ଜାତୀୟ ବିଜ୍ଞାନ ଦିବସ ପାଳିତ l

ଢେଙ୍କାନାଳ (ଆମ ଓଡ଼ିଶା ଖବର ) ଢେଙ୍କାନାଳ ମୁନ୍ସିପାଲଟି ର ୧ ନମ୍ବର ୱାର୍ଡରେ ଅବସ୍ଥିତ ଡଃ ଦାଶରଥି ମିଶ୍ର ଉଚ୍ଚ ବିଦ୍ୟାଳୟ ପରିସରରେ ଜାତୀୟ ବିଜ୍ଞାନ ଦିବସ ପାଳିତ ହୋଇଯାଇଛି। ଏହି ଦିବସ ଉପଲକ୍ଷେ  ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଅଞ୍ଜନା ମିଶ୍ର ଙ୍କ ସଭାପତିତ୍ବରେ ଏକ ସଭାର ଆୟୋଜନ କରାଯାଇଥିଲା। ଉକ୍ତ ସଭାରେ ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ମିଶ୍ର ନିଜର ବକ୍ତବ୍ୟ ରଖି ପିଲାମାନଙ୍କୁ ବିଜ୍ଞାନ ପ୍ରତି ଅଧିକ ଆଗ୍ରହ ରଖିବା ପାଇଁ ପରାମର୍ଶ ଦେବା ସଙ୍ଗେ ସଙ୍ଗେ ଚନ୍ଦ୍ର ଶେଖର ଭେଙ୍କଟରମଣ ଙ୍କ ଉଦ୍ଦେଶ୍ଯରେ ସ୍ବହସ୍ତ ଲିଖିତ  କବିତା ପାଠ କରିଥିଲେ।ସମସ୍ତ ପିଲା ଙ୍କ ମଧ୍ୟ ରେ ଥିବା ସୁପ୍ତ ଶକ୍ତି ଜାଗ୍ରତ ହେଲେ ସେମାନେ ଦିନେ ଗାଲିଲିଓ ଆଇନ୍ ଷ୍ଟାଇନ୍ ଭଳି ବୈଜ୍ଞାନିକ ହୋଇପାରିବେ ବୋଲି ମତପ୍ରକାଶ ପାଇଥିଲା। ବିଜ୍ଞାନ ଶିକ୍ଷୟିତ୍ରୀ ସରଳା ସାହୁ ବିଜ୍ଞାନ ଭିତ୍ତିକ କୁଇଜ୍ ପ୍ରତିଯୋଗିତା କରାଇଥିଲେ। ଏଥିରେ ଅବିନାଶ ସାମଲ ଶ୍ରେଣୀ ନବମ ପ୍ରଥମ ହୋଇଥିଲେ। ତତ୍ ସହିତ ବକ୍ତୃତା ପ୍ରତିଯୋଗିତା ମଧ୍ୟ କରାଯାଇଥିଲା। ଏଥିରେ ଅବିନାଶ ସାମଲ ଶ୍ରେଣୀ ନବମ ପ୍ରଥମ, ବବୁଲ ପ୍ରଧାନ  ୨ୟ, ସୋନାଲି ଦେହୁରୀ ୩ୟ ସ୍ଥାନ ଅଧିକାର କରିଥିଲେ। ସମସ୍ତ ପ୍ରତିଯୋଗୀ ମାନଙ୍କୁ ପ୍ରଧାନ ଶିକ୍ଷୟିତ୍ରୀ ପୁରସ୍କୃତ କରିଥିଲେ। ବିଜ୍ଞାନ  ଶିକ୍ଷୟିତ୍ରୀ ଶ୍ରୀମତୀ ସରଳା ସାହୁ ପରିବେଶ ଉପରେ ଲେଖିଥିବା କବିତା ଗାନ କରିଥିଲେ ଓ ଧନ୍ୟବାଦ ଅର୍ପଣ କରିଥିଲେ।