ଦକ୍ଷିଣ ଓଡ଼ିଶା ସାହିତ୍ୟ ସମ୍ମିଳନୀର କଳାକାର ମହାଧିବେଶନ l

ବେଗୁନିଆପଡା, (ଦେବାଶିଷ ମହାରଣା):ଗଂଜାମ ଜିଲ୍ଲା ବେଗୁନିଆପଡ଼ା ବ୍ଲକ କେ ବରିଡ଼ା ଠାରେ ଦକ୍ଷିଣ ଓଡ଼ିଶା ସାହିତ୍ୟ ସମ୍ମିଳନୀ ଆନୁକୁଲ୍ୟରେ କଳାକାରଙ୍କ ମହାଧିବେଶନ ଅନୁଷ୍ଠିତ ହୋଇଯାଇଛି । ଦକ୍ଷିଣ ଓଡ଼ିଶା ସାହିତ୍ୟ ସମ୍ମିଳନୀର ମହାସଚିବ ଦଣ୍ଡପାଣି ମହାପାତ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି ଅଧିବେଶନଙ୍କୁ ବିଜେପି ନେତା ପ୍ରତାପ ନାୟକ ଉଦଘାଟନ କରିଥିଲେ । ମୁଖ୍ୟଅତିଥି ଭାବେ ଖଲ୍ଲିକୋଟ ଏକକ ବିଶ୍ଵବିଦ୍ୟାଳୟର କୁଳପତି କର୍ଣ୍ଣେଲ ପ୍ରଫେସର ଡକ୍ଟର ପ୍ରଫୁଲ୍ଲ ମହାନ୍ତି ଯୋଗ ଦେଇଥିବା ବେଳେ ପ୍ରଫେସର ଡକ୍ଟର ବିଦ୍ୟୁତପ୍ରଭା ସାହୁ ପୌରହିତ୍ୟ କରିଥିଲେ । ମଞ୍ଚାସିନ ଅତିଥି ମାନଙ୍କ ମଧ୍ୟରେ ସମ୍ମିଳନୀର ସଭାପତି ବିପ୍ଳବୀ କବି ପ୍ରଶାନ୍ତ ମିଶ୍ର, ଉପସଭାପତି ଡାକ୍ତର ଗୌରାଙ୍ଗ ରାଉତ, ଇ. ମାହେଶ୍ୱରୀ ଦୋରା ଉପସ୍ଥିତ ଥିଲେ । ଏହି ଅବସରରେ କିଛି ଆଞ୍ଚଳିକ ସ୍ୱନାମଧନ୍ୟ କଳାକାରଙ୍କୁ ସମ୍ବର୍ଦ୍ଧିତ କରାଯାଇଥିଲା। ସେମାନଙ୍କ ମଧ୍ୟରେ ଥିଲେ ଇନ୍ଦ୍ରମଣି ସାସମଲ, ନାରାୟଣ ଲେଙ୍କା, ଲକ୍ଷ୍ମଣ ଗୌଡ଼, ପାଣ୍ତବ ନାହାକ, ଶ୍ରୀକର ମିଶ୍ର, ବାସୁଦେବ ଶତପଥି, ପ୍ରଫୁଲ୍ଲ ବେହେରା, ପ୍ରଭାକର ମହାରଣା ପ୍ରମୁଖଙ୍କୁ ସମ୍ବର୍ଦ୍ଧିତ  କରାଯାଇଥିଲା

ଅନ୍ୟମାନଙ୍କ ମଧ୍ୟରେ ପବିତ୍ର ରାଉତ, ଆଲୋକ କୁମାର ଶତପଥି, ଦଣ୍ଡପାଣି ପାତ୍ର, ଦେବେନ୍ଦ୍ରନାଥ ଦାସ, ଚିନ୍ତାମଣି ପ୍ରଧାନ, ସନ୍ତୋଷ କୁମାର ପଣ୍ଡା,ନାରାୟଣ ପଢ଼ିଆରି, ସନ୍ତୋଷ କୁମାର ରାଉତ, ସୁଧାଂଶୁ ଗୌଡ଼, ନୀଳକଣ୍ଠ ଦାସ, ପ୍ରକାଶ ସ୍ୱାଇଁ, ପ୍ରକାଶ ବେହେରାଙ୍କ ସମେତ ବିଭିନ୍ନ ବର୍ଗର ଶହ ଶହ କଳାକାର ଓ କଳପ୍ରେମୀ ଉପସ୍ଥିତ ଥିଲେ । ବିଭିନ୍ନ ସ୍ଥାନରୁ ଆସିଥିବା କଳାକାରମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ ।