କୁହୁଡି-ରତନପୁର  ଗ୍ରାମରେ ଗାଆଣୀ ଯାତ୍ରାର ଭସାଣ ଉତ୍ସବ l

ବ୍ୟୁରୋ ରିପୋର୍ଟ

ଚିଲିକା :ଖୋର୍ଦ୍ଧା ଜିଲ୍ଲାର ଟାଙ୍ଗୀ ନିକଟସ୍ଥ  କୁହୁଡି-ରତନପୁର ଗ୍ରାମର ତେଲୁଗୁ ସାହିରେ “ଗାଆଣୀ ଯାତ୍ରାର ଭସାଣ ଉତ୍ସବ”  ବଡ ଧୁମଧାମରେ ପାଳିତ ହୋଇଛି, ଦୀର୍ଘ ୧୨୫ ବର୍ଷ ଧରି  ଗ୍ରାମରେଏହି ପର୍ବ ପାଳନ କରାଯାଇଅଛି । ଜଗତଜନନୀ ମା’ ଗୌରୀ  ଦେବୀ ଙ୍କୁ ଶାରଦୀୟ ପର୍ବ ନବରାତ୍ର ପୂଜା ବେଳେ ଏହି ପର୍ବ ଆରମ୍ଭ ହୋଇ ବିଜୟାଦଶମୀ ରେ ସମାପନ ହେବା ପରେ ମା’ଗୌରୀ  ଦେବୀ ଙ୍କୁ ବିରାଟ ଶୋଭାଯାତ୍ରାରେ ନଗର ପରିକ୍ରମା କରି ମେଲାଣି ଦିଆଯାଇ ଥାଏ ।

ବିଶେଷ କରି ତେଲୁଗୁ ସମ୍ପ୍ରଦାୟର ଲୋକମାନେ ଏହି ପର୍ବକୁ ବେଶ ଜାକଜମକରେ ପାଳନ କରିଥାନ୍ତି । ଗ୍ରାମର ଆବାଳବୃଦ୍ଧବନିତା ଏଥିରେ ସାମିଲ ହୋଇ ଏହି ପୂଜାର୍ଚ୍ଚନା କରିବା ସହିତ ବ୍ରତ ପାଳନ କରିଥାନ୍ତି lମା’ ମଙ୍ଗଳା ଦେବୀ  ଓ  ମା’ ଗୈ।ରୀ ଦେବୀ ଙ୍କୁ ଏଠାରେ ପୂଜାର୍ଚ୍ଚନା କରାଯାଏ । ଧାନ କ୍ଷେତରୁ ଧାନ ଗଛ କୁ ଆଣି  ଦୀର୍ଘ ୯ ଧରି ପୂଜାର୍ଚ୍ଚନା କରି ଗ୍ରାମର ମଙ୍ଗଳ କାମନା କରାଯାଏ । ଆଗାମୀ ଦିନ ଗୁଡିକ ଗ୍ରାମର ଆବାଳବୃଦ୍ଧବନିତା ଙ୍କର ମଙ୍ଗଳ କାମନା କରି ଶୁଖ-ଶାନ୍ତି ଓ ସମୃଦ୍ଧି ନିମନ୍ତେ ମା’ ଙ୍କୁ ସନ୍ତୁଷ୍ଟିକରଣ ନିମନ୍ତେ ପୂଜାର୍ଚ୍ଚନା କରାଯାଏ  l