ସରିଆଁ ହାଇସ୍କୁଲ ଠାରେ ଗୁରୁପୂଜନ ଅନୁଷ୍ଠିତ ହୋଇଥିଲା

କଳାହାଣ୍ଡି ଜିଲ୍ଲା ୨୧/୧୨(ଆମ ଓଡିଶା ଖବର ): ନର୍ଲା ବ୍ଲକ ସରିଆ ଗ୍ରାମ ପଂଚାୟତ ଅଧୀନରେ ଥିବା ପଂଚାୟତ ଉଚ୍ଚ ବିଦ୍ୟାଳୟ ସରିଆ ସନାତନ ସଂସ୍କୃତିରେ ଗୁରୁଙ୍କ ସ୍ଥାନ ସର୍ବୋଚ୍ଚ ସ୍ଥାନରେ ରହିଆସିଛି। ଗୁରୁଙ୍କ ଆଶୀର୍ବାଦ ହିଁ ମନୁଷ୍ୟ ଜୀବନର ବଡ଼ ପୁଞ୍ଜି। ଜଣେ ସାଧାରଣ ବ୍ୟକ୍ତି ଗୁରୁଙ୍କ ଆଶୀର୍ବାଦ ଯୋଗୁଁ କାଳଜୟୀ ହୋଇ ପାରିଥାଏ ବୋଲି ସରିଆଁ ହାଇସ୍କୁଲରେ ଆୟୋଜିତ ଗୁରୁପୂଜନ ଅବସରରେ ମତ ପ୍ରକାଶ ପାଇଛି। କଳାହାଣ୍ଡି ଜିଲ୍ଲା ନର୍ଲା ବ୍ଳକର ଅଗ୍ରଣୀ ଶିକ୍ଷାନୁଷ୍ଠାନ ପଞ୍ଚାୟତ ଉଚ୍ଚ ବିଦ୍ୟାଳୟ ସରିଆଁ ପାଳନ କରୁଛି ରଜତ ଜୟନ୍ତୀ। ବିଦ୍ୟାଳୟର ପ୍ରଧାନଶିକ୍ଷକ ସାଧୁରାମ ଭୋଇ, ଶିକ୍ଷକ ଗଙ୍ଗାନାରାୟଣ ଦାଶ, କୈଳାସ ଚନ୍ଦ୍ର ଭୋଇ, ଉମାକାନ୍ତ ଭୋଇ, ଶିକ୍ଷୟିତ୍ରୀ ମିନତି ଶତପଥୀ, ଅବସରପ୍ରାପ୍ତ ଶିକ୍ଷକ ନାରାୟଣ ସାହୁ, ସଲିଲ ରଞ୍ଜନ ସିକଦାର, ଅବସରପ୍ରାପ୍ତ କିରାଣୀ ପ୍ରମୋଦ ଚନ୍ଦ୍ର ଭୋଇ, ସେବକ କପିଳ ମଟାଲି ଓ ସାଧୁରାମ ସାହୁ, ଅବସରପ୍ରାପ୍ତ ସେବକ ଭୋଳାନାଥ ଧଙ୍ଗଡ଼ାମାଝୀ ପ୍ରମୁଖ ଗୁରୁମାନଙ୍କୁ ବିଦ୍ୟାଳୟର ୩୭ ଗୋଟି ବ୍ୟାଚର ଛାତ୍ରଛାତ୍ରୀମାନେ ପର୍ଯ୍ୟାୟକ୍ରମେ ପୂଜନ କରିଥିଲେ। ପୁରାତନ ଶିକ୍ଷାର୍ଥୀ ସଂସଦ ପକ୍ଷରୁ ଗୁରୁମାନଙ୍କୁ ପ୍ରୀତି ଉପହାର ପ୍ରଦାନ କରାଯାଇଥିଲା। କାର୍ଯ୍ୟକ୍ରମ ପରିଚାଳନା କରିଥିଲେ ପୁରାତନ ଶିକ୍ଷାର୍ଥୀ ସୁଧୀର କୁମାର ଧଙ୍ଗଡ଼ାମାଝୀ। ଏହି ଅବସରରେ ପୁରାତନ ଶିକ୍ଷାର୍ଥୀ ସଂସଦ ସଂପାଦକ ରମେଶ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କଳାହାଣ୍ଡି ଜିଲ୍ଲା ପରିଷଦ ଅଧ୍ୟକ୍ଷ ପୁଷ୍ପେନ୍ଦ୍ର ସିଂହଦେଓ, ବିଶିଷ୍ଟ ଅତିଥି ଭାବେ ପୂର୍ବତନ ମନ୍ତ୍ରୀ ଭୁପିନ୍ଦର ସିଂ, ପୂର୍ବତନ ମନ୍ତ୍ରୀ ବଳଭଦ୍ର ମାଝୀ ଓ ପୂର୍ବତନ ବିଧାୟକ କୁମରମଣି ଶବର, ମୁଖ୍ୟ ବକ୍ତା ଭାବେ ମାଇ ଭାରତ ଜିଲ୍ଲା ଯୁବ ସଂଯୋଜକ ପ୍ରସନ୍ନ ମେହେର, ସମ୍ମାନିତ ଅତିଥି ଭାବେ ଜିଲ୍ଲା ପରିଷଦ ସଦସ୍ୟ ହରିଶଙ୍କର ମାଝୀ, ବିଦ୍ୟାଳୟର ସହକାରୀ ଶିକ୍ଷକ ଗଙ୍ଗାନାରାୟଣ ଦାଶ ପ୍ରମୁଖ ମଞ୍ଚାସୀନ ଥିଲେ। ମଞ୍ଚ ପରିଚାଳନା କରିଥିଲେ ପୁରାତନ ଶିକ୍ଷାର୍ଥୀ ଅଚ୍ୟୁତାନନ୍ଦ ଭୋଇ ଓ ସୌମ୍ୟା ସୁସ୍ମିତା ଭୋଇ। ପରେ ପରେ ପୁରାତନ ଶିକ୍ଷାର୍ଥୀ ମିହିର କୁମାର ଭୋଇଙ୍କ ରଚନା ଓ ନିର୍ଦ୍ଦେଶନାରେ ବିଦ୍ୟାଳୟର ପୁରାତନ ଛାତ୍ରମାନଙ୍କ ଦ୍ବାରା ପ୍ରଦର୍ଶିତ ନାଟକ ‘ଧରନୀ’ ଦର୍ଶକଙ୍କୁ ଆମୋଦିତ କରିଥିଲା। ପୁରାତନ ଛାତ୍ର ସଂସଦ ସଭାପତି ଓମପ୍ରକାଶ ଛତ୍ରିଆଙ୍କ ନେତୃତ୍ୱରେ ସଂସଦର କାର୍ଯ୍ୟକର୍ତ୍ତା ଓ ସଦସ୍ୟସଦସ୍ୟାମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।

କଳାହାଣ୍ଡି ପେସାଲ ରିପୋଟର ପ୍ରସନ୍ନ କୁମାର ନାଏକ