ଶ୍ରୀ ଶ୍ରୀ ତୁମ୍ବେଶ୍ୱର ମହାଦେବଙ୍କ ବିଶ୍ୱଶାନ୍ତି ପଞ୍ଚ ମହାଯଜ୍ଞ ନିମନ୍ତେ ପ୍ରସ୍ତୁତି ବୈଠକ l

ବେଗୁନିଆପଡା,(ଦେବାଶିଷ ମହାରଣା):ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଷଣ୍ଢମୂଳ ପଞ୍ଚାୟତ ର ଷଣ୍ଢମୂଳ ସ୍ଥିତ ଶ୍ରୀ ଶ୍ରୀ ତୁମ୍ବେଶ୍ୱର ମହାପ୍ରଭୁ ଙ୍କ ପ୍ରାସାଦ ପ୍ରତିଷ୍ଠା ନିମନ୍ତେ ବିଶ୍ୱଶାନ୍ତି ପଞ୍ଚ ମହାଯଜ୍ଞ ଆସନ୍ତା ଫେବୃଆରୀ ମାସ (ମାଘ ମାସ)ଚଉଦ ତାରିଖ ଠାରୁ ଆରମ୍ଭ ହେବାକୁ ଥିବା ବେଳେ ଏ ନେଇ ଏକ ପ୍ରସ୍ତୁତି ବୈଠକ ଶ୍ରୀ ଶ୍ରୀ ତୁମ୍ବେଶ୍ୱରଙ୍କ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି | ଷଣ୍ଢମୂଳ ପଞ୍ଚାୟତ ବାସୀ ଙ୍କ ଇଷ୍ଟ ଦେବତା ପ୍ରଭୁ ଶ୍ରୀ ତୁମ୍ବେଶ୍ୱର ଙ୍କ ପ୍ରାସାଦ ପ୍ରତିଷ୍ଠା ନିମନ୍ତେ ପଞ୍ଚ ମହାଯଜ୍ଞ ଅନୁଷ୍ଠିତ ହେବାକୁ ଥିବା ବେଳେ ଘୃତ ଯଜ୍ଞ, ନାମ ଯଜ୍ଞ, ଅନ୍ନ ଯଜ୍ଞ,ଜ୍ଞାନ ଯଜ୍ଞ ଓ ଗୋ ଯଜ୍ଞ କାର୍ଯ୍ୟକ୍ରମ ବରିଷ୍ଠ ପଣ୍ଡିତ ଙ୍କ ଏଵଂ ପୁରୋହିତ ଙ୍କ ତତ୍ୱାବଧାନ ରେ ଅନୁଷ୍ଠିତ ହେବ | ଏଥି ନିମନ୍ତେ ଯଜ୍ଞ ପରିଚାଳନା କମିଟି ପକ୍ଷରୁ ଏହି ବିଶ୍ୱ ଶାନ୍ତି ମହାଯଜ୍ଞ କାର୍ଯ୍ୟକ୍ରମ କୁ ସୁଚାରୁ ରୂପେ ସମ୍ପାଦନ କରିବା ପାଇଁ ବୈଠକ ରେ ନିଷ୍ପତି ହୋଇଥିବା ଜଣାପଡିଛି | ଯଜ୍ଞ ପରିଚାଳନା କମିଟି ର ସଭାପତି ଶ୍ରୀ ଜୟରାମ ସ୍ୱାଇଁ,ସମ୍ପାଦକ ଶ୍ରୀ ବସନ୍ତ କୁମାର ଭୂୟାଁ,ଉପ ସଭାପତି ବୁଲା ଜେନା,ସହ ସମ୍ପାଦକ ପ୍ରସନ୍ନ ସ୍ୱାଇଁ,କୋଷାଧକ୍ଷ ଶ୍ରୀ ରମେଶ ଚନ୍ଦ୍ର ପଣ୍ଡା,ଶ୍ରୀ ସୁରେଶ ବାରିକ ପ୍ରମୁଖ ଉପସ୍ଥିତ ରହି ଯଜ୍ଞ ପରିଚାଳନା ରେ ସହଯୋଗ କରିବା ପାଇଁ ଅଞ୍ଚଳବାସୀ ଙ୍କୁ ଅନୁରୋଧ କରିଥିବା ବେଳେ ଏହି ବୈଠକରେ ବହୁ ଜ୍ଞାନୀ, ଗୁଣି ଭଦ୍ର ବ୍ୟକ୍ତି ଉପସ୍ଥିତ ଥିଲେ |