ନୁଆଁଗାଁ ପ୍ରିମିଅର ଲିଗ ଉଦଯାପିତ

ଫାଇନାଲ ଜିତିଲା ସୁପର ସିକ୍ସର

ରିପୋର୍ଟ :ଦେବାଶିଷ ମହାରଣା

ବେଗୁନିଆପଡା, (ଆମ ଓଡିଶା ଖବର):ବେଗୁନିଆପଡା ବ୍ଲକ ଅନ୍ତର୍ଗତ ନୁଆଁଗାଁ ଠାରେ ରାଧାକ୍ରିଷ୍ଣା କ୍ରିକେଟ କ୍ଲବ ପକ୍ଷରୁ ଆୟୋଜିତ ଏନପିଏଲ ଟୁର୍ନାମେଣ୍ଟର ବୁଧବାର ଥିଲା ଫାଇନାଲ ଦିବସ | ରାଧାକ୍ରିଷ୍ଣା କ୍ରିକେଟ ଗ୍ରାଉଣ୍ଡରେ ଆୟୋଜିତ ଏହି ଟୁର୍ନାମେଣ୍ଟକୁ ଏପ୍ରିଲ 26 ତାରିଖ ଦିନ ନବଘନ ନାୟକ ଡିଗ୍ରୀ କଲେଜର ପ୍ରତିଷ୍ଠାତା ଶ୍ରୀ ତ୍ରିନାଥ ନାହାକ ମୁଖ୍ୟ ଅତିଥି ଭାବେ ଯୋଗଦେଇ ଉଦଘାଟନ କରିଥିଲେ | ତେବେ ବୁଧବାର ଅନୁଷ୍ଠିତ ଏହି ଟୁର୍ନାମେଣ୍ଟର ଫାଇନାଲ ମ୍ୟାଚରେ ସୁପର ସିକ୍ସର ସହିତ ସିକ୍ସରସ ବିଟ ମଧ୍ୟରେ କଡା ମୁକାବିଲା ହୋଇଥିଲା | ଏହି ଫାଇନାଲ ମ୍ୟାଚରେ ବୋଲର ମାନେ ନିଜର ଦବଦବା ଜାହିର କରିଥିବା ବେଳେ କଡା ମୁକାବିଲା ମଧ୍ୟରେ ସୁପର ସିକ୍ସର ଫାଇନାଲ ଟ୍ରଫି ହାତେଇ ନେଇଥିଲା | ଏହି ମ୍ୟାଚରେ ମୁଖ୍ୟ ଅତିଥି ଭାବେ ନବଘନ ନାୟକ ଡିଗ୍ରୀ କଲେଜର ପ୍ରତିଷ୍ଠାତା ଶ୍ରୀ ତ୍ରିନାଥ ନାହାକ ଏଵଂ ସନମାନିତ ଅତିଥି ଭାବେ ସମାଜସେବୀ ନୀଳାଞ୍ଚଳ ସାହୁ ଯୋଗଦେଇ ଟିମ ତଥା ଖେଳାଳୀଙ୍କୁ ପୁରସ୍କୃତ କରିଥିଲେ | ମ୍ୟାନ ଅଫ ଦ ସିରିଜ ଭାବେ ସୁପର ସିକ୍ସର ବିଟ ର ଖେଳାଳୀ ରାଜେଶ ଜେନା, ମ୍ୟାନ ଅଫ ଦ ମ୍ୟାଚ ଭାବେ ଦିପୁ ନାୟକ,ବେଷ୍ଟ ବ୍ୟାଟ୍ସମ୍ୟାନ ଭାବେ ପ୍ରକାଶ, ବେଷ୍ଟ ବୋଲର ରାଜେଶ ଜେନା ପ୍ରମୁଖ ପୁରସ୍କୃତ ହୋଇଥିଲେ | ମ୍ୟାଚକୁ ପରିଚାଳନା କରିଥିଲେ ଶତ୍ରୁଘ୍ନ ଓ ବାବୁ | ଏହି ଟୁର୍ନାମେଣ୍ଟକୁ ପରିଚାଳନାରେ ବିଶେଷ ସହଯୋଗ କରିଥିଲେ ସୁଶାନ୍ତ ସାମଲ, ଚନ୍ଦନ ରାଉତ, ଦେବାଶିଷ ନାୟକ, କରୁଣାକର ବିଶ୍ୱାଳ, ବିନାୟକ ସାହୁ, ଶଙ୍କର ନାହାକ, ପିଣ୍ଟୁ ବିଶ୍ୱାଳ, ନରେନ୍ଦ୍ର ଜେନା ଓ ସାଥି ଖେଳାଳୀ | ତେବେ ଏହି ଅଞ୍ଚଳରେ ଅନେକ କୁନିକୁନି ପ୍ରତିଭାକୁ ଆଗ ଧାଡିରେ ଆଣି ଖେଳାଇବାର ପ୍ରଚେଷ୍ଟା କରିଥିବା ସମସ୍ତ ଆୟୋଜକ ଖେଳାଳୀଙ୍କୁ ସାଧୁବାଦ ଜଣାଇବା ସହ ଆଗାମୀ ଦିନରେ ଆଉ ଏକ ବଡ଼ ଟୁର୍ନାମେଣ୍ଟ ଆୟୋଜନ କରି ଖେଳ ଓ ଖେଳାଳୀଙ୍କ ବିକାଶ ନିମନ୍ତେ ପ୍ରଚେଷ୍ଟା ଜାରୀ ରଖିବାକୁ ଆହ୍ୱାନ ଦେଇଥିଲେ ଶ୍ରୀ ନାହାକ |