ଗଞ୍ଜାମ କ୍ରିକେଟ ଲିଗ ର ଦ୍ୱିତୀୟ ଦିବସରେ ଗଞ୍ଜାମ ଟାଇଗରସ ବିଜୟୀ

ଖେଳାଳୀଙ୍କୁ ସାଧୁବାଦ ଜଣାଇଲେ ମାଲିକ ଦେବେନ୍ଦ୍ର ସାହୁ

ରିପୋର୍ଟ :ଦେବାଶିଷ ମହାରଣା

ଖଲ୍ଲିକୋଟ, (ଆମ ଓଡିଶା ଖବର): ଶୁକ୍ରବାର ଠାରୁ ଆରମ୍ଭ ହୋଇଥିବା ଗଞ୍ଜାମ କ୍ରିକେଟ ଲିଗ ର ଶନିବାର ଥିଲା ଦ୍ୱିତୀୟ ଦିବସ | ଏହି ଦ୍ୱିତୀୟ ଦିବସରେ ଦୁଇଟି ମ୍ୟାଚ ଅନୁଷ୍ଠିତ ହୋଇଯାଇଛି | ପ୍ରାରମ୍ଭିକ ମ୍ୟାଚ ଟି ଗଞ୍ଜାମ ଟାଇଗରସ ସହିତ ଖଲ୍ଲିକୋଟ ୟୀଜାର୍ଡ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ପ୍ରଥମେ ବ୍ୟାଟିଂ କରି ଗଞ୍ଜାମ ଟାଇଗରସ ମାତ୍ର ସତର ଓଭାର ରେ ଧୂଆଁଧାର ବ୍ୟାଟିଂ କରି 229 ରନ ସଂଗ୍ରହ କରିଥିଲା | ଏହାର ଜବାବରେ ଖଲ୍ଲିକୋଟ ୟୀଜାର୍ଡ ମଧ୍ୟ ଜବରଦସ୍ତ ଖେଳ ପ୍ରଦର୍ଶନ କରିଥିଲା | ସତର ଓଭର ରେ ନଅ ଉଇକେଟ ହରାଇ 211 ରନ କରି ମାତ୍ର ଅଠର ରନରେ ପରାଜୟ ବରଣ କରିଥିଲା | ଗଞ୍ଜାମ ଟାଇଗରସ ର ଖେଳାଳୀ ଟୁକୁନା ସାହୁ ଧୂଆଁଧାର ବ୍ୟାଟିଂ କରି ବ୍ୟକ୍ତିଗତ ଭାବେ 168 ରନ ସ୍କୋର କରିଥିବା ଯୋଗୁଁ ମ୍ୟାନେଜମେଣ୍ଟ ତରଫରୁ ତାଙ୍କୁ ମ୍ୟାନ ଅଫ ଦ ମ୍ୟାଚ ଟ୍ରଫି ପ୍ରଦାନ କରାଯାଇଥିଲା | ଏହି ମ୍ୟାଚରେ ବିଜେତା ଦଳକୁ ନେଇ ଗଞ୍ଜାମ ଟାଇଗର ର ମାଲିକ ଦେବେନ୍ଦ୍ର ସାହୁ ବେଶ ଖୁସି ବ୍ୟକ୍ତ କରିଥିବା ବେଳେ ଆଗାମୀ ଦିନରେ ଟିମ ଆହୁରି ଭଲ ପ୍ରଦର୍ଶନ କରିବ ବୋଲି ଆଶା ବ୍ୟକ୍ତ କରିଛନ୍ତି | ଖବର ଲେଖା ଯିବା ସୁଦ୍ଧା ପରବର୍ତୀ ମ୍ୟାଚ ଋଷୁକୂଲ୍ୟା ରେଞ୍ଜର ସହ ବ୍ରହ୍ମପୁର ବୁଲସ ମଧ୍ୟରେ ଖେଳ ଜାରୀ ରହିଥିଲା |