ପୁଟିଗୋପାଳ ଛକ ନିକଟରେ ଦୁଇଟି ବାଇକ୍ ମୁହାଁମୁହିଁ ଦୁର୍ଘଟଣା l

ଗଞ୍ଜାମ (ଆମ ଓଡ଼ିଶା ଖବର ) ଛତ୍ରପୁରର ପୁଟିଗୋପାଳ ଛକ ନିକଟରେ ଘଟିଛି ଅଘଟଣ, ଦୁଇଟି ମୋଟରସାଇକେଲ ସାମ୍ନା ସମ୍ନୀ ଦୁର୍ଘଟଣା । ଗୋଟିଏ ଗ୍ଲାମର ବାଇକ୍ (ନଂ. OR07T 7077), ଯାହା ରମେଶଚନ୍ଦ୍ର ନାୟକ (୫୩) ଚଲାଉଥିଲେ, ଏବଂ ପଛରେ ବସିଥିଲେ ଅଶ୍ୱିନ କୁମାରୀ ନାୟକ(୨୨) ଆଲିଆବାଦ ନିବାସୀ । ବ୍ରହ୍ମପୁର ରୁ ଛତ୍ରପୁର ଆଡ଼କୁ ଯାଉଥିବା ବେଳେ, ପୁଟିଗୋପାଳ ଛକ ନିକଟରେ ମୋଡ଼ ନେଉଥିବା ସମୟରେ ଏକ ପଲସର୍ ବାଇକ୍ (OD 07 AJ 8169) ସହିତ ମୁହାଁମୁହିଁ ଧକ୍କା ହୋଇଥିଲା, ଯେଉଁଥିରେ କେଦାର ଗୌଡ଼(୨୨) ଓ ତାଙ୍କ ଭଉଣୀ ଅମିତା ଗୌଡ଼ (୨୨), ସାତୁଲିର ନିବାସୀ ସମାନ ଦିଗରେ ଆସୁଥିଲେ। ଧକ୍କା ଯୋଗୁଁ ସମସ୍ତ ବ୍ୟକ୍ତି ଆହାତ ହୋଇଥିଲେ । ଅମିତାଙ୍କ ଶରୀର ଓ ମୁଣ୍ଡରେ ଗଭୀର ଆଘାତ ଲାଗିଥିଲା, କେଦାରଙ୍କ ଶରୀରରେ ମଧ୍ୟ ଆଘାତ ଲାଗିଥିଲା, ଯେତେବେଳେ ରମେଶ ଏବଂ ଅଶ୍ୱିନ ମଧ୍ୟ ଆହତ ହୋଇଥିଲେ। ଘଟଣା ସ୍ଥଳରେ ଟ୍ରାଫିକ ପେଟ୍ରୋଲିଂ ଗାଡ଼ିରେ ଏସ୍ ଆଇ ନିଳାଞ୍ଚଳ ସେଠୀ ଓ ସାଥୀ ସମସ୍ତ ଆହତ ବ୍ୟକ୍ତିଙ୍କୁ ଚିକିତ୍ସା ନିମନ୍ତେ ତୁରନ୍ତ ଛତ୍ରପୁର ମେଡିକାଲକୁ ନେଇଯାଇଥିଲେ ଓ ଡକ୍ଟର

ସେମାନଙ୍କୁ ପ୍ରାଥମିକ ଚିକିସ୍ୟା କରିଥିଲେ । ଘଟଣାର ବିବରଣୀ ଛତ୍ରପୁର ପୋଲିସ ଷ୍ଟେସନକୁ ରିପୋର୍ଟ କରାଯାଇଥିଲା । ଏସ୍ ଆଇ ନିଳାଞ୍ଚଳ ସେଠୀ ଏହିପରି ଅନେକଥର ନିରନ୍ତର ପରୋପକାରୀ କାର୍ଯ୍ୟ କରିଆସୁଛନ୍ତି ସେଥି ନିମନ୍ତେ ସେ ସମସ୍ତଙ୍କ ଅତି ପ୍ରିୟ ହୋଇପାରିଛନ୍ତି ।

ରିପୋର୍ଟର : ଜି ରବିନ କୁମାର