ଜାନକୀ ପାଢ଼ୀ ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟରେ ପାଇକ ତିଗିରିଆ ଚମ୍ପିଆନ ।

ଖୋର୍ଦ୍ଧା, ତା ୨୦/୧୨- ୨୪ତମ ଜାନକୀ ପାଢ଼ୀ ମେମୋରିଆଲ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି । ବୋଲଗଡ ଫ୍ରେଣ୍ରସ କ୍ଳବ ଆନୁକୂଲ୍ୟରେ ତଥା ବୋଲଗଡ଼ ମହୋତ୍ସବର ପ୍ରାକ୍ କାର୍ଯ୍ୟକ୍ରମ ଅଂଶ ବିଶେଷ ଭାବେ ଏହି ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି | ଶନିବାର ଦିନ ଫାଇନାଲ ମ୍ୟାଚ୍ ଖୋର୍ଦ୍ଧା ଜିଲ୍ଲାର ପାଇକ ତିଗିରିଆ ଓ ନୟାଗଡ଼ ଜିଲ୍ଲା ଅନ୍ତର୍ଗତ ଇଟାମାଟିର ଯଦୁମଣି କୁବ ମଧ୍ୟରେ ଅନୁଷ୍ଠିତ ହୋଇଥିଲା I ଖେଳର ପ୍ରଥମାର୍ଦ୍ଧରେ ତିଆରିଆ ଦଳ ୨-୦ ଗୋଲରେ ଅଗ୍ରଣୀ ରହିଥିଲା । ୨ୟାର୍ଦ୍ଧରେ ଇଟାମାଟି ଦଳ ଗୋଟିଏଗୋଲ ପରିଶୋଧ କରିଥିଲାବେଳେ ପୁଣି ତିଗିରିଆଦଳ ଆଉ ଗୋଟିଏ ଗୋଲ ଦେଇ ଦଳକୁ ୩-୧ରେ ଅଗ୍ରଣୀ କରି ବିଜୟ ଲାଭ କରିଥିଲା । ଚମ୍ପିଆନ ପାଇକ ତିଗିରିଆଦଳକୁ ଆୟୋଜକ ଅନୁଷ୍ଠାନ ପକ୍ଷରୁ ରନିଂକପ ଓ ନଗଦ ପାଞ୍ଚହକାର ଟଙ୍କା , ରନର୍ସଅଫ ଇଟାମାଟି ଯଦୁମଣି କ୍ଳବକୁ ରନିଂକପ୍ ଓ ନଗଦ ତିନି ହଜାର ଟଙ୍କା ମୁଖ୍ୟଅତିଥି ସ୍ଥାନୀୟ ବିଧାୟକ ପ୍ରଦୀପ କୁମାର ସାହୁ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ଅନ୍ୟତମ ସମ୍ମାନୀୟ ଅତିଥି ଭାବେ ସମବାୟ ବିତ ଲଲାଟେନ୍ଦୁ କେଶରୀ ସିଂ , ସଂସ୍କୃତିପ୍ରେମୀ ମନୋଜ କୁମାର ପଣ୍ଡା । ଖେଳକୁ ପରିଚାଳନା କରିଥିଲେ ମିର୍ଜା ସିରାଜୁଦ୍ଦିନ ବେଗ୍, ଚ଼ିତ୍ତରଞ୍ଜନ ପରିଡ଼ା , ସଞ୍ଜୟ ଫତେସିଂ , ବୈକୁଣ୍ଠ ମହାପାତ୍ର, ଫ୍ରେଣ୍ରେସ୍ କ୍ଲବର ସଭାପତି ଭଞ୍ଜ କିଶୋରଯତି , ଅଶ୍ୱିନି ପଟ୍ଟନାୟକ , ଜିତେନ୍ଦ୍ରମାର୍ଥା, ବୀରଦାସ ପ୍ରମୁଖ ଏହି ଟୁର୍ଣ୍ଣାମେଣ୍ଟକୁ ସଫଳତାର ସହ ଆୟୋଜନ କରିଥିଲେ । ଏହି ଅବସରରେ ଦିଶାଟ୍ରେଡ଼ର୍ସ ପକ୍ଷରୁ ଲଟେରୀ ଉଠାଣ କାର୍ଯ୍ୟକ୍ରମ ଆୟୋଜିତ ହୋଇଥିଲା ।ଏହି ଜାନକୀ ପାଢ଼ୀ ମେମୋରିଆଲ ଫାଇନାଲ ଫୁଟବଲ ଟୁର୍ଣ୍ଣାମେଣ୍ଟକୁ ଦେଖିବା ପାଇଁ ବୋଲଗଡ ବ୍ଲକ ଅଞ୍ଚଳରୁ ସହସ୍ରାଧିକ ଜନସାଧାରଣଙ୍କ ଭିଡ଼ ଜମିଥିଲା।