ଜନ୍ମାଷ୍ଟମୀ ସମାରୋହ ବେଶ ଧୂମଧାମ ରେ ପାଳିତ l

କୋଦଳା, (ଦେବାଶିଷ ମହାରଣା)

ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ବୁଢାମ୍ବ ଶାଖା ପକ୍ଷରୁ ବୁଧବାର ଆୟୋଜିତ ହୋଇଯାଇଛି ପବିତ୍ର ଜନ୍ମାଷ୍ଟମୀ ସାମାରୋହ। ଏଥିରେ କୋଦଳା ପୂର୍ବତନ ନଗରପାଳିକା ସୂନୀତା ପ୍ରଭା ସାହୁ ଯୋଗଦେଇ ଓଁଶାନ୍ତି ଧ୍ୱନିରେ ସନ୍ତୋଷ ଲାଭ କରିଛନ୍ତି । ପ୍ରଥମେ ବ୍ରହ୍ମାବାବାଙ୍କ ସାଧନା କୋଠରୀରେ ସମସ୍ତେ ରାଜଯୋଗ କରିବା ପୂର୍ବକ ଧ୍ୟାନମଗ୍ନରେ କିଛିସମୟ ବସି ଶାନ୍ତି ଓ ବିଭୂକୃପା ଲାଭକରିଥିଲେ । ପରେ ଆନୁଷ୍ଠାନିକ ଶିଶୁ ସମାରୋହରେ କୃଷ୍ଣ ଓ ରାଧା, ଯଶୋଦା ବେଶ ସାଜିଥିବା କୁନି ପ୍ରତିଭା ସମସ୍ତଙ୍କୁ ଉତ୍ସାହିତ କରିଥିଲା । ବିଶ୍ୱ ଦରବାରରେ ବ୍ରହ୍ମାକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ମାଉଣ୍ଟ-ଆବୁ ରାଜସ୍ଥାନର ମୁଖ୍ୟ କାର୍ଯ୍ୟାଳୟର ମହତ୍ତ୍ୱ ଏବଂ ଦେଶବାସୀଙ୍କୁ ଦେଇଆସୁଥିବା ତାହାର ମହନୀୟ ଆଦର୍ଶତା ଉପରେ ପ୍ରତିପାଦିତ କରିଥିଲେ ଶ୍ରୀମତୀ ସାହୁ । ଆଧ୍ୟାତ୍ମିକ ବାତାବରଣ ମଧ୍ୟରେ ସ୍ୱାଗତନୃତ୍ୟ ଏବଂ କୁନି ପିଲାମାନଙ୍କର ପରିବେଷିତ ରାଧାକୃଷ୍ଣ ଲୀଳାନୃତ୍ୟ ଦେଖି ସମସ୍ତେ ଖୁସିବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମରେ ସଂସ୍ଥାନ ସହିତ ଜଡିତ ବହୁ ମାଆ, ବ୍ରହ୍ମକୁମାରୀ ଭଉଣୀ ଓ ଭାଇ ମାନେ ସକ୍ରୀୟ ଅଂଶଗ୍ରହଣ କରିଥିଲେ ।