ପ୍ରଧାନମନ୍ତ୍ରୀ ଙ୍କ ଜନ୍ମ ଦିବସ ବେଶ ଧୂମଧାମ ରେ ପାଳିତ l

କୋଦଳା, (ରାକେଶ ମହାରଣା)

ଭାରତ ର ଯଶସ୍ବୀ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଙ୍କ 73 ତମ ଜନ୍ମ ଜୟନ୍ତୀ ବିଭିନ୍ନ ସ୍ଥାନରେ ବହୁ ଆଡମ୍ବରରେ ପାଳିତ ହୋଇଯାଇଛି | ଏଥି ଅବସରରେ କବିସୂର୍ଯ୍ୟନଗର ର ବରିଷ୍ଠ ବିଜେପି ନେତା ତଥା ବିଜେପି ରାଜ୍ୟ କୃଷକ ମୋର୍ଚ୍ଚା ସଂଯୋଜକ ଶ୍ରୀ ପ୍ରତାପ ଚନ୍ଦ୍ର ନାୟକ ଙ୍କ ତତ୍ୱାବଧାନରେ ଶ୍ରୀ ମୋଦୀ ଙ୍କ ଜନ୍ମ ଜୟନ୍ତୀ ବେଶ ଧୂମଧାମ ରେ ପାଳନ କରାଯିବା ସହ ବୃକ୍ଷ ରୋପଣ କରାଯାଇଛି | ତତ ସହିତ ଭାରତ ର ଲୋକ ପ୍ରିୟ ପ୍ରଧାନମନ୍ତ୍ରୀ ଭାରତ ର ସମସ୍ତ କାରିଗର ମାନଙ୍କ ପାଇଁ ଯେଉଁ ବିଶ୍ୱକର୍ମା ଯୋଜନା ଆରମ୍ଭ କରିଛନ୍ତି ସେଥି ନିମନ୍ତେ ପ୍ରଧାନମନ୍ତ୍ରୀ ଙ୍କୁ ବିଶେଷ ଧନ୍ୟବାଦ ଦେବା ସହ ତାଙ୍କର ଦୀର୍ଘାୟୁ କାମନା କରିଥିଲେ | ପ୍ରଧାନମନ୍ତ୍ରୀ ଶ୍ରୀ ମୋଦୀ କାରିଗର ମାନଙ୍କ ଉଦ୍ୟେଶରେ ଯେଉଁ ଯୋଜନା ଆରମ୍ଭ କରିଛନ୍ତି ସେହି ଯୋଜନାରୁ ସମ୍ପୂର୍ଣ୍ଣ ଲାଭ ଉଠେଇବା ପାଇଁ ସମସ୍ତ କାରିଗର ଙ୍କୁ ଆହ୍ୱାନ ଦେଇଥିଲେ | ଯାହା ଫଳରେ ନିଜ ବୃତ୍ତି ରୁ ଲାଭବାନ ହେବା ସହ ପରିବାର ର ଆର୍ଥିକ ଉନ୍ନତି କ୍ଷେତ୍ରରେ ସହାୟକ ହୋଇ ପାରିବ ବୋଲି ମଧ୍ୟ ଶ୍ରୀ ନାୟକ କହିଛନ୍ତି | ଏହି ଜନ୍ମ ଦିବସ ପାଳନ ଅବସରରେ ଶତାଧିକ ବିଜେପି କର୍ମୀଙ୍କ ସହ ପାଣ୍ଡିଆ ମଣ୍ଡଳ ସଭାପତି ଶ୍ରୀକାନ୍ତ ପଣ୍ଡା,ଶ୍ରୀକାନ୍ତ ମହାପାତ୍ର,ମନୋଜ ପଲେଇ,ନାରାୟଣ ଡାକୁଆ,ଜଗନ୍ନାଥ ପଟ୍ଟନାୟକ, ନାରାୟଣ ବିଶ୍ୱାଳ ପ୍ରମୁଖ ଯୋଗ ଦେଇ କେକ କାଟିବା ସହ ଖୁସି ମନାଇ ଥିଲେ |