ଜିଲ୍ଲା ୧୬ନମ୍ବର ଜାତୀୟ ରାଜପଥ ଉପରେ ଶୟନରତ ଥିବା ଗୋରୁଗାଈଙ୍କ ଉପରେ ଚଳନ୍ତା ଟ୍ରକ ଚଢ଼ିଯାଇ ୧୦ଗୋରୁ ଗାଇଙ୍କ ମୃତ୍ୟୁ ହୋଇଯାଇଛି ।ଏଭଳି ଏକ ଅଭାବନୀୟ ଘଟଣା ଖୋର୍ଦ୍ଧା ଜିଲ୍ଲାର ଟାଙ୍ଗୀ-ବଡ଼ପାରୀ ବାଇପାସ୍ ଜାତୀୟ ରାଜପଥ ଉପରେ ଘଟି ଥିବାର ଦେଖିବାକୁ ମିଳିଛି । ଏହି ଦୁର୍ଘଟଣାରେ ୧୦ ଗୋରୁ ଗାଈଙ୍କର  ମୃତ୍ୟୁ ହୋଇଥିବା ବେଳେ ବହୁ ଗୋରୁ ଗାଈ ଆହତ ଓ ଗୁରୁତର ହୋଇଛନ୍ତି । ଖବର ପାଇ ମଦର ଟେରେସା ଯୁବକ ସଂଘ ଓ ବଜରଙ୍ଗ ଦଳର କର୍ମକର୍ତ୍ତା ମାନେ ପହଞ୍ଚି ଆହତ ଓ ଗୁରୁତର ହୋଇଥିବା ଗୋରୁ ଗାଈ ଙ୍କ ସେବା ଶୁଶ୍ରୁଷା କରିବା ସହିତ ଚିକିତ୍ସାଳୟରେ ଭର୍ତ୍ତି କରାଯାଇଥିବା ସୂଚନା ମିଳିଛି। ଅନ୍ୟ ପକ୍ଷରେ ଗୋପାଳକ ମାନେ ନିଜ ନିଜ ଘରେ ଆଉ ଗୋରୁ ଗାଈ ମାନଙ୍କୁ ଘରେ ନରଖି ପଦାକୁ ଛାଡ଼ି ଦେଉଛନ୍ତି । ତେଣୁ ଘର ଗୁହାଳ ଛାଡ଼ି ଗୋରୁଗାଈ ରାସ୍ତାଘାଟରେ ବୁଲୁଛନ୍ତି ଏବଂ ଶୟନରତ ହେଉଛନ୍ତି । ଗାଡ଼ି ଚଳାଚଳ ବେଳେ ଗାଡ଼ି ଚାଲିବା ସମୟରେ ବହୁ ହଇରାଣ-ହରକତ ହେବା ସହିତ ନିଜେ ଦୁର୍ଘଟଣାର ଶିକାର ହେଉଛନ୍ତି । ଏଥିରେ ସାଧାରଣ ଲୋକଙ୍କ ଜନ ଜୀବନ ସମେତ ଗୋରୁଗାଈଙ୍କ ଜୀବନ ହାନି ଘଟୁଛି । ଏହାର ସମାଧାନ ପାଇଁ ଜନ ସାଧାରଣରେ ଦାବି ହେଉଛି ।