ବିଜେଡି କୁ ଶକ୍ତ ଧକ୍କା..ବିଜେପି ରେ ମିଶିଲେ ଚଣ୍ଡପଲ୍ଲୀ ଗ୍ରାମର ଶତାଧିକ ପୁରୁଷ ମହିଳା l

ବେଗୁନିଆପଡା(ଆମ ଓଡ଼ିଶା ଖବର )ଚଳିତ ମେ ମାସ 20 ତାରିଖରେ କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ରେ ସାଧାରଣ ନିର୍ବାଚନ ହେବାକୁ ଥିବା ବେଳେ ଗତ ଦୁଇ ତାରିଖରେ ହଜାର ହଜାର କର୍ମୀ ବିଜେପି ରେ ସାମିଲ ହେବା ପରେ ଶାସକ ଦଳ ଉପରେ ଚାପ ସୃଷ୍ଟି ହୋଇଛି | ଗତ ଦୁଇ ତାରିଖ ଦିନ ବେଗୁନିଆପଡା ଠାରେ ଆୟୋଜିତ ମେଗା ମିଶ୍ରଣ ପର୍ବରେ ହଜାର ହଜାର ବିଜେଡି କର୍ମୀ ବିଜେପି ରେ ସାମିଲ ହୋଇଥିବା ବେଳେ ତାକୁ ଆଧାର କରି ଏବେ ଗାଁ ଗାଁ ରେ ବିଜେପି ର ମିଶ୍ରଣ ପର୍ବ ହେଉଥିବା ଦେଖିବାକୁ ମିଳିଛି | ଏହି ପରିପ୍ରେକ୍ଷୀରେ ସାମିଲ ହୋଇଛି ବେଗୁନିଆପଡା ବ୍ଲକ ଅନ୍ତର୍ଗତ ସାଙ୍କୁଡ଼ା ପଞ୍ଚାୟତର ଚଣ୍ଡପଲ୍ଲୀ ଗାଁ | ବରିଷ୍ଠ ଯୁବନେତା ତଥା ପୂର୍ବତନ ଜିଲ୍ଲା ପରିଷଦ ସଭ୍ୟ ମନୋଜ ପାଣ୍ଡୀ ଙ୍କ ତତ୍ୱାବଧାନରେ ଆୟୋଜିତ ଏକ ମିଶ୍ରଣ ପର୍ବରେ ଚଣ୍ଡପଲ୍ଲୀ ଗ୍ରାମର ଶତାଧିକ ପୁରୁଷ, ମହିଳା ବିଜେପିରେ ଯୋଗ ଦେଇଛନ୍ତି | ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଙ୍କ ଆଦର୍ଶ ରେ ଅନୁପ୍ରାଣିତ ହୋଇ ଏହି ମିଶ୍ରଣ ପର୍ବରେ ଶହ ଶହ ସମର୍ଥକ ସାମିଲ ହୋଇଥିବା ଜଣା ପଡିଛି | ବେଗୁନିଆପଡା ବ୍ଲକ ରେ ଚାଲିଥିବା ଅରାଜକତା, ଦୁର୍ନୀତି, ଭ୍ରଷ୍ଟାଚାର ବିରୁଦ୍ଧରେ ତାଙ୍କ ସ୍ୱର କୁ ଶାଣିତ କରିଛନ୍ତି ଚଣ୍ଡପଲ୍ଲୀ ଗ୍ରାମବାସୀ | ଏହି ମିଶ୍ରଣ ପର୍ବ କାର୍ଯ୍ୟକ୍ରମରେ ବିଶିଷ୍ଠ ସମାଜସେବୀ ଚିତ୍ରସେନ ପରିଡା, ବେଗୁନିଆପଡା ପୂର୍ବତନ ବ୍ଲକ ଅଧ୍ୟକ୍ଷ ବିଜୟ ଦୋରା,ସଂଜୀବ କୁମାର ସାହୁ,ଗୋପାଳ ସାହୁ, ପ୍ରଶାନ୍ତ ପାତ୍ର,ରାଜେନ୍ଦ୍ର ଭୂୟାଁ, ହିମାଂଶୁ ସ୍ୱାଇଁ ଙ୍କ ସମେତ ବହୁ ବିଜେପି କର୍ମୀ ଉପସ୍ଥିତ ଥିଲେ |