ଥୁଆମୂଳରେ ଆଞ୍ଚଳିକ ସାମ୍ବାଦିକ ସଂଘର ପ୍ରସ୍ତୁତି ବୈଠକ l

ରିପୋର୍ଟ :ରାକେଶ ମହାରଣା

ବେଗୁନିଆପଡ଼ା, (ଆମ ଓଡିଶା ଖବର): ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ବଡ ଖଇରଖମା ପଞ୍ଚାୟତ ଅନ୍ତର୍ଗତ ଥୁଆମୂଳ ଗ୍ରାମରେ ଆଞ୍ଚଳିକ ସାମ୍ବାଦିକ ସଂଘର ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ସଭାପତି ପବିତ୍ର ରାଉତଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ସଂଘର ଭବିଷ୍ୟତ କାର୍ଯ୍ୟପନ୍ଥା ଓ ସାଂଗଠନିକ କାର୍ଯ୍ୟକ୍ରମ ଉପରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା । ଏହି ଅବସରରେ ବହୁ ସଦସ୍ୟ ନୂତନ ଭାବେ ଯୋଗ ଦେଇଥିବାରୁ, ଆଞ୍ଚଳିକ ସାମ୍ବାଦିକ ସଂଘ ତରଫରୁ ସେମାନଙ୍କୁ ସ୍ଵାଗତ କରାଯାଇ ସମ୍ବର୍ଦ୍ଧନା ଜଣାଇ ଦିଆଗଲା । ସଂଘର ସ୍ଥାୟୀ ଲୋଗୋକୁ ନୂତନ କର୍ମକର୍ତ୍ତାଙ୍କ ଉପସ୍ଥିତିରେ ବିଧିବଦ୍ଧ ଭାବେ ଉନ୍ମୋଚିତ ହେବା ପାଇଁ ସଭାପତିଙ୍କ ଦ୍ଵାରା ଆଗତ ପ୍ରସ୍ତାବକୁ ସର୍ବସମ୍ମତି କ୍ରମେ ନିଷ୍ପତି ଗ୍ରହଣ କରାଗଲା । ସଂଘର ପରବର୍ତୀ ବୈଠକରେ ନୂତନ ଦାୟିତ୍ୱ ଦିଆଯିବା ନେଇ ମଧ୍ୟ ଏହି ବୈଠକରେ ନିଷ୍ପତି ନିଆଯାଇଥିଲା | ଶେଷରେ ସଭାପତିଙ୍କୁ ଧନ୍ୟବାଦ ଦେବା ପରେ ଏହି ବିଶେଷ ଅଧିବେଶନକୁ ସ୍ଥଗିତ ରଖାଗଲା । ଏଥିରେ ସାଧାରଣ ସମ୍ପାଦକ ଗୌତମ ବୁଦ୍ଧ ମହାପାତ୍ର ଓ ଟୁକୁନା ପ୍ରଧାନଙ୍କ ସମେତ ବହୁ ସଦସ୍ୟ ଅଂଶ ଗ୍ରହଣ କରିଥିଲେ । ଏହି ଅବସରରେ କାର୍ଯ୍ୟରତ ସାମ୍ବାଦିକ ଦେବାଶିଷ ମହାରଣା, ରାକେଶ ମହାରଣା, ମୁନା ନାୟକ ଓ ବିଷ୍ଣୁ ପ୍ରସାଦ ଗୌଡ ପ୍ରମୁଖ ଯୋଗଦାନ କରିଥିଲେ ।