ଭୁଷଣ୍ଡପୁର ଶିଶୁପୁତ୍ରକୁ ଅପହରଣ ଓ ହତ୍ୟା ଘଟଣା : ୨ ହତ୍ୟାକାରୀ ଗିରଫ
******** ******* ******

ଖୋର୍ଦ୍ଧା (ଆମ ଓଡିଶା ଖବର )ଭୁଷଣ୍ଡପୁର ଫାଣ୍ଡି ଅଧିନସ୍ଥ ଉଜ୍ୱଳା-ଗୋପିନୀଥପୁର’ ଗ୍ରାମରେ ଜଣେ ଶିଶୁପୁତ୍ର କୁ ପ୍ରଥମେ ଅପହରଣ କରିବା ପରେ ତାକୁ ଗୋଟିଏ ପଥରଖଣି ନିକଟରେ ହତ୍ୟା କରିବା ପରେ ହତ୍ୟାକାଣ୍ଡ କୁ ଲୁଚାଇବା ପାଇଁ ଶିଶୁପୁତ୍ର ର ମୃତ ଦେହକୁ ଲୁଙ୍ଗି ରେ ବାନ୍ଧିବା ଏବଂ ସେଥିରେ ପଥର ବାନ୍ଧି ପାଣି ଭର୍ତ୍ତି ଆଉ ଏକ ମାଙ୍କଡା-ପଥରଖଣି ରେ ଫିଙ୍ଗି ଦେବା ଘଟଣା ସାରା ଅଞ୍ଚଳରେ ଚହଳ ପକାଇଛି । ଶିଶୁପୁତ୍ର ନିଖୋଜ ହେବାର ଦୀର୍ଘ ୪ ଦିନ ପରେ ଟାଙ୍ଗୀ ପୋଲିସ ୫ ଦିନ ସନ୍ଧ୍ୟାରେ ଶିଶୁପୁତ୍ର ର ମୃତ ଦେହକୁ ଠାବ କରିବାରେ ସକ୍ଷମ ହୋଇଥିଲା , ଏବଂ ଟାଙ୍ଗୀ ପୋଲିସ ଯେଉଁ ମାନଙ୍କ ଉପରେ ସନ୍ଦେହ କରି  ଥାନାରେ ଅଟକ ରଖିଥିଲା ସେହି ମାନଙ୍କ ମଧ୍ୟରୁ ୨ ଜଣ ଯୁବକ ଏଭଳି ଅମାନବୀୟ କାଣ୍ଡ ଭିଆଇଥିଲେ । ହତ୍ୟାକରୀ ମାନଙ୍କୁ ଫାଶି ଦଣ୍ଡରେ ଦଣ୍ଡିତ କରିବା ପାଇଁ ମୃତ ଶିଶୁପୁତ୍ର ର ଆତ୍ମୀୟ ମାନେ ଅଭିଯୋଗ କରିଛନ୍ତି ।
ଖୋର୍ଦ୍ଧା ଜିଲ୍ଲାର ଟାଙ୍ଗୀ ଥାନା ଅଧିନସ୍ଥ ଭୁଷଣ୍ଡପୁର ଫାଣ୍ଡି ଅଞ୍ଚଳର  ‘ଉଜ୍ୱଳା-ଗୋପିନାଥପୁର’  ଗ୍ରାମର ସୁବାଷ ପ୍ରଧାନଙ୍କ ଶିଶୁପୁତ୍ର ରାହୁଲ୍ @ ସୈ।ମ୍ୟ ରଞ୍ଜନ (ବୟସ- 4 ବର୍ଷ) ।  ଗତ ୧୭-୧୧-୨୩ ତାରିଖ  ଦିନ ୧୧ଟା ଠାରୁ ନିଖୋଜ ହୋଇଥିବା ଭୁଷଣ୍ଡପୁର ଫାଣ୍ଡିରେ ଅଭିଯୋଗ କରିଥିଲେ ପରିବାର ଲୋକେ । ଅଭିଯୋଗ ଅନୁସାରେ ଟାଙ୍ଗୀ ଥାନା ଇନ୍ସପେକ୍ଟର , ବାଲୁଗାଁ SDPO , ଖୋର୍ଦ୍ଧା SP ଘଟଣା ସ୍ଥଳରେ ପହଞ୍ଚି ଏକାଧିକ ଟିମ୍ ଗଠନ କରି ତନାଘନା କରିବା ପରେ ୨୧-୧୧-୨୩ ତାରିଖରେ ଶିଶୁପୁତ୍ର ର ମୃତ ଦେହକୁ ଜଙ୍ଗଲ ମଧ୍ୟରେ ଥିବା ପଥରଖଣି ରୁ ଉଦ୍ଧାର କରାଗଲା ।
କାହିଁକି ହତ୍ୟାକରୀ ମାନେ ଏଭଳି ଜଘନ୍ୟ ହତ୍ୟାକାଣ୍ଡ ଘଟାଇଲେ , ହତ୍ୟାକାଣ୍ଡ ପଛରେ କ’ଣ ରହିଛି ସେମାନଙ୍କର ଉଦ୍ଦେଶ୍ୟ , ପୋଲିସ କିଭଳି ହତ୍ୟାକରୀ ମାନଙ୍କୁ ଧରିଲା ? ପରିସ୍ଥିତି କୁ ନଜରରେ ରଖି ଗାଁରେ ଚାପା ଉତ୍ତେଜନା ପ୍ରକାଶ ପାଇଛି , ଯାହାକୁ ନେଇ ଗାଁରେ ଏକ ପ୍ଲାଟୁନ ଫୋର୍ସ ମୁତୟନ କରାଯାଇଛି । ସସ୍ପେନସ୍ ଘଟଣାର ପଡିଲା ପୂର୍ଣ୍ଣଛେଦ । ଏହି ଜଘନ୍ୟ ହତ୍ୟାକାଣ୍ଡ ଘଟଣାରେ ଟାଙ୍ଗୀ ପୋଲିସ ୨ ଜଣଙ୍କୁ ଗିରଫ କରିଛି । ଗିରଫ ଅଭିଯୁକ୍ତ ଦୁହେଁ ସେହି ଗାଁର ମୁକ୍ତେଶ୍ୱର ପ୍ରଧାନ ଓ  ପ୍ରକାଶ ପରିଡ଼ା । ପୂର୍ବ ଶତ୍ରୁତା କୁ ନେଇ ଘଟିଛି ଏଭଳି ଜଘନ୍ୟ ହତ୍ୟାକାଣ୍ଡ । ସେସବୁ ସମ୍ପର୍କରେ ଖୋର୍ଦ୍ଧା ଆଡିସିନାଲ୍ SP କହିଛନ୍ତି ।