ଶରଧାପୁର ଠାରେ ଆନନ୍ଦ କାର୍ଯ୍ୟକ୍ରମ ଅନୁଷ୍ଠିତ l

ରିପୋର୍ଟ :ଦେବାଶିଷ 

ବେଗୁନିଆପଡା, (ଆମ ଓଡିଶା ଖବର):ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଖଇରିଖମା ପଞ୍ଚାୟତର ଶରଧାପୁର ସ୍ଥିତ ଜଗନ୍ନାଥ ମନ୍ଦିର ପରିସରରେ ବିଶ୍ୱ ପ୍ରସିଦ୍ଧ ଯୋଗଗୁରୁ ଶ୍ରୀ ଶ୍ରୀ ରବିଶଙ୍କରଙ୍କ ଅନୁଷ୍ଠାନ ଆର୍ଟ ଅଫ ଲିଭିଂ ପକ୍ଷରୁ ଏକ ଆନନ୍ଦ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି | ଗଞ୍ଜାମ ଆର୍ଟ ଅଫ ଲିଭିଂର ପ୍ରଶିକ୍ଷକ ଶ୍ରୀ କୃଷ୍ଣଚନ୍ଦ୍ର ମହାପାତ୍ରଙ୍କ ତତ୍ୱାବଧାନରେ ଆୟୋଜିତ ଉକ୍ତ ପାଞ୍ଚ ଦିନିଆ କାର୍ଯ୍ୟକ୍ରମରେ ପ୍ରଶିକ୍ଷକ ଶ୍ରୀ ନିରଦ କୁମାର ପଟ୍ଟନାୟକ, କେଦାର ରାଉଳ ପ୍ରମୁଖ ଉପସ୍ଥିତ ରହି ପ୍ରତିଯୋଗୀ ମାନଙ୍କୁ ଆର୍ଟ ଅଫ ଲିଭିଂ ର ସମସ୍ତ ଯୋଗ,ଧ୍ୟାନ,ସାଧନା, ପ୍ରାଣାୟାମ ସମ୍ପର୍କରେ ପ୍ରଶିକ୍ଷଣ ଦେଇଥିଲେ | ବିଶେଷ କରି ଗୁରୁଜୀ ଶ୍ରୀ ଶ୍ରୀ ରବିଶଙ୍କରଙ୍କ ପ୍ରବିତ୍ର ସୁଦର୍ଶନ କ୍ରିୟା ଜ୍ଞାନକୁ ଆହରଣ କରିଥିଲେ ସମସ୍ତ ପ୍ରତିଯୋଗୀ | ଏହି କାର୍ଯ୍ୟକ୍ରମରେ ଉକ୍ତ ପଞ୍ଚାୟତରୁ କୋଡିଏରୁ ଉର୍ଦ୍ଧ ପୁରୁଷ ମହିଳା ଯୋଗଦେଇ ଯୋଗ, ଧ୍ୟାନ, ପ୍ରାଣାୟାମ ଭଳି ବେଶ ଉପଯୋଗୀ ଜ୍ଞାନ ପ୍ରାପ୍ତ କରିଥିଲେ | ପାଞ୍ଚ ଦିନିଆ କାର୍ଯ୍ୟକ୍ରମର ଶନିବାର ଅନ୍ତିମ ଦିବସରେ ଆଖ ପାଖ ଅଞ୍ଚଳରୁ ଆର୍ଟ ଅଫ ଲିଭିଂର ଯୁବ ସ୍ବେଛାସେବୀ ଯୋଗ ଦେଇ କାର୍ଯ୍ୟକ୍ରମକୁ ସଫଳ କରାଇବାରେ ମୁଖ୍ୟ ଭୂମିକା ତୁଲାଇଥିଲେ | ଏହି କାର୍ଯ୍ୟକ୍ରମରେ ସିନିଅର ସ୍ବେଛାସେବୀ ଦେବାଶିଷ ମହାରଣା, ମଞ୍ଜୁଲତା ସାହୁ, ଗିରିଜା ପଲେଇ,ସଂଯୁକ୍ତା ତିଆଡ଼ି,ବନିତା ଗୌଡ଼, ସୁମିତ୍ରା ସାହୁ,ଅର୍ଚନା ସାହୁ,ନୟନୀ ପ୍ରଧାନ, ଅନୁସାୟା ଦୋରା, କୁନି ପ୍ରମୁଖ ଉପସ୍ଥିତ ଥିଲେ |