ଚିଲିକା ଆମ ଆଦମୀ ପାର୍ଟି ବିଧାୟକ ପାର୍ଥି ସଂଗ୍ରାମଙ୍କ ମାରାଥନ ପ୍ରଚାର l

ଚିଲିକା (ଆମ ଓଡ଼ିଶା ଖବର )ଆଜି ତା 22/5/2024 ରିଖ ଅପରାହ୍ନରେ ଆମ୍ ଆଦମୀ ପାର୍ଟି ତରଫରୁ ଚିଲିକା ବିଧାୟକ ପାର୍ଥି ସଂଗ୍ରାମ କେଶରୀ ପରିଡ଼ାଙ୍କ ପାଇଁ ଏକ ରୋଡ଼ ସୋ ଆୟୋଜନ ହୋଇଥିଲା। ଏଥିରେ ଜିଲ୍ଲା ସଂପାଦକ ସୁନିଲ ଷଢଙ୍ଗୀ ଯୋଗ ଦେଇ ବିଭିନ୍ନ ସ୍ଥାନରେ ଜନସାଧାରଣଙ୍କୁ ଉଦବୋଧନ କରି ଶିକ୍ଷା, ସ୍ବାସ୍ଥ୍ୟ, ରୋଜଗାର, ମହିଳା ସମ୍ମାନ ରାଶି, ବେକାରୀ ଭତ୍ତା, ପାଣି, ଫ୍ରୀ ବିଜୁଳୀ ଓ ସ୍ଵଚ୍ଛ ଶାସନ ବିଷୟରେ ବର୍ଣ୍ଣନା କରିଥିଲେ ଏବଂ ଆମ ରାଜ୍ୟରେ ଚାଲିଥିବା 24 ବର୍ଷର ଅପାରଗ ଓ ଖଣି, ପାଣି, ଜଳ, ଜଙ୍ଗଲ, ଜମି ଓ ଗରିବ ର ମେହେନତ ଓ  ରୋଜଗାର କୁ ଲୁଟୁ ଥିବା ବିଜେଡି ଓ ବିଜେପିର ଆଲୋଚନା କରିଥିଲେ।

ଦିଲ୍ଲୀ ଓ ପଞ୍ଜାବ ବାସୀ କିପରି ଆମ୍ ଆଦମୀ ପାର୍ଟି ସରକାର ସାଧାରଣ ଜନତାଙ୍କ ପାଇଁ ବିଭିନ୍ନ ଯୋଜନା କରିଛନ୍ତି ଓ ସାଧାରଣ ଜନତା ଲାଭ ପାଉଛନ୍ତି ତାହା ବର୍ଣ୍ଣନା କରିଥିଲେ। ପାର୍ଥି ସଂଗ୍ରାମ କେଶରୀ କିପରି ଚିଲିକା  ଅଞ୍ଚଳର ମଛ୍ଯଜୀବୀଙ୍କ ସମସ୍ୟା ଓ ଏହାର ସମାଧାନ ପାଇଁ ନୂତନ ଆଇନ୍ ଆଣିବା ଏବଂ ଦିର୍ଘଦିନ ହେଲା ଅବହେଳିତ ଆଞ୍ଚଳିକ ସମସ୍ୟା ର ସମାଧାନ ପାଇଁ ବିଭିନ୍ନ ବିକାଶମୂଳକ ଯୋଜନା ବିଷୟରେ କହିଥିଲେ, ସେ ଜିତିଲେ କିପରି ଏଠିକା ଆଞ୍ଚଳର ଉନ୍ନତି କରିବେ ତାର ରୋଡ଼ ମ୍ୟାପ୍ ଜନସାଧାରଣ ଆଗରେ ତାଙ୍କ ଉଦବୋଧନ ମାଧ୍ୟମରେ ରଖିଥିଲେ। ଏହି ଶୋଭାଯାତ୍ରାରେ କାଳୁପଡା ବଜାରରୁ ଆରମ୍ଭ ହୋଇ ଜରିପଡା, ହନୁମନ୍ତ, ମାନସିଂପୁର, ସୋରଣ, ହରିପୁର ଓ ସିଂଘେସ୍ବରଠାରେ ସରିଥିଲା। ଏଥିରେ ଶତାଧିକ ଲୋକେ ଯୋଗ ଦେଇଥିଲେ।