କୁଶରାବ ଗ୍ରାମରେ ଜଣେ ବ୍ୟକ୍ତି ଙ୍କୁ ଠେଙ୍ଗାରେ ପିଟି ପିଟି ହତ୍ୟା, ଚାଷଜମିକୁ ପାଣି ମଡ଼ାକୁ କେନ୍ଦ୍ରକରି ହତ୍ୟାକାଣ୍ଡ ସନ୍ଦେହ  l

ରିପୋର୍ଟ :ରଞ୍ଜନ କୁମାର ରାଉତ 

ଆସିକା(ଆମ ଓଡ଼ିଶା ଖବର )ଗଞ୍ଜାମ ଜିଲ୍ଲା ଧରାକୋଟ ଥାନା କୁଶରାବ ଗ୍ରାମରେ ବିଭତ୍ସ ହତ୍ୟାକାଣ୍ଡ l ଚାଷ ଜମିକୁ ପାଣି ମଡ଼ାଇ ବାକୁ କେନ୍ଦ୍ରକରି ଜଣେ ବ୍ୟକ୍ତି ଙ୍କୁ ଠେଙ୍ଗାରେ ପିଟି ପିଟି ହତ୍ୟା କରାଯାଇଥିବା ସନ୍ଦେହ କରାଯାଉଥିବା ବେଳେ ହତ୍ୟା କାଣ୍ଡ ର କାରଣ ଅଶ୍ୱଷ୍ଟ ରହିଛି l ମୃତ ବ୍ୟକ୍ତି ସେହି ଗ୍ରାମର 48 ବର୍ଷୀୟ ପଞ୍ଚୁ ଗୌଡ଼ଙ୍କ ହୋଇଥିବା ଜଣାପଡିଛି l ତେବେ ତାଙ୍କୁ କିଏ ଓ କାହିଁକି ହତ୍ୟା କରିଛି ତାହା ଜଣାପଡିନଥିବା ବେଳେ ଆଜି ସକାଳୁ ପଞ୍ଚୁ ଙ୍କ କ୍ଷତାକ୍ତ ମୃତଦେହ ଚାଷ ଜମି ନିକଟରେ ପଡିରହିଥିବା କିଛି ଲୋକ ଦେଖିବାକୁ ପାଇ ପରିବାର ଲୋକଙ୍କୁ ଜଣାଇଥିଲେ l ମୃତକ ଙ୍କ ପରିବାର ଘଟଣା ସ୍ଥଳରେ ପହଞ୍ଚି ଧରାକୋଟ ପୋଲିସ କୁ ଖବର ଦେବାପରେ ପୋଲିସ ପହଞ୍ଚି ତଦନ୍ତ ଚଳାଇଛି l