କଳାହାଣ୍ଡି ୨୮/୧୧(ଆମ ଓଡିଶା ଖବର ) କେସିଙ୍ଗା ବ୍ଲକ ଉତ୍କେଲା ସରସ୍ବତୀ ଶିଶୁବିଦ୍ୟାମନ୍ଦିରର ୩୪ତମ ବାର୍ଷିକ କ୍ରୀଡା ପ୍ରତିଯୋଗିତା ଦୁଇ ଦିନ ଧରି ଉତ୍କେଲା ସ୍ଥିତ ମିନିଷ୍ଟାଡିୟମ ଠାରେ ଅନୁଷ୍ଠିତ ହୋଇ ଯାଇଛି । ପ୍ରଥମ ଦିନ ଉଦଘାଟନ ଉତ୍ସବରେ ମୁଖ୍ୟଅତିଥି ଭାବେ ଗୌରୀ ଶଙ୍କର ଉଚ୍ଚ ବିଦ୍ୟାଳୟ,ଗୋକୁଳେଶ୍ୱରର କ୍ରୀଡ଼ା ଶିକ୍ଷକ (ବିଭୁତି ଭୂଷଣ ଯୋଶୀ)ମୂଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମଟିକୁ ଉଦଘାଟନ କରିବା ସହ ଶିଶୁମାନଙ୍କୁ ଉତ୍ସାହିତ କରିଥିଲେ । ପରିଚାଳନା ସମିତିର ସଭାପତି ଶ୍ରୀ ଜୟହରି ପୁଟେଲ ଓ ସମ୍ପାଦକ (ଶ୍ରୀ କୁଶଚନ୍ଦ୍ର ସାହୁ,) ପ୍ରଶାନ୍ତ ଶବର,ପ୍ରଧାନାଚାର୍ଯ୍ୟ ଶ୍ରୀ ପଞ୍ଚାନନ ମହାପାତ୍ର ମଞ୍ଚାସୀନ ଥିଲେ। ଗୋକୁଳେଶ୍ୱର ପଞ୍ଚାୟତ ନିର୍ବାହୀ ଅଧିକାରୀ ସୁଶ୍ରୀ ମଧୁସ୍ମିତା ପୁଟେଲ ଉପସ୍ଥିତ ରହି ଶିଶୁମାନଙ୍କୁ ପୁରସ୍କାର ପ୍ରଦାନ କରିଥିଲେ ।

ଶାରୀରିକ ପ୍ରମୂଖ ଶ୍ରୀ ସଞ୍ଜୀବ କୁମାର ବୁଦ୍ଧିଆଙ୍କ ତତ୍ତ୍ୱାବଧାନରେ ଛାତ୍ରଛାତ୍ରୀଙ୍କ ମଧ୍ୟରେ ଦୌଡ଼,ଥାଳିଆଫିଙ୍ଗା,ଗୋଲାଫିଙ୍ଗା,ଲମ୍ବ ଡିଆଁ, ଉଚ୍ଚ ଡିଆଁ ପ୍ରଭୃତି ବିଭିନ୍ନ କ୍ରୀଡ଼ା ପ୍ରତିଯୋଗିତା ହୋଇଥିଲା। ଯାହାକୁ ସମସ୍ତ ଆଚାର୍ଯ୍ୟ ଆଚାର୍ଯ୍ୟା ପରିଚାଳନା କରିଥିଲେ। ସେହିପରି ଦ୍ଵିତୀୟ ଦିନର ସମାରୋପ ଉତ୍ସବରେ ଡ଼.ଅଶୋକ କୁମାର ପାତ୍ର,( ଅବସରପ୍ରାପ୍ତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଉତ୍କେଲା) ଯୁଗ୍ମ ସମ୍ପାଦକ ଶ୍ରୀ ମନୋଜ କୁମାର ନାଏକ ଉପସ୍ଥିତ ରହି ଶିଶୁ ଭାଇ ଭଉଣୀମାନଙ୍କୁ ପୁରସ୍କାର ପ୍ରଦାନ କରିଥିଲେ । ଏହି କ୍ରୀଡ଼ାରେ ମୋଟ ୨୮୦ ଜଣ ଖେଳାଳି ଅଂଶ ଗ୍ରହଣ କରିଥିଲେ ।
ରିପୋଟର -ପ୍ରସନ୍ନ କୁମାର ନାଏକ


More Stories
ଭବାନୀପାଟଣା ରେ ବ୍ଲକ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ l
୪୩ ତମ ବାର୍ଷିକ କ୍ରୀଡା ସମାରୋହ
କୃଷକ କ୍ଷେତ୍ର ଦିବସ ହରଡ଼ ବିହନ ଉତ୍ପାଦନ କ୍ଷେତ୍ର ପରିଦର୍ଶନ l