ଝୁଲନ୍ତା ଅବସ୍ଥାରେ ଯୁବକଙ୍କ ମୃତ ଦେହ ଉଦ୍ଧାର  l

ରିପୋର୍ଟ :ଦେବାଶିଷ 

ବେଗୁନିଆପଡା,(ଆମ ଓଡ଼ିଶା ଖବର ) ବେଗୁନିଆପଡା ଥାନା ଅନ୍ତର୍ଗତ ଅଙ୍ଗାରଗାଁ ରେ ଜୈନକ ଦୋକାନୀ ତୋଫାନ ସାହୁଙ୍କ ବାରିପଟ ଲାଟିନ ଭିତରୁ ଜଣେ ବ୍ୟକ୍ତିଙ୍କ ଝୁଲନ୍ତା ଅବସ୍ଥାରେ ମୃତ ଦେହ ଉଦ୍ଧାର ହୋଇଛି | ସୂଚନା ଅନୁଯାୟୀ ଉକ୍ତ ଗ୍ରାମ ଖଦାଳ ସାହିର ଗୋବିନ୍ଦ ଦାସ ଙ୍କ ପୁଅ ମୁନା ଦାସ (33) ଗୁରୁବାର ରାତିରେ ତୋଫାନ ସାହୁଙ୍କ ବାରିପଟେ ଥିବା ଲାଟିନ ଘରେ ବେକରେ ଗାମୁଛା ଲଗେଇ ମୃତ୍ୟୁ ବରଣ କରିଛନ୍ତି | ତେବେ ଶୁକ୍ରବାର ସକାଳୁ ତୋଫାନ ସାହୁ ଙ୍କ ପୁଅ ଲାଟିନ ଯିବା ସମୟରେ ମୁନା ଙ୍କ ଝୁଲନ୍ତା ମୃତ୍ୟୁ ଶରୀର କୁ ଦେଖି ଘର ଲୋକକୁ ଖବର ଦେଇଥିଲେ | ଘର ଲୋକ ବିଚଳିତ ଅବସ୍ଥାରେ ଗ୍ରାମବାସୀଙ୍କୁ ଖବର ଦେବା ପରେ ଶବ କୁ ଦେଖିବାକୁ ଲୋକେ ରୁଣ୍ଡ ହୋଇଥିଲେ | ତେବେ ମୁନା ଜଣେ ଘର ମିସ୍ତ୍ରୀ ଭାବେ କାମ କରୁଥିଲା ବେଳେ ତାଙ୍କ ପତ୍ନୀ ଅନ୍ତସତ୍ୱା ଅଛନ୍ତି | ଏ ମୃତ୍ୟୁକୁ ସ୍ଥାନୀୟ ଅଞ୍ଚଳବାସି ସନ୍ଦେହ ପ୍ରକଟ କରୁଥିବା ବେଳେ ପୋଲିସ ତଦନ୍ତ ପରେ ଘଟଣାର ସତ୍ୟାସତ୍ୟ ପଦାକୁ ଆସିବ ବୋଲି ଆଲୋଚନା ହେଉଛି | ଖବର ପାଈଁ ଘଟଣା ସ୍ଥଳରେ ବେଗୁନିଆପଡା ଥାନା ଆଇଆଇସି ଅଶୋକ କୁମାର ହାଂସଦ, ଏସ ଆଇ ଟୁନା ପୀଡ଼ିକା, ଏସ ଆଇ ଜଗଦୀଶ ପଣ୍ଡା ପହଞ୍ଚି ତଦନ୍ତ ଆରମ୍ଭ କରିଛନ୍ତି | ଶବ ବ୍ୟବଛେଦ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି କହିଛନ୍ତି ଥାନା ଅଧିକାରୀ |