*ପାନପୋଷ ମାର୍କେଟ କମ୍ପ୍ଳେକ୍ସର ଆବଣ୍ଟନ ପ୍ରକ୍ରିୟା ଶେଷ*

ରିପୋର୍ଟର -ଯଯାତି କେଶୋରୀ ବିଶ୍ୱାଳ

ଲଟେରୀ ମାଧ୍ୟମରେ ବିସ୍ଥାପିତଙ୍କୁ ଦିଆଗଲା ଦୋକାନ ଘର ରାଉରକେଲା ୧୧ ଜୁଲାଇ ୨୦୨୩:-  ମଙ୍ଗଳବାର ଅତିରିକ୍ତ ଜିଲ୍ଲାପାଳ ତଥା ରାଉରକେଲା ମହାନଗର ନିଗମ ଆୟୁକ୍ତ ଡ. ଶୁଭଙ୍କର ମହାପାତ୍ରଙ୍କ ଉପସ୍ଥିତିରେ ନବ ନିର୍ମିତ ପାନପୋଷ ମର୍କେଟ କମ୍ପ୍ଳେକ୍ସର ପ୍ରଥମ ପର୍ଯ୍ୟାୟ ଆବଣ୍ଟନ ପ୍ରକ୍ରିୟା ଶେଷ ହୋଇଛି । ଉଦିତ ନଗର ସ୍ଥିତି ପାଠାଗାର ପରିସରରେ ଲଟେରୀ ପ୍ରକ୍ରିୟାରେ ମାଧ୍ୟମରେ ମୋଟ ୧୧୧ ଜଣ ବିସ୍ଥାପିତଙ୍କୁ ଦୋକାନ ଗୃହ ପ୍ରଦାନ କରାଯାଇଛି । ଆଜିର ଏହି ଆବଣ୍ଟନ ପ୍ରକ୍ରିୟାରେ ବିସ୍ଥାପିତ ଦୋକାନ ମାଲିକ ଅଥବା ସେମାନଙ୍କ ଦ୍ବାରା ଅଧିକୃତ ବ୍ୟକ୍ତି ଉପସ୍ଥିତ ରହି ଲଟେରୀ ପ୍ରକ୍ରିୟାରେ ସାମିଲ ହୋଇଥିଲେ ।

ତେବେ ଆଜିର ଏହି ଲଟେରୀ ପ୍ରକିୟାରୁ ନିଜ ଇଚ୍ଛାରେ ଓହରି  ଯାଇଥିବା ୪ ଜଣ ଦୋକାନ ମାଲିକଙ୍କୁ ସେମାନଙ୍କ ପସନ୍ଦ ମୁତାବକ ଦୋକାନ ଗୃହ କମ୍ପ୍ଳେକ୍ସର ପ୍ରଥମ ମହଲାରେ ପ୍ରଦାନ କରାଯିବ । ଆବଣ୍ଟନ ପ୍ରକ୍ରିୟାରେ ସମ୍ପୂର୍ଣ୍ଣ ସ୍ବଚ୍ଛତା ଅବଲମ୍ବନ କରାଯିବା ସହ ନୂଆ ଦୋକାନ ଗୃହ ପ୍ରଦାନ କରାଯାଇଥିବାରୁ ବିସ୍ଥାପିତମାନେ ଖୁସି ବ୍ୟକ୍ତ କରିଥିଲେ । ଆଜିର ଏହି ପ୍ରକ୍ରିୟାର ମହାନଗର ନିଗମ ଉପ ଆୟୁକ୍ତ ସୁଧାଂଶୁ ଭୋଇ, ଡ. ଗୌରବମୟ ପ୍ରଧାନ, ସୀତାଦେବୀ ମାଝି, ସୁକାନ୍ତ କୁମାର ବେଉରା, ଅତିରିକ୍ତ ଆୟୁକ୍ତ ନରେନ୍ଦ୍ର ପ୍ରଧାନଙ୍କ ସମେତ ମହାନଗର ନିଗମ ଓ ରାଉରକେଲା ସ୍ମାର୍ଟସିଟି ଲିମିଟେଡର ଅନ୍ୟ ଅଧିକାରୀମାନେ ଉପସ୍ଥିତ ରହି ଆବଣ୍ଟନ ପ୍ରକ୍ରିୟାକୁ ସୂଚାରୁ ରୂପେ ସମ୍ପାଦନ କରିଥିଲେ । ସୂଚନା ଯୋଗ୍ୟ ଯେ, ପ୍ରାୟ ୩.୫ ଏକର ଜମିରେ ୫୩. ୫୩ କୋଟି ଟଙ୍କା ବ୍ୟାୟରେ ଏହି ମାର୍କେଟ କମ୍ପ୍ଳେକ୍ସ ନିର୍ମିତ ହୋଇଛି । ଏଥିରେ ମୋଟ ୨୦୬ଟି ଦୋକାନ ଗୃହ ସହିତ ପାର୍କିଂ ସୁବିଧା ରହିଛି।