ଲଷ୍ମୀନାରାୟଣ ସ୍ନାତକ ମହାବିଦ୍ୟାଳୟରେ ଅନ୍ତର୍ଜାତୀୟ ଯୋଗ ଦିବସ ପାଳିତ  l

ରିପୋର୍ଟ :ଦେବାଶିଷ 

କୋଦଳା, (ଆମ ଓଡ଼ିଶା ଖବର ))ଶୁକ୍ରବାର ସକାଳ ୭ ଘଟିକା ସମୟରେ କୋଦଳାସ୍ଥିତ ଲଷ୍ମୀନାରାୟଣ ମହାବିଦ୍ୟାଳୟରେ ଅନ୍ତର୍ଜାତୀୟ ଯୋଗ ଦିବସ ପାଳନ କରାଯାଇଅଛି | ଉକ୍ତ କାର୍ଯ୍ୟକ୍ରମ ରେ ମହାବିଦ୍ୟାଳୟର ଅଧ୍ୟକ୍ଷ ଶ୍ରୀଯୁକ୍ତ ରଘୁନାଥ ମୁଦୁଲି ସଭାପତିତ୍ୱ କରିଥିଲେ | ମୁଖ୍ୟ ଅତିଥି ରୂପେ ପରିଚାଳନା ପରିଷଦର ସଭାପତି ଶ୍ରୀଯୁକ୍ତ ଏସ ସୂର୍ଯ୍ୟନାରାୟଣ ଦୋରା ଯୋଗଦେଇ ଅନୁଷ୍ଠାନିକ ଭାବେ କାର୍ଯ୍ୟକ୍ରମକୁ ଆଗେଇ ନିଆଯାଇଥିଲା | ଯୋଗ ପ୍ରଶିକ୍ଷକ ଭାବେ ଓମ ଶାନ୍ତି ବ୍ରହ୍ମ କୁମାର ଶ୍ରୀଯୁକ୍ତ ଦୀନବନ୍ଧୁ ଭୂୟାଁ ଉପସ୍ଥିତ ରହି ଯୋଗ ସମ୍ପର୍କୀୟ ମାନସିକ ପ୍ରେରଣା ଯୋଗାଇଦେବା ସହ ଛାତ୍ରଛାତ୍ରୀ ମାନଙ୍କୁ ଯୋଗର ସମସ୍ତ ସୂତ୍ର ପ୍ରଦାନ କରିଥିଲେ | ମହାବିଦ୍ୟାଳୟର ବିଭିନ୍ନ ବିଭାଗୀୟ ଅଧ୍ୟାପକ ଅଧ୍ୟାପିକା ବୃନ୍ଦ ଉପସ୍ଥିତ ରହି ଯୋଗ ସମ୍ପର୍କରେ ଗୁରୁତ୍ୱପୂର୍ଣ୍ଣ ମନ୍ତବ୍ୟ ଆଲୋଚନା କରିଥିଲେ | ପରିଚାଳନା ପରିଷଦର ସଭାପତିଙ୍କ ଦ୍ୱାରା ଛାତ୍ରଛାତ୍ରୀମାନଙ୍କୁ ନେଇ ଅନ୍ତର୍ଜାତୀୟ ଯୋଗ ଦିବସର ଶପଥ ପାଠ କରାଯାଇ ଉପସ୍ଥିତ ଥିବା ସମସ୍ତ ଛାତ୍ରଛାତ୍ରୀଙ୍କୁ ପ୍ରମାଣପତ୍ର ପ୍ରଦାନ କରାଗଲା | ପରିଶେଷରେ କାର୍ଯ୍ୟକ୍ରମର ସଂଯୋଜକ ଡାକ୍ତର ପ୍ରଦୀପ କୁମାର ପଣ୍ଡାଙ୍କ ଦ୍ୱାରା ଧନ୍ୟବାଦ ଅର୍ପଣ କରାଥିଲେ |