ଶ୍ରୀ ଶ୍ରୀ ତୁମ୍ବେଶ୍ୱର କାଜୁ ଉନ୍ନୟନ ସଂସ୍ଥାର ଚଉଦ ତମ ବାର୍ଷିକ ଉତ୍ସବ ସମାବେଶ  l

ରିପୋର୍ଟ :ଦେବାଶିଷ 

ବେଗୁନିଆପଡା, (ଆମ ଓଡ଼ିଶା ଖବର ):ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଷଣ୍ଢମୂଳ ସ୍ଥିତ ଶ୍ରୀ ଶ୍ରୀ ତୁମ୍ବେଶ୍ୱର ମନ୍ଦିର ପ୍ରାଙ୍ଗଣରେ ଶ୍ରୀ ଶ୍ରୀ ତୁମ୍ବେଶ୍ୱର କାଜୁ ଉନ୍ନୟନ ସଂସ୍ଥାର ଚଉଦ ତମ ବାର୍ଷିକ ଉତ୍ସବ ସମାବେଶ ଅନୁଷ୍ଠିତ ହୋଇଯାଇଛି | ଏହି ସଂସ୍ଥାର ସଭାପତି ଶ୍ରୀ ପ୍ରଦୀପ ପାତ୍ର ଙ୍କ ସଭାପତିତ୍ୱ ରେ ଅନୁଷ୍ଠିତ ଉକ୍ତ ସମାବେଶ ରେ ମୁଖ୍ୟ ଅତିଥି ଭାବେ କବିସୂର୍ଯ୍ୟନଗର ମାନ୍ୟବର ବିଧାୟକ ପ୍ରତାପ ଚନ୍ଦ୍ର ନାୟକ ଯୋଗ ଦେଇ ଆଗାମୀ ଦିନରେ କିଭଳି ଏହି ଅଞ୍ଚଳରେ କାଜୁ ଉଦ୍ୟୋଗ ଭଳି ସଂସ୍ଥାର ଉନ୍ନତି ହୋଇପାରିବ ଏବଂ ସ୍ଥାନୀୟ ଲୋକେ ଏଇଠି ନିଯୁକ୍ତି ପାଇ ନିଜ ପରିବାରର ଗୁଜୁରାଣ ମେଣ୍ଟାଈ ପାରିବେ ସେ ନେଇ ମତ ରଖିଥିଲେ | କାଜୁ ଉନ୍ନୟନ ସଂସ୍ଥାର ବିଭିନ ଅନୁସଙ୍ଗିକ ସମସ୍ୟା ଉପରେ ମଧ୍ୟ ଆଲୋକ ପାତ କରି ସେ ସବୁ ର ସମାଧାନ ଖୁବ ଶୀଘ୍ର କରାଯିବ ବୋଲି ମଧ୍ୟ ପ୍ରତିଶୃତି ଦେଇଥିଲେ | କାଜୁ ନିଗମର ଉନ୍ନତି କରଣ ନିମନ୍ତେ ଏକ ଶୀତଳ ଭଣ୍ଡାର ବ୍ୟବସ୍ଥା ତଥା ଏକ ଗୋଦାମ ଘର ପ୍ରତିଷ୍ଠା ନିମନ୍ତେ ସମସ୍ତ କାଜୁ ଫ୍ୟାକ୍ଟରି ର ପରିଚାଳକ ମାନେ ବିଧାୟକଙ୍କୁ ଅବଗତ କରାଇଥିଲେ | ଏହି କାର୍ଯ୍ୟକ୍ରମ ରେ ଅଞ୍ଚଳ ଚାଳିଶି ଉଦ୍ୟୋଗୀଗଣ ଅଂଶ ଗ୍ରହଣ କରି ନିଜ ନିଜର ସମସ୍ୟା ଜଣାଇଥିଲେ | ଯାହାକୁ ନେଇ ମାନ୍ୟବର ବିଧାୟକ ସହୃଦୟେ ଏହାର ସମାଧାନ ନିମନ୍ତେ ପ୍ରତିଶୃତି ଦେବା ପରେ ଉପସ୍ଥିତ ସମସ୍ତ ଉଦ୍ୟୋଗୀଗଣ ବିଧାୟକ ଙ୍କୁ ଧନ୍ୟବାଦ ଅର୍ପଣ କରିଥିଲେ | ଏହି କାର୍ଯ୍ୟକ୍ରମ ରେ ତୁମ୍ବେଶ୍ୱର କାଜୁ ଉନ୍ନୟନ ସଂସ୍ଥାର ଉପ ସଭାପତି ଉଦୟ ନାଥ ମହାରଣା,ସମ୍ପାଦକ ଅସିତ କୁମାର ବେହେରା, ସଂଯୋଜକ କୃଷ୍ଣ ଚନ୍ଦ୍ର ଦୋରା,ଜିଲ୍ଲା କୋଷାଧ୍ୟକ୍ଷ ସଦାଶିବ ମହାନ୍ତି,କାଜୁ ଉନ୍ନୟନ ସଂସ୍ଥା ର ପୂର୍ବତନ ରାଜ୍ୟ ସଭାପତି ରାଜେନ୍ଦ୍ର ସାବତ,ଜିଲ୍ଲା ସଭାପତି ରାଜେନ୍ଦ୍ର ପୃଷ୍ଟି, ଜିଲ୍ଲା ସମ୍ପାଦକ କାଁହୁ ଚରଣ ସସେନାପତି ଙ୍କ ସମେତ ଗଞ୍ଜାମ ଜିଲ୍ଲା ର ବିଭିନ ଜୋନ ରୁ ବହୁ ଉଦ୍ୟୋଗ ପତି ଯୋଗ ଦେଇଥିଲେ |