ମେଡିକୋଭର ହସ୍ପିଟାଲରେ ପ୍ରଥମ କିଡନୀ ପ୍ରତିରୋପଣ ସଫଳ, ନୂଆ ଜୀବନ ପାଇଲେ ରୋଗୀ l

ବ୍ରହ୍ମପୁର, (କାଳୀ ପ୍ରସାଦ ରଥ)

ଶ୍ରୀକାକୁଲମ ମେଡିକଭର ହସ୍ପିଟାଲରେ ଟେକ୍କିଲି ଅଞ୍ଚଳର  ରୋଗୀ ମୁକୁଣ୍ଡା ରେଡ୍ଡୀଙ୍କ (୨୮) କିଡନୀ ପ୍ରତିରୋପଣ କରି ଡାକ୍ତର ଜୀବନ ବଞ୍ଚାଇଛନ୍ତି । ସୂଚନା ପ୍ରକାରେ ଛଅ ମାସ ପୂର୍ବେ  ମୁକୁଣ୍ଡା ରେଡ୍ଡୀ ମେଡିକୋଭର ହସ୍ପିଟାଲର ଜରୁରୀକାଳୀନ ବିଭାଗକୁ ଆସିଥିଲେ। ତାଙ୍କ ଉଭୟ କିଡନୀ ନଷ୍ଟ ହୋଇଯାଇଥିଲା।  ତାଙ୍କୁ ତୁରନ୍ତ ହେମୋଡାୟଲିସିସ ରଖାଯାଇଆଥିଲା ଏବଂ କିଡନୀ ପ୍ରତିରୋପଣ ପାଇଁ ତାଙ୍କ ପିତାମାତାଙ୍କୁ କୁହାଯାଇଥିଲା।  ସେବେଠାରୁ ସେ ଡାଏଲିସିସ୍ ରୋଗରେ ପୀଡିତ ଥିଲେ। ପରେ  ତାଙ୍କ ମା’ ପୁଅକୁ ଏକ କିଡନୀ ଦାନ କରିଥିଲେ। ଡକ୍ଟର ଡମ୍ପାଲା ହରିପ୍ରସାଦ ସଫଳତାର ସହ କିଡନୀ ପ୍ରତିରୋପଣ ଅସ୍ତ୍ରୋପଚାର କରିଥିଲେ। ତାଙ୍କୁ ଏକ ସପ୍ତାହ ପାଇଁ ଆଇସିୟୁରେ ଡାକ୍ତରଙ୍କ ତତ୍ବାବଧାନରେ ରଖାଯାଇଥିଲା। 

ସଫଳ  କିଡନୀ ପ୍ରତିରୋପଣ ଅବସରରେ ପରାମର୍ଶଦାତା ୟୁରୋଲୋଜିଷ୍ଟ  ଡାକ୍ତର ଡମ୍ପାଲା ହରିପ୍ରସାଦ କହିଛନ୍ତି କିଡନୀକୁ ଅବହେଳା କରିବା ଉଚିତ ନୁହେଁ। ରକ୍ତରୁ ବର୍ଜ୍ୟବସ୍ତୁକୁ ଫିଲ୍ଟର କରିବାରେ ମୂତ୍ରାଶୟ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ତେଣୁ ଏହାକୁ  ଯତ୍ନର ସହ ରକ୍ଷା କରିବା ଅତ୍ୟନ୍ତ ଜରୁରୀ | ଥରେ କିଡନୀ କାର୍ଯ୍ୟ ମନ୍ଥର ହୋଇ ବିଫଳ ହେବାକୁ ଲାଗିଲେ ଏହାକୁ ସମ୍ପୂର୍ଣ୍ଣ ଉପଶମ କରିବା କଷ୍ଟକର ।  ଜୀବନଶୈଳୀ ପରିବର୍ତ୍ତନ ଅଭାବ ହେତୁ ପ୍ରତି ଶହେ ଜଣଙ୍କ ମଧ୍ୟରୁ ୧୦ ଜଣଙ୍କ କିଡନୀ ସମ୍ବନ୍ଧୀୟ ରୋଗରେ ପୀଡିତ ହୋଇଥାନ୍ତି। ଏବଂ ଏଥିରେ ଦଶ ପ୍ରତିଶତ ପିଲା ମଧ୍ୟ କିଡନୀ ଜନିତ ରୋଗ ପାଇଁ ଚିନ୍ତିତଥାନ୍ତି। ଅନ୍ୟପକ୍ଷରେ  ପରାମର୍ଶଦାତା ନେଫ୍ରୋଲୋଜିଷ୍ଟ ଡକ୍ଟର କୋରଲା ବିଦ୍ୟାସାଗର କହିଛନ୍ତି ଯେ ଯେଉଁମାନଙ୍କ କିଡନୀ ସଂପୂର୍ଣ୍ଣ ନଷ୍ଟ ହୋଇଯାଇଛି । ସେମାନଙ୍କ ପାଇଁ ଅସ୍ଥାୟୀ ଡାଏଲିସିସ୍ ସହିତ କିଡନୀ ପ୍ରତିରୋପଣ ସବୁଠାରୁ ସହଜ ଏବଂ ସୁରକ୍ଷିତ ଅଟେ।  ସେହିଭଳି  ଡାଏଲିସିସ୍ ପରିବର୍ତ୍ତେ ଜଣେ ବ୍ୟକ୍ତି କିଡନୀ ପ୍ରତିରୋପଣ ସହିତ ପୁନର୍ବାର ଜନ୍ମ ହୋଇପାରେ ବୋଲି ସେ କହିଛନ୍ତି।

ଅନ୍ୟପଟେ ଅତ୍ୟାଧୁନିକ ସୁବିଧା, ଯନ୍ତ୍ରପାତି ଏବଂ ଅଭିଜ୍ଞ ଡାକ୍ତରଙ୍କ ଉପସ୍ଥିତି ଏହିଭଳି କିଡନୀ ପ୍ରତିରୋପଣ ସମ୍ଭବ ବୋଲି କେନ୍ଦ୍ର ମୁଖ୍ୟ ଡାକ୍ତର ସାଗାରିକା କହିଛନ୍ତି। ଏହି ପ୍ରତିରୋପଣ ଅପରେସନରେ  ନେଫ୍ରୋଲୋଜି ବିଶେଷଜ୍ଞ ଡକ୍ଟର ରଙ୍ଗନାଧା ରାଓ, ଡକ୍ଟର କୋରଲା ବିଦ୍ୟାସାଗର, ଡମ୍ପାଲା ହରିପ୍ରସାଦ ଏବଂ କେନ୍ଦ୍ର ମୁଖ୍ୟ  ଡାକ୍ତର ସାଗାରିକା ଅଂଶଗ୍ରହଣ କରିଥିଲେ।