ଏସ. ଛଚିନା ନନ୍ଦ ଉତ୍ସବ କାର୍ଯ୍ୟକ୍ରମରେ ଯୋଗଦେଲେ ବିଜେଡି ର ଯୁବନେତା ସୀତାରାମ ପାଣିଗ୍ରାହୀ l

ବେଗୁନିଆପଡା, (ରାକେଶ ମହାରଣା):ଗଞ୍ଜାମ ଜିଲ୍ଲା ବେଗୁନିଆପଡା ବ୍ଲକ ଅନ୍ତର୍ଗତ ଏସ.ଛଚିନା ଗ୍ରାମରେ ଖଲ୍ଲିକୋଟ ତାଳୁକା ପଂକାଳମୁଠା ଷୋହଳ ଖଣ୍ଡ ଗୋପାଳ ସମାଜ ପକ୍ଷରୁ ପବିତ୍ର ଜନ୍ମାଷ୍ଟମୀ ଉପଲକ୍ଷେ ନନ୍ଦ ଉତ୍ସବ ଆୟୋଜିତ ହୋଇ ଯାଇଛି | ତିନି ଦିନ ଧରି ଆୟୋଜିତ ଏହି ସମାରୋହର ଶେଷ ଦିନରେ କବିସୂର୍ଯ୍ୟନଗର ନିର୍ବାଚନ ମଣ୍ଡଳୀ ର ବିଜେଡି ର ବରିଷ୍ଠ ଯୁବନେତା ଶ୍ରୀ ସୀତାରାମ ପାଣିଗ୍ରାହୀ ଙ୍କ ସମେତ ଶତାଧିକ ସମର୍ଥକ ଯୋଗ ଦେଇ ରାଧାକୃଷ୍ଣ ମନ୍ଦିର ଦର୍ଶନ କରିବା ସହ ମନ୍ଦିର ପରିସରରେ ବୃକ୍ଷ ରୋପଣ କରି ଭିନ୍ନ ଏକ ଉଦାହରଣ ସୃଷ୍ଟି କରିଥିଲେ | ଏସ.ଛଚିନା ମନ୍ଦିର କମିଟି ର ନିମନ୍ତ୍ରଣ କ୍ରମେ ଶ୍ରୀ ପାଣିଗ୍ରାହୀ ଉକ୍ତ ଧାର୍ମିକ କାର୍ଯ୍ୟରେ ପହଞ୍ଚି ଗୋପାଳ ସମାଜର ଶତାଧିକ ଭକ୍ତଙ୍କ ସହ ଭାବ ଆଦାନ ପ୍ରଦାନ କରିଥିଲେ | ଏହା ସହ ବିଜେଡି ର ବରିଷ୍ଠ ନେତା ସିମାଞ୍ଚଳ ନାୟକ,କାମଦେବ ବିଷୋୟୀ, କୁନି ପଲେଇ,ରଘୁନାଥ ଆଚାର୍ଯ୍ୟ,ଗୋପାଳକୃଷ୍ଣ ମାହାନ୍ତି,ପୂର୍ବତନ ସାଂସଦ ପ୍ରତିନିଧି ଦୀନେଶ ମହାରଣା, ରାଜୀବ,ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରତିନିଧି ପ୍ରଭାକର ପ୍ରଧାନ,ଯୁବନେତା ମନୋଜ କୁମାର ରାଉତ,ମହିଳା ନେତ୍ରୀ ଛାୟାବତୀ ବେହେରା ଙ୍କ ସମେତ ବହୁ ସମର୍ଥକ ଯୋଗ ଦେଇଥିଲେ |