ବିଜୁ ଜନତା ଦଳର ଘନ ଘନ ପ୍ରଚାର l

ଖୋର୍ଦ୍ଧା (ଆମ ଓଡ଼ିଶା ଖବର )ଟାଙ୍ଗୀ ଓ ଏହାର ଆଖପାଖ ଅଞ୍ଚଳରେ ବିଜୁ ଜନତା ଦଳର ଘନ ଘନ ପ୍ରଚାର । ବିଜେଡି ଦଳର ଖୋର୍ଦ୍ଧା ବିଧାନସଭା ପାର୍ଥୀ ରାଜେନ୍ଦ୍ର କୁମାର ସାହୁ ଏବଂ ଭୁବନେଶ୍ୱର ସାଂସଦ ପାର୍ଥୀ ମନ୍ମଥ ରାଉତରାୟ ନିଜର କର୍ମୀ-ସମର୍ଥକ ମାନଙ୍କୁ ନେଇ ଖୋର୍ଦ୍ଧା ନିର୍ବାଚନ ମଣ୍ଡଳୀର ଟାଙ୍ଗୀ ବ୍ଲକ ଅଧିନସ୍ଥ ଟାଙ୍ଗୀ , ବଡପାରୀ , ରାମଚନ୍ଦ୍ରପୁର , ସୁନ୍ଦରପୁର ଏବଂ ଏହାର ଆଖପାଖ ଅଞ୍ଚଳରେ ଘନ ଘନ ପ୍ରଚାର କରି ଭୋଟରଙ୍କ ଠାରୁ ଆଶୀର୍ବାଦ ନେଉଛନ୍ତି । କେଉଁଠି ପଥପ୍ରାନ୍ତ ସଭା ତ’ କେଉଁଠି ନଗର ପରିକ୍ରମା , କେଉଁଠି ପଦଯାତ୍ରା ତ’ ପୁଣି କେଉଁଠି ରୋଡ୍-ସୋ କରୁଛନ୍ତି । ଏହି ପରିପ୍ରେକ୍ଷୀରେ ଟାଙ୍ଗୀ ଅଞ୍ଚଳର ବିଜୁ ଜନତା ଦଳର ଯୁବନେତା ନୀଳକଣ୍ଠ ବେହେରା , ସଞ୍ଜୟ କୁମାର ହରିଚନ୍ଦନ , କଳିଙ୍ଗ ବିଶ୍ୱାଳ , ବରିଷ୍ଠ ବିଜେଡି ନେତା ରାମଚନ୍ଦ୍ର ମହାପାତ୍ର , ଅଶୋକ ମହାପାତ୍ର , ମହେନ୍ଦ୍ର ସାହୁ ପ୍ରମୁଖଙ୍କ ନେତୃତ୍ୱରେ ବିଶାଳ ଶୋଭାଯାତ୍ରା ଟାଙ୍ଗୀ ସଦରମହକୁମା ପରିକ୍ରମା କରିଥିଲା । ସବୁଠି ଶୁଭୁଥିଲା ଶଙ୍ଖ ଧ୍ୱନି ।

ବିଜେଡି ର ପୂର୍ବତନ ଖୋରଧା ବିଧାୟକ ତଥା ବର୍ତ୍ତମାନର ବିଜେଡି ବିଧାୟକ ପାର୍ଥୀ ରାଜେନ୍ଦ୍ର କୁମାର ସାହୁ ଙ୍କର ସଙ୍ଗଠନ ଥିବାରୁ ଏବଂ ବିଭିନ୍ନ ଅଞ୍ଚଳରେ ବିକାଶ ହୋଇଥିବା ଯୋଗୁଁ ବର୍ତ୍ତମାନର ବିଜେଡି ବିଧାୟକ ପାର୍ଥୀ ରାଜେନ୍ଦ୍ର କୁମାର ସାହୁ ଙ୍କ ପ୍ରତି ସ୍ୱତଃ ଜନ-ସମର୍ଥନ ବଢୁଥିବା ଜଣାପଡିଛି । ବିଭିନ୍ନ ପଞ୍ଚାୟତରେ ବିଜେଡି ସମର୍ଥିତ ନିର୍ବାଚିତ ପ୍ରତିନିଧିମାନେ ନିଜ ନିଜର ସମର୍ଥକ ଏବଂ ବିଜେଡି କର୍ମୀମାନେ ସାମିଲ ହୋଇଥିଲେ । ବିଜେଡି ବିଧାୟକ ପାର୍ଥୀ ରାଜେନ୍ଦ୍ର କୁମାର ସାହୁଙ୍କୁ ବିପୁଳ ସଂଖ୍ୟାରେ ସମର୍ଥନ କରିବା ପାଇଁ ଦୃଢ଼ ସଙ୍କଳ୍ପ ନେଇଥିଲେ । ଅନ୍ୟ ପଟରେ ଟାଙ୍ଗୀ ରେ ଆମ ଓଡିଶା ନବୀନ ଓଡିଶା ର ଅଧ୍ୟକ୍ଷ ଭି.କେ.ପାଣ୍ଡିଆନ୍ ଙ୍କ ନିର୍ବାଚନୀ ସଭା ପରେ ବିଜେଡ଼ି ର ଜନ-ସମର୍ଥନ ବୃଦ୍ଧି ପାଇବାରେ ଲାଗିଛି  l