ଉତ୍କଳ ଆଲୁମିନା କେଣ୍ଟିନ ରେ ଜଣେ ଯୁବକ କାମ କରୁଥିବା ଅବସ୍ଥାରେ ନିଆଁ ଲାଗି ଗୁରୁତର ।

ରାୟଗଡ଼ା (ଆମ ଓଡ଼ିଶା ଖାବର )କାଶୀପୁର,୨୪/୧/୨୫ ରାୟଗଡା ଜିଲ୍ଲା ଦୋରଗୁଡା ଥାନା ଅନ୍ତର୍ଗତ ଉତ୍କଳ ଆଲୁମିନା କାରଖାନା ର ଏକ କେଣ୍ଟିନ ରେ ବଡ ଧାରଣ ଏକ ଅଘଟଣ ଘଟି ଯାଇଥିବା ବେଳେ ପୀଡିତ ଯୁବକ ୩ ଦିନ ଧରି ନୂଆପଡା ମେଡ଼ିକାଲ ରେ ଭର୍ତ୍ତି ହେଇ ମୃତ୍ୟୁ ସହ ସଂଘର୍ଷ କରୁଥିବା ବେଳେ ଠିକାଦାର ଙ୍କ ଠାରୁ କେଣ୍ଟିନ ନେଇ ପରିଚାଳନା କରୁଥିବା କମ୍ପାନୀ କର୍ତ୍ତୃପକ୍ଷ ଙ୍କର ବି ଦେଖାନାହିଁ । ସେପଟେ ଜ୍ବଳ ପୋଡ଼ାରେ ଯୁବକ ଙ୍କୁ ଇଂଫେକ୍ସେନ ବଢି ଚାଲିଥିବାବେଳେ ରୋଜଗାରିଆ ପୁଅ ର ଏଭଳି ଅବସ୍ଥା ଦେଖି ଚିନ୍ତା ରେ ପରିବାର ଲୋକେ ।

ଘଟଣା ରେ ପୀଡିତ ଯୁବକ ଜଣକ ହେଲେ କଳାହାଣ୍ଡି ଜିଲ୍ଲା ରାମପୁର ଥାନା ଅନ୍ତର୍ଗତ ମୁସ୍କଟା ଗ୍ରାମର ଅସ୍ତ ମୁଦୁଲି ଙ୍କର ପୁଅ ପୁରନ୍ଦର ମୁଦୁଲି । ପୁରନ୍ଦର ଦୀର୍ଘ ୭ ବର୍ଷ ଧରି ଅଞ୍ଚଳରେ ରହି ପରିବାର ପୋଷଣ କରିଆସୁଥିଲେ । ବୁଧବାର ସନ୍ଧ୍ୟାରେ ଉତ୍କଳ ଆଲୁମିନା ଟାଉନ ସିପ ର ଉକ୍ତ କେଣ୍ଟିନ ରେ ସେ ରୋଷେଇ କରୁଥିବା ବେଳେ ହଟାତ କୌଣସି କାରଣରୁ ତାଙ୍କ ଅଣ୍ଟ ଠାରୁ ମୁହଁ ପର୍ଯ୍ୟନ୍ତ ନିଆଁ ଲାଗିଯାଇଥିଲା । ସୌଭାଗ୍ୟ ଘଟଣା ସମୟରେ କିଛି ସାଥି ତୁରନ୍ତ ସେ ପିନ୍ଧିଥିବା ସାର୍ଟ କୁ ଫାଡି ଦେହ ରୁ ଅଲଗା କରିଦେଇଥିଲେ । ତଥାପି ଶରୀର ର ୫୦% ପ୍ରତିଶତ ପୋଡି ଦିଆଯାଇଛି ।  ଘଟଣା ପରେ ତୁରନ୍ତ ସେଠାରେ କାର୍ଯ୍ୟରତ ଅନ୍ୟ କିଛି ସାଥି ତାଙ୍କୁ ନିକଟ ରେ ଥିବା ନୂଆପଡା ମେଡ଼ିକାଲ ରେ ଭର୍ତ୍ତି କରିଦେଇଥିଲେ । ଖବର ପାଇ କଳାହାଣ୍ଡି ରୁ ପରିବାର ସଦସ୍ୟ ପହଞ୍ଚି ପୁଅ ଙ୍କର ସେବା କରୁଥିବାବେଳେ କେଣ୍ଟିନ ପରିଚାଳନା ଠିକାଦାର କିମ୍ବା ଠିକାଦାର ନା ରେ ପରିଚାଳନା କରୁଥିବା ଉତ୍କଳ ଆଲୁମିନା ର ଜଣେ ବରିଷ୍ଠ ଅଧିକାରୀ ବି ସି ଦାସ ନାମକ ବ୍ୟକ୍ତି ଏ ପର୍ଯ୍ୟନ୍ତ ପୀଡିତ ଯୁବକଙ୍କୁ ଭେଟି ବାକୁ ଯାଇ ନାହାନ୍ତି । ସେପ୍ଟଟି ପ୍ରତି କମ୍ପାନୀ କର୍ତ୍ତୃପକ୍ଷ ଅବହଲା କରିଥିବା ରୁ ଏଭଳି ଅଘଟଣ ହେଇଥିବା ଅଭିଯୋଗ ଆସୁଥିବାବେଳେ ଘଟଣା କୁ ୩ ଦିନ ବିତିଯାଇଥିବା ରୁ ଜଳି ଯାଇଥିବା ଅଂଶ ଇଂଫେକ୍ସେନ ହେବାରେ ଲାଗିଛି । ଏଣୁ ପୁଅ ର ଉଚ୍ଚ ଚିକିତ୍ସା ପାଇଁ ବିଶାଖାପାଟଣା ନେବାକୁ ପିତା ଅସ୍ତ ମୁଦୁଲି ସାହାଯ୍ୟ ପାଇଁ ଚାହିଁ ବସିଛନ୍ତି । କିନ୍ତୁ ନିରୀହ ର ସୁଯୋଗ ନେଇ ଦାଇତ୍ୱ ରେ ଥିବା ବ୍ୟକ୍ତି ମାନେ ଅବହେଳା କରିଚାଲିଛନ୍ତି । ତୁରନ୍ତ ଘଟଣା ର ସଂଜ୍ଞାନ ନେଇ ପୋଲିସ ପକ୍ଷରୁ ଏକ ଅଭିଯୋଗ ଦାଖଲ କରିବା ସହ କମ୍ପାନୀ ଉକ୍ତ ପୀଡିତ ଯୁବକ ଙ୍କୁ ସହଯୋଗ ର ହାତ ବଢ଼ାଇବା କୁ ବୁଦ୍ଧିଜୀବୀ ମହଲ ରେ ଦାବି ହେଉଛି ।

ରାୟଗଡା ଜିଲ୍ଲା ଅଜିତ କୁମାର ଭାତ୍ରା ଙ୍କ ନ୍ୟୁଜ ଆମ ଓଡିଶା ଖବର