ବୋର୍ଡର ଚାମ୍ପିଅନ ଟ୍ରଫି ଉଦଘାଟିତ ,ଦଳସର୍ଗି କ୍ରିକେଟ କ୍ଳବ୍ ବିଜୟୀ ।

ରିପୋର୍ଟ :ଦିଲିପ ଦୁରିଆ 

ଧର୍ମଗଡ଼ ( ଆମ ଓଡ଼ିଶା ଖବର)  ଧର୍ମଗଡ଼ ବ୍ଲକ୍ ବେହେରାଗୁଡ଼ା ଚଞ୍ଚରା ଡଙ୍ଗରି ଖେଳ ପଡିଆ ଠାରେ ବୋର୍ଡର ଚାମ୍ପିଅନ ଟ୍ରଫି କ୍ରିକେଟ ପ୍ରତିଯୋଗିତା ଆରମ୍ଭ ହୋଇଛି । ବେହେରାଗୁଡ଼ା କ୍ରିକେଟ କ୍ଳବ୍ ଆନୁକୁଲ୍ୟରେ ଆୟୋଜିତ ଉଦଘାଟନୀ ଦିବସରେ ମୁଖ୍ୟ ଅତିଥି ଭାବେ ଛଞ୍ଚାଣ ଵାହାଳି ସରପଂଚ ପ୍ରତିନିଧି ଗଗନେଶ୍ୱର୍ ବେମାଲ ଯୋଗ ଦେଇ ଉଦଘାଟନ କରିଥିଲେ ।  ସମ୍ମାନିତ ଅତିଥି ଭାବେ ସମାଜସେବୀ ମଧୁସୂଦନ ପୁଝାରୀ, ଅନ୍ତରାମ୍ ପୋଡ଼, ଦେବେନ୍ଦ୍ର ନାଏକ, ନୀଳାମ୍ବର ପୋଡ଼, ଶିମଞ୍ଚଳ ବାରିକ,ତ୍ରିନାଥ ପାଣିଗ୍ରାହୀ ପ୍ରମୁଖ ଯୋଗ ଦେଇ ଖେଳାଳୀମାନଙ୍କୁ ଉତ୍ସାହିତ କରିଥିଲେ ।

ଉଦଘାଟନୀ ମ୍ୟାଚ ଦଳସର୍ଗି ଓ ଗୋତୋମୁଣ୍ଡା ମଧ୍ୟରେ ଅନୁଷ୍ଠିତ ହୋଇଥିଲା । ଦଳସର୍ଗି ଦଳ ଟସ୍ ହାରି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୫ ୱିକେଟ ହରାଇ ୮୮ରନ ସଂଗ୍ରହ କରିଥିଲା । ୮୯ରନ ର ବିଜୟ ଲକ୍ଷ୍ୟ ନେଇ ପଡିଆକୁ ଓହ୍ଲାଇଥିବା ଗୋତୋମୁଣ୍ଡା ଦଳ ୫ଓଭର ରେ ସମସ୍ତ ୱିକେଟ ହରାଇ ୨୨ରନ କରିବାରେ ସକ୍ଷମ ହୋଇଥିଲା । ଦଲସର୍ଗି କ୍ରିକେଟ ଦଳ ଏହି ମ୍ୟାଚ୍ କୁ ୬୬ ରନ ରେ ବିଜୟୀ ହୋଇଥିଲା । ବିଜେତା ଟିମ୍ ର ବୋଲର ଜୟପ୍ରକାଶ ନାଏକ ହ୍ୟାଟ୍ରିକ ୱିକେଟ  ନେଇ ମ୍ୟାନ ଅଫ ଦି ମ୍ୟାଚ୍ ବିବେଚିତ ହୋଇଥିଲେ ।

ଆମ୍ପାୟର ଭାବେ ସୌମ୍ୟରଞ୍ଜନ ଗୋପାଲ ଓ ଅରୁଣ ବେମାଲ ଖେଳ ପରିଚାଳନା କରିଥିବା ବେଳେ ପ୍ୟାରୀ ବେମାଲ ସ୍କୋରର, ଭାସ୍ୟକାର ଭାବେ ଦିପେନ୍ଦ୍ର ସୁନାନି ଦାୟିତ୍ଵ ତୁଲାଇଥିଲେ । ଆକାଶ ଛତ୍ରିଆ, ଲଙ୍କେ ବେମାଲ, ଖୀରସିନ୍ଧୁ ସାହୁ,ଅମୃତ ଛତ୍ରିଆ, ଲିଟୁ ହଂସ, ଅମୂଲ୍ୟ ନାଏକ,  ମଣ୍ଟୁ ପୋଡ଼, ନାରାୟଣ ସାଗର, ହେମାନାଥ ବାରିକ ତଥା କମିଟି ର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ ।