ନବଘନ ନାୟକ ସ୍ନାତକ ମହାବିଦ୍ୟାଳୟ ଓ ବଲ୍ଲଭ ନାୟକ ଉଚ୍ଚ ବିଦ୍ୟାଳୟ ପକ୍ଷରୁ ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ 

ରିପୋର୍ଟ :ଦେବାଶିଷ 

ବେଗୁନିଆପଡା, (ଆମ ଓଡ଼ିଶା ଖବର )ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ବୁରୁଝୁରି ପଂଚାୟତ ସ୍ଥିତ ନବଘନ ନାୟକ ସ୍ନାତକ ମହାବିଦ୍ୟାଳୟ ଏବେ ବଲ୍ଲଭ ନାୟକ ଉଚ୍ଚ ବିଦ୍ୟାଳୟର ମିଳିତ ଆନୁକୂଲ୍ୟରେ ହର ଘର ତ୍ରିରଙ୍ଗା ଶୋଭାଯାତ୍ରା କାର୍ଯ୍ୟକ୍ରମ ବେଶ ଧୂମଧାମ ରେ ଅନୁଷ୍ଠିତ ହୋଇଯାଇଛି। ଭାରତର ଯଶସ୍ବୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିର୍ଦ୍ଦେଶ କ୍ରମେ ଦେଶ ବ୍ୟାପୀ ତ୍ରିରଙ୍ଗା ଯାତ୍ରା କାର୍ଯ୍ୟକ୍ରମ ଅନୁଷ୍ଠିତ ହୋଇଥିବା ବେଳେ ଆଜି ଏହି ସ୍କୁଲ ଏବଂ କଲେଜ ତରଫରୁ ମଧ୍ୟ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ତ୍ରିରଙ୍ଗା ଶୋଭାଯାତ୍ରାରେ ନବଘନ ନାୟକ ସ୍ନାତକ ମହାବିଦ୍ୟାଳୟର ଅଧ୍ୟକ୍ଷା ବନିତା ନାହାକ ଓ ବଲ୍ଲଭ ନାୟକ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ତ୍ରିନାଥ ନାହାକ ଯୋଗଦେଇ ଛାତ୍ର ଛାତ୍ରୀ ମାନଙ୍କୁ ଉତ୍ସାହିତ କରିବା ସହ ଦେଶ ଓ ଜାତି ଉଧ୍ୟେଶ୍ୟ ରେ ନିଜର ବହୁ ମୂଲ୍ୟ ବକ୍ତବ୍ୟ ରଖିଥିଲେ । ଆଜିର ଏହି ଶୋଭାଯାତ୍ରା  କଲେଜ ରୁ ଆରମ୍ଭ ହୋଇ ସାହି ପରିକ୍ରମା କରିବା ସହିତ କଲେଜ  ଠାରେ ପହଁଚିଥିଲା | ଏହି ଦେଶ ଭକ୍ତି କାର୍ଯ୍ୟକ୍ରମରେ ପୂଜା ମହାପାତ୍ର, ମାଣିକ ଡାକୁଆ. ଚନ୍ଦନ ରାଉତ, ଯୁଧିଷ୍ଠିର ପ୍ରଧାନ, ନାରାୟଣ ସାହୁ ସୁବଳ ପାତ୍ର ଙ୍କ ସମେତ ସ୍କୁଲ ଛାତ୍ର ଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ ପ୍ରମୁଖ ଉପସ୍ଥିତ ରହି ହାତରେ ଜାତୀୟ ପତାକା ଧରି ସ୍ୱାଧୀନତା ସଂଗ୍ରାମରେ ବଳିଦାନ ଦେଇଥିବା ମହା ପୁରୁଷ ମାନଙ୍କୁ ମନେ ପକାଇଥିଲେ | ସ୍ବାଧୀନତା ସଂଗ୍ରାମୀଙ୍କୁ ସମ୍ମାନ ଓ ତ୍ରିରଙ୍ଗା ପତାକାର ସ୍ବାଭିମାନ ଅକ୍ଷୁଣ୍ଣ ରଖି ଶାନ୍ତି ଓ ମୈତ୍ରୀ ର ଏକତା ରେ ବାନ୍ଧିହୋଇ ଦେଶ ମାତୃକାର ସେବା କରିବାପାଇଁ ଜୟଗାନ କରିଥିଲେ।