ଜଟଣୀର ଜାମୁକୋଳି ଅଞ୍ଚଳ ରାଜରାସ୍ତାରୁ ଦୁର୍ବୁତ୍ତ ଉଠାଇ ନେଉଛନ୍ତି ନିର୍ମାଣ ସାମଗ୍ରି।

ଜଟଣୀ, ଏଆରଫିଲ୍ଡ ଥାନା ଅନ୍ତର୍ଗତ ଜାମୁକୋଳି ଗ୍ରାମ ସ୍ଥିତ ୪ ଲାଇନ୍ ନୁତନ ରୋଡ ଉପରୁ ଦୁର୍ବୁତ୍ତ ମାଫିଆ, ରାସ୍ତା ନିର୍ମାଣ ପାଇଁ ରଖା ଯାଇଥିବା ବାଲି, ଚିପ୍ସି, ମେଣ୍ଟାଲ ଓ ମୋରମ ମନଇଛା ଉଠାଇ ନେଉଛନ୍ତି। ପ୍ରକାଶ ଥାଉକି, ହରିରାଜ ପୁର ଠାରୁ ସୁନ୍ଦରପଦା ପର୍ଯ୍ୟନ୍ତ ୪ ଲାଇନ୍ ବିଶିଷ୍ଟ ପକାରାସ୍ତା ପ୍ରଶସ୍ତକରଣ ରାସ୍ତାକାର୍ଯ୍ୟ ଚାଲିଥିବା ବେଳେ, ଠିକାଦାର ରଖିଥିବା ରାସ୍ତା ନିର୍ମାଣ ପାଇଁ ଆନୁସଙ୍ଗିକ ସାମଗ୍ରି ଯଥା ବାଲି, ଚିପ୍ସ, ମେଣ୍ଟାଲକୁ ଦିର୍ଘ ଦିନରୁ ଦୁର୍ବୁତ୍ତ ମାଫିଆ ମାନେ ରାତି ଅଧିଆ ଉଠାଇ ନେଇଯାଇଛନ୍ତି। ଘଟଣାଟି ଜଣାପଡିଛି, ଏଆରଫିଲ୍ଡ ଥାନା ଅନ୍ତର୍ଗତ, ଜାମୁକୋଳି ଗ୍ରାମ ଛକ ଠାରୁ କିଛି ଯୁବକ ରାସ୍ତା ଉପରୁ ଜେସିବି ଲଗାଇ ମୋରମ ଉଠାଇ ଟ୍ରାକ୍ଟରରେ ନେଉଥିବା ବେଳେ, ଖବରପାଇ ଏୟାରଫିଲଡ ପୋଲିସ ସେଠାରେ ପହଞ୍ଚି ଚଢ଼ାଉ କରିଥିଲା। ପୋଲିସକୁ ଦେଖି ଯୁବକ ମାନେ ସେଠାରୁ ଖସି ପଳାଇଥିଲେ। ପୋଲିସ ଘଟଣା ସ୍ଥଳରୁ ଗୋଟିଏ ଜେସିବି ଓ ଗୋଟିଏ ଟ୍ରାକ୍ଟର ଜବତ କରି ଅଧିକ ତଦନ୍ତ ଜାରି ରଖିଛି।

ଖୋର୍ଦ୍ଧା ଜଟଣୀରୁ ଧିରେନ ପ୍ରତିହାରିଙ୍କ ରିପୋର୍ଟ ଆମ ଓଡିଶା ଖବର।