ବାତ୍ୟା “ଦାନା” କୁ ନେଇ ତତ୍ପର କୋଦଳା ଅଧ୍ୟକ୍ଷ 

ରିପୋର୍ଟ :ଦେବାଶିଷ 

ବେଗୁନିଆପଡା, (ଆମ ଓଡିଶା ଖବର):ବାତ୍ୟା ‘ଦାନା’ କୁ ନେଇ ସରକାର ସମ୍ପୂର୍ଣ ସଜାଗ ଥିବା ବେଳେ ବାତ୍ୟା ଆଶ୍ରୟ ସ୍ଥଳୀରେ ଲୋକଙ୍କୁ ସୁରକ୍ଷିତ ରଖିବା ପାଇଁ ପ୍ରଶାସନ ଓ ସ୍ଥାନୀୟ ପ୍ରତିନିଧି ସମସ୍ତ ପ୍ରଚେଷ୍ଟା ଜାରୀ ରଖିଛନ୍ତି  | ଏହି ପରିପ୍ରେକ୍ଷୀରେ ଗଞ୍ଜାମ ଜିଲ୍ଲା କୋଦଳା ଏନଏସି ରେ ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀରେ ଲୋକଙ୍କୁ ସୁରକ୍ଷିତ ଭାବେ ରଖାଯାଇଛି ବୋଲି ସୂଚନା ଦେଇଛନ୍ତି କୋଦଳା ଅଧ୍ୟକ୍ଷ ସୂର୍ଯ୍ୟ ନାରାୟଣ ନାୟକ । ଆଜି କଲ୍ୟାଣୀ ମଣ୍ଡପରେ ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳୀ କରା ଯାଇ ଲୋକଙ୍କୁ ଖାଇବା ବନ୍ଦୋବସ୍ତ କରିବା ସହ ବାତ୍ୟା ଭୟ ନ କମିବା ପର୍ଯ୍ୟନ୍ତ ଏହି ଠାରେ ରହିବାକୁ ଲୋକଙ୍କୁ ପରାମର୍ଶ ଦେଇଛନ୍ତି ଶ୍ରୀ ନାୟକ | ଏହା ସହ କୋଦଳା ପ୍ରଶାସନ, ଅଗ୍ନିଶମ ବାହିନୀ, ବିଦ୍ୟୁତ ବିଭାଗ, ପିଇବା ପାଣି ର ବିଭାଗୀୟ କର୍ତ୍ତ୍ତୃପକ୍ଷ ସମ୍ପୂର୍ଣ୍ଣ ସଜାଗ ଅଛନ୍ତି ବୋଲି ମଧ୍ୟ ସୂଚନା ଦେଇଛନ୍ତି ଅଧ୍ୟକ୍ଷ | ଅସ୍ଥାୟୀ ବାତ୍ୟା ଆଶ୍ରୟ ସ୍ଥଳରେ ସମସ୍ତଙ୍କୁ ଶୁଖିଲା ଖାଦ୍ୟ ସହ ରନ୍ଧା ଖାଦ୍ୟର ମଧ୍ୟ ବ୍ୟବସ୍ଥା କରାଯାଇଛି ବୋଲି ସୂଚନା ମିଳିଛି।