ଶୀଧେଶ୍ୱର ମନ୍ଦିର ପ୍ରାଙ୍ଗଣରେ ବିଜେପିର ସାଙ୍ଗଠନିକ ବୈଠକ ଅନୁଷ୍ଠିତ

ରିପୋର୍ଟ :ଦେବାଶିଷ ମହାରଣା

ବେଗୁନିଆପଡା, (ଆମ ଓଡିଶା ଖବର): ବେଗୁନିଆପଡା ସ୍ଥିତ ଶୀଧେଶ୍ୱର ମନ୍ଦିର ପରିସରରେ ବିଜେପିର ଏକ ମଣ୍ଡଳ ସ୍ତରୀୟ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି | ବରିଷ୍ଠ ଯୁବନେତା ନାରାୟଣ ସୁମନ୍ତରାୟ ଙ୍କ ସୌଜନ୍ୟତାରେ ଆୟୋଜିତ ଉକ୍ତ ବୈଠକରେ କବିସୂର୍ଯ୍ୟନଗର ମାନ୍ୟବର ବିଧାୟକ ଶ୍ରୀ ପ୍ରତାପ ଚନ୍ଦ୍ର ନାୟକ ଯୋଗଦେଇ ବିଜେପିର ସାଙ୍ଗଠନିକ ସ୍ଥିତ ସମ୍ପର୍କରେ ଆଲୋକପାତ କରିଥିଲେ | ଏହା ସହ ବୁଥ ସ୍ତରରୁ ବିଜେପି କିପରି ଆହୁରି ମଜବୁତ ହେଇ ପାରିବ ସେ ନେଇ କର୍ମୀ ମାନଙ୍କୁ ଗୁରୁମନ୍ତ୍ର ଦେଇଥିଲେ | ବିଜେପିର ସଦସ୍ୟତା ଅଭିଯାନରେ କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ଯେଉଁଭଳି ସାରା ଓଡ଼ିଶାରେ ସର୍ବାଗ୍ରେ ରହିଛି ତାକୁ ନେଇ କର୍ମୀ ମାନଙ୍କୁ ଅଭିନନ୍ଦନ ଜଣାଇବା ସହ ଉତ୍ସାହିତ କରିଥିଲେ ଶ୍ରୀ ନାୟକ | ଏହା ସହ ପ୍ରତ୍ୟେକ କାର୍ଯ୍ୟକୁ ଯେପରି ଭାବେ ଶୃଙ୍ଖଳିତ ଓ ନିଷ୍ଠାର ସହ କରାଯାଇ ପାରିବ ସେ ନେଇ ନିଷ୍ପତି ନିଆ ଯାଇଥିଲା | ଏହି ବୈଠକରେ ବରିଷ୍ଟ ଯୁବନେତା ନାରାୟଣ ସୁମନ୍ତରାୟ, ଅଶୋକ ତାରିଣୀ, ରାଜେନ୍ଦ୍ର ଭୂୟାଁ, ପୁର୍ଣଚନ୍ଦ୍ର ସେଠୀ,ବିନୋଦ ଚନ୍ଦ୍ର ଜେନା,ରମେଶ ପଲେଇ,ପଙ୍କଜ ସେଠୀ, ଶ୍ରୀକାନ୍ତ ପଣ୍ଡା, ମିଥୁନ ସ୍ୱାଇଁ ଙ୍କ ସମେତ ଶତାଧିକ କର୍ମୀ ଉପସ୍ଥିତ ଥିଲେ |