ମୋଟର ସାଇକେଲ ଦୁର୍ଘଟଣା ଜଣେ ମୃତ ଜଣେ ଗୁରୁତର।

ଖୋର୍ଦ୍ଧା ରୁ ଞାନ ରଞ୍ଜନ ଦାଶ ଙ୍କ ରିପୋର୍ଟ

ଖୋର୍ଦ୍ଧା (ଆମ ଓଡ଼ିଶା ଖବର )ଖୋର୍ଦ୍ଧା ଜଂକିଆ ଥାନା ଅନ୍ତର୍ଗତ ୧୬ନମ୍ବର ଜାତୀୟ ରାଜପଥ ମୋଟା ଛକ ନିକଟରେ ମୋଟର ସାଇକେଲ ଦୁର୍ଘଟଣା।ଦୁର୍ଘଟଣା ରେ ଜଣଙ୍କ ର ମୃତ୍ୟୁ ଅନ୍ୟ ଜଣେ ଗୁରୁତର।ମୃତକ ଜଣଙ୍କ ଖୋର୍ଦ୍ଧା ଜିଲ୍ଲା ଟାଗିଂ ଥାନା ପଣସପୁର ଗ୍ରାମର ସମୀର କୁମାର ବେହେରା ଗୁରୁତର ଜଣଙ୍କ ଢେଙ୍କାନାଳ କାମାକ୍ଷନଗର ଅଂଚଳର ଅଭିମନ୍ୟୁ ବେହେରା।ସୂଚନାରୁ ଜଣାପଡିଛି ଗୋଟିଏ ବାଇକରେ ଦୁଇଜଣ ଯୁବକ ଟାଗିଂ ପଟୁ ଖୋର୍ଦ୍ଧା ପଟକୁ ଯାଇଥିବା ସମୟରେ ୧୬ନମ୍ବର ଜାତୀୟ ରାଜପଥ ମୋଟା ଛକ ନିକଟରେ ଏକ ଅଜଣା ଗାଡି ମୋଟର ସାଇକେଲ କୁ ପଛରୁ ଧକ୍କା ଦେବାରୁ ମୋଟର ସାଇକେଲରେ ଯାଉଥିବା ଦୁଇ ଯୁବକ ଛିଟିକି ପଡି ଗୁରୁତର ହୋଇଥିଲେ।ଘଟଣା ସ୍ଥଳରେ ସମୀର କୁମାର ବେହେରାଙ୍କ ମୃତ୍ୟୁ ଘଟିଥିଲା ଅନ୍ୟଜଣେ ଅଭିମନ୍ୟୁ ବେହେରା ଗୁରୁତର ହୋଇଥିଲେ।ସ୍ଥାନୀୟ ଲୋକେ ଘଟଣା ସ୍ଥଳରୁ ଅଭିମନ୍ୟୁ କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡ଼ିକାଲ କୁ ପଠାଇଥିଲେ।ଖବର ପାଇ ଜଂକିଆ ପୋଲିସ ଘଟଣା ସ୍ଥଳରେ ପହଞ୍ଚି ମୋଟର ସାଇକେଲ ଓ ଶବ ଜବତ କରି ତଦନ୍ତ ଜାରି ରଖିଥିବା ଜଣାପଡିଛି।