ସ୍କୁଟିକୁ ଧକ୍କା ଦେଲା ବୁଲେଟ; ଦୁଇ ଚାଳକ ଆହତ ଙ୍କୁ ସହାୟତା କଲେ ବିଧାୟକ  l

ରିପୋର୍ଟ :ନାରାୟଣ ଡାକୁଆ

ସୋରଡା:୨୩/୧୦   ଗଞ୍ଜାମ ଜିଲ୍ଲା ସୋରଡ଼ା ବ୍ଲକ ଅନ୍ତର୍ଗତ ସମ୍ପଲୀ ନିକଟ ରେ ଦୁର୍ଘଟଣା  ଘଟିଥିଲା l ସୋରଡା  ଠାରୁ ଦାରିଙ୍ଗବାଡି ଦେଇ ଯାଇଥିବା ରାସ୍ତାର  ସମ୍ପଲି ନିକଟରେ ସ୍କୁଟି ଚଳାଇ ଯାଉଥିବା ବେଳେ ବୁଲେଟ ଧକ ଦେଲା ସ୍କୁଟି ଚଳକ ଜଣକ ବଡଗଡ – ନୂଆଁଗାଁ ଟୁକୁନା ନାୟକଙ୍କୁ ପଛପଟୁ ଦୃତ ବେଗରେ ଯାଉଥିବା ଜିତେନ୍ଦ୍ର ଗୋଛୟତ ନାମକ ବୁଲେଟ୍ ଚାଳକ  ଧକ୍କା ଦେବା ଫଳରେ  ଦୁର୍ଘଟଣା ଘଟିଛି ।ଫଳରେ ଗାଡ଼ି ଚାଳକ ଦ୍ୱୟୁ ଶକ୍ତ ଧକ୍କା ପାଇ   ଆହତ ହୋଇଛନ୍ତି । ଚାଳକଙ୍କ ବେପରୁଆ ଭାବେ ଗାଡ଼ି ଚାଳନା ଯୋଗୁଁ ଦୁର୍ଘଟଣା ଘଟିଥିବା ଜଣାପଡିଛି। ତେବେ ସେହି ସମୟରେ ସୋରଡା  ବିଧାୟକ ନୀଳମଣି ବିଷୋୟୀ କିଛି ଜରୁରୀ କାର୍ଯ୍ୟ ପାଇଁ ସେହି ରାସ୍ତା ଦେଇ ଯାଉଥିବା ବେଳେ ଆହତ ହୋଇ ପଡିଥିବା ଉଭୟ ଚାଳକଙ୍କୁ ଉଦ୍ଧାର କରିବା ସହ ସ୍ଥାନୀୟ ଅଗ୍ନିଶମ ବିଭାଗକୁ ସହାୟତା ପାଇଁ ଖବର ଦେଇଥିଲେ । ଅଗ୍ନିଶମ ଅଧିକାରୀ ପ୍ରଭାତ କୁମାର ମଲ୍ଲିକଙ୍କ ସହ ଅନ୍ୟାନ୍ୟ କର୍ମଚାରୀ ଘଟଣା ସ୍ଥଳରେ ପହଞ୍ଚି ଆହତ ହୋଇଥିବା ବ୍ୟକ୍ତି ଦ୍ବୟଙ୍କୁ ଚିକିତ୍ସା ନିମନ୍ତେ ସୋରଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ପହଞ୍ଚାଇଥିଲେ । ସେଠାରେ ଡାକ୍ତର ସୁରଜ କୁମାର ସାହୁ ଓ ତାଙ୍କର ଟିମ ପହଁଚି ଆହାତ ଚାଳକ ଦ୍ୱୟଙ୍କୁ ଚିକିତ୍ସା କରିବା ସହିତ ଅଧିକ ଗୁରୁତର ଆହତ ଜିତେନ୍ଦ୍ର ଗୋଛୟତଙ୍କୁ ଅଧିକ ଚିକିତ୍ସା ପାଇଁ ବ୍ରହ୍ମପୁର ଏମ କେ ସି ଜି ମେଡ଼ିକାଲକୁ ସ୍ଥାନାନ୍ତର କରିବା ସହିତ ସ୍କୁଟି ଚାଳକ ଟୁକୁନା ନାୟକଙ୍କ ସ୍ୱାସ୍ଥ୍ୟରେ ସୁଧାର ଆଣିବାରେ ସହାୟକ ହୋଇଛନ୍ତି। ସୋରଡ଼ା ଥାନାଧିକାରୀ ଅନିଲ କୁମାର ପରିଡ଼ା ପହଁଚି ଘଟଣାର ଅନୁଧ୍ୟାନ କରିଛନ୍ତି।

ଗଞ୍ଜାମ ଜିଲ୍ଲା ସୋରଡ଼ା ରୁ ନାରାୟଣ ଡାକୁଆ