ନେହେରୁ ସେବା ସଂଘ ରେ ୭୭ତମ ସ୍ଵାଧୀନତା ଦିବସ ପାଳିତ ।

ବାଣପୁର :ଖୋର୍ଦ୍ଧା ଜିଲ୍ଲା ବାଣପୁରର ନେହେରୁ ସେବା ସଂଘ ପରିସରରେ ଭାରତ ବର୍ଷର ୭୭ତମ ସ୍ଵାଧୀନତା ଦିବସ ସହିତ ସ୍ଥାନୀୟ ଅଞ୍ଚଳର ଜଣେ ସମାଜସେବୀ ନବଘନ ପ୍ରଧାନ ଓ ଧର୍ମ ପତ୍ନୀ ଧର୍ମ ପ୍ରାଣା ଉଜ୍ଜ୍ଵଳ ଦେଇଙ୍କ ସ୍ମାରକୀ ସମାରୋହ ମହାସମାରୋହରେ ପାଳିତ ହୋଇଯାଇଛି।ବ୍ରାଜିଲରେ ଭାରତ ବର୍ଷର ବାଣିଜ୍ୟିକ ଉପସଚିବ ଥିବା ବାଣପୁର ନିକଟସ୍ଥ ସୁନାକେରା ଗ୍ରାମର ବୈଷ୍ଣବ ଚରଣ ପ୍ରଧାନଙ୍କ ଅନୁରୋଧକ୍ରମେ ତାଙ୍କ ପିତାମାତାଙ୍କ ସ୍ମୃତି ଉଦ୍ଦେଶ୍ୟରେ ଆୟୋଜିତ ଏହି ସମାରୋହରେ ସେବା ସଂଘର କୋଷାଧ୍ୟକ୍ଷ ଓମ୍ ପ୍ରକାଶ ଅଗ୍ରୱାଲ ସଭାପତିତ୍ଵ କରିଥିବାବେଳେ ଅଧ୍ୟାପକ ସଂଗ୍ରାମ କେଶରୀ ସାହୁ ମୁଖ୍ୟଅତିଥି , ଶିକ୍ଷାବିତ୍ ବାଳମୁକୁନ୍ଦ ଦାସ ସମ୍ମାନିତ ଅତିଥି, ଓ ମନୁବସ୍ତି ଆବାହକ ଭାବରେ ଯୋଗଦେଇ ଆଜିର ଦିବସର ତାପ୍ତର୍ଯ୍ୟ ସଂପର୍କରେ ଆଲୋକ ପାତ କରିଥିବାବେଳେ ପିତାମାତାଙ୍କ ସ୍ମୃତି ଦିବସକୁ ଏପରି ନିଆରା ଢଙ୍ଗରେ ପାଳନ କରିବା ପାଇଁ ବୈଷ୍ଣବ ପ୍ରଧାନ ଆୟୋଜନ କରିଥିବାରୁ ତାଙ୍କୁ ଧନ୍ୟବାଦ ଅର୍ପଣ କରାଯାଇଥିଲା । ଆଶ୍ରମର ଛାତ୍ରଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରକାର ପ୍ରତିଯୋଗିତା ମାନ ଆୟୋଜନ କରାଯାଇ କୃତି ପ୍ରତିଯୋଗୀଙ୍କୁ ସ୍ମାରକୀପୁରସ୍କାର ସହ ପ୍ରଶଂସା ପତ୍ର ପ୍ରଦାନ କରାଯାଇଥିଲା । ଶିକ୍ଷକ ପ୍ରଦୀପ କୁମାର ଦାସ ଓ ବିରେନ୍ଦ୍ର କୁମାର ତ୍ରିପାଠୀ ଏହାକୁ ପରିଚାଳନା କରିଥିବାବେଳେ ସଂଯୋଜକ ପ୍ରମୋଦ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।