ଲଘୁଚାପ ଜନିତ  ବର୍ଷାରେ ଗଛପଡି ଭାଙ୍ଗିଲା ଘର, ଅଳ୍ପକେ ବର୍ତ୍ତିଲେ ପରିବାର ଲୋକେ l

ରିପୋର୍ଟ :ଦିଲିପ ଦୁରିଆ

ଧର୍ମଗଡ଼: କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଫୁଣ୍ଡା ପଞ୍ଚାୟତ ଡୋକ୍ରିପଡା ଗ୍ରାମର ସୁଦର୍ଶନ ବାଗଙ୍କ ଘର ଉପରେ ପ୍ରବଳ ବର୍ଷା ଓ ଝଡ଼ ତୋଫାନ ଯୋଗୁଁ ବିଶାଳ ଗଛ ପଡି ଘର ନଷ୍ଟ ହୋଇଥିବା ଜଣା ପଡିଛି । ବୁଧବାର ରାତି ପ୍ରାୟ ୯.୦୦ ଟା ସମୟରେ ଘର ଲୋକ ଶୋଇଥିବା ବେଳେ ପ୍ରବଳ ବର୍ଷା ଓ ଝଡ଼ ତୋଫାନ ଯୋଗୁଁ   ଗଛଭାଙ୍ଗି  ଘର ଉପରେ ପଡିଥିବାରୁ ପରିବାର ମଧ୍ୟ ଅଳ୍ପକେ ବର୍ତ୍ତୀ ଯାଇଥିବା କୁହାଯାଉଛି । କୋଣସି ମତେ ଗ୍ରାମବାସୀ ସୂଚନା ପାଇ  ଅଗ୍ନିଶମ ବିଭାଗ,ବୋରଗୁଡା ରାଜସ୍ବ ନିରୀକ୍ଷକ ତାପସ ମଙ୍ଗରାଜ,ସମାଜସେବୀ ଶ୍ୟାମ ସୁନ୍ଦର ଅଗ୍ରୱାଲଙ୍କୁ ଫୋନ ଯୋଗେ ଯୋଗାଯୋଗ କଲାପରେ ତୁରନ୍ତ ଅଗ୍ନିଶମ ବିଭାଗ, ରାଜସ୍ବ ନିରୀକ୍ଷକ ଓ ସମାଜସେବୀ ଘଟଣା ସ୍ଥଳକୁ ପହଞ୍ଚି ଘର ଉପରେ ପଡ଼ିଥିବା ଗଛ ଟିକୁ ଅଗ୍ନିସମ ବିଭାଗ ତରଫରୁ  ଗଛଟିକୁ କାଟି ହଟାଇ ଥିବା ଜଣା ପଡିଛି । କିନ୍ତୁ ଘର ଅଧାରୁ ଅଧିକା ଅଂଶ ସପୂର୍ଣ ଚୁରମାର ହୋଇ ଯାଇଥିବା ମଧ୍ୟ ଦେଖିବାକୁ ମିଳୁଛି । ସୁଦର୍ଶନ ଏକ ଗରିବ ପରିବାର ଓ ଦିନ ମଜୁରୀଆ ହୋଇଥିବାରୁ ସେ ଘର କରିବା ପାଇଁ ମଧ୍ୟ ଆର୍ଥିକ ସମ୍ବଳ ନାହିଁ ତେଣୁ ସେ ଗୁଜୁରାଣ ମେଣ୍ଟାଇବା ପାଇଁ ବାହାର ରାଜ୍ୟକୁ ଦାଦନ ଖଟିବାକୁ ଯାଇଥିବା ପରିବାର ପକ୍ଷରୁ କୁହାଯାଉଛି । ତୁରନ୍ତ ଜିଲ୍ଲା ପ୍ରଶାସନ କ୍ଷୟକ୍ଷତି ଆକଳନ କରି ଘର ସହିତ ସହାୟତା ଯୋଗାଇ ଦେବା ପାଇଁ ଦାବୀ ହେଉଛି ।