*କନ୍ଧମାଳ ବାସୀଙ୍କର 5 T ସଚିବଙ୍କୁ ଖୋଲା ଚିଠି ।*

ରିପୋର୍ଟ :ଫିଲିପ କୁମାର ଦିଗାଲ. ବାଲିଗୁଡା
ମହାଶୟ ,
ଜାଣି ବହୁ ଖୁସି ଲାଗିଲା କି ଆପଣ ଆମ ଆଦିବାସୀ ଅଧ୍ୟୁଷିତ ବଣ ପାହାଡ଼ ଘେରା କନ୍ଧମାଳ ଜିଲ୍ଲା ଗସ୍ତରେ ଆସୁଛନ୍ତି ।  କନ୍ଧମାଳ ଜିଲ୍ଲାର ସାଧାରଣ ଲୋକ ବର୍ଷ ବର୍ଷ ଧରି ରାଜ୍ୟ ସରକାରଙ୍କୁ ବିଭିନ୍ନ ସମୟରେ ଜିଲ୍ଲାର ମୌଳିକ ସମସ୍ୟାର ସମାଧାନ ପାଇଁ ଗୁହାରୀ ଜଣେଇଛନ୍ତି ଓ ବହୁ ଦାବିପତ୍ର ମଧ୍ୟ ପ୍ରଦାନ କରିଛନ୍ତି କିନ୍ତୁ ବୋଧ ହୁଏ ତାହା ସରକାରଙ୍କ ନିକଟରେ ପହଞ୍ଚି ନାହିଁ । ଆଶା ଓ ବିଶ୍ୱାସ ବର୍ତ୍ତମାନ ଆପଣ ସେହି ସବୁ ସମସ୍ୟା ନିଜ ଆଖିରେ ଦେଖିବେ ଓ ତାହାର ସମାଧାନ କରି କନ୍ଧମାଳ ଜିଲ୍ଲା ବାସୀଙ୍କୁ ସଂମାନର ସହ ବଞ୍ଚିବା ପାଇଁ ସୁଯୋଗ ଦେବେ ।  କନ୍ଧମାଳ ଜିଲ୍ଲା ବାସୀଙ୍କ ସାଧାରଣ ସମସ୍ୟା ।
1. ଟିକାବାଲି ମାଲବାଣିଜ୍ୟ ସମବାୟ ସମିତିର ପୁନଃ ରୁଦ୍ଧାର ପାଇଁ 100 କୋଟି ଟଙ୍କା ଘୋଷଣା ସହ ବନ୍ୟାଜାତ ଦ୍ରବ୍ୟ କ୍ରୟ ପାଇଁ Monopoly ଲାଇସେନ୍ସ ପ୍ରଦାନ କରାଯାଉ ।
2.  ବର୍ଷ 2008- 09 ରୁ ଜି. ଉଦୟଗିରି କୁ ଉପଖଣ୍ଡ ମାନ୍ୟତା ପ୍ରଦାନ କରିଥିଲେ ମଧ୍ୟ ତାହା ଆଜି ପର୍ଯ୍ୟନ୍ତ କାର୍ଯ୍ୟକାରୀ ହେଇ ପାରିଲା ନାହିଁ ତେଣୁ ରାଜ୍ୟ ସରକାର ଯଥା ଶୀଘ୍ର ଜି.ଉଦୟଗିରିରେ ଉପଖଣ୍ଡ କାର୍ଯ୍ୟାଳୟ କାର୍ଯ୍ୟକାରୀ କରନ୍ତୁ
3. କନ୍ଧମାଳ ଜିଲ୍ଲାର ଗର୍ଵ ଓ ଗୌରବ ହଳଦୀ  ଚାଷ ବର୍ତ୍ତମାନ ଲୋପ ପାଇବାକୁ ବସିଲାଣି କାରଣ ହଳଦୀ ଚାଷ ପାଇଁ ଯେତିକି ପରିଶ୍ରମ ହେଉଛି ସେହି ଅନୁସାରେ ପାରିଶ୍ରମିକ ମିଳି ପାରୁ ନାହିଁ ।  ତେଣୁ ହଳଦୀ ର ସର୍ବନିମ୍ନ ଡର କିଲୋ ପ୍ରତି 100 ଟଙ୍କା ଧାର୍ଯ୍ୟ କରାଯାଉ ଓ ହଳଦୀ ଚାଷୀଙ୍କୁ ପ୍ରୋତ୍ସାହନ ଦିଆଯାଉ ।
4. କନ୍ଧମାଳ ଜିଲ୍ଲାର ପ୍ରତ୍ୟେକ ପର୍ଯ୍ୟଟନୀ ସ୍ଥଳୀର ବିକାଶ କରିବା ସହ ଜିଲ୍ଲାକୁ Ecotourism ଓ ପର୍ଯ୍ୟଟନ ଜିଲ୍ଲା ଭାବେ ଘୋଷଣା କରାଯାଉ ।
5. ସାଧାରଣ ଲୋକଙ୍କ ପାଖରେ  ପ୍ରଶାସନ ପହଞ୍ଚି ପାରୁ ନାହିଁ ଓ  ଜନସାଧାରଣ ବହୁ ଅସୁବିଧା ର ସମ୍ମୁଖୀନ ହେଉଛନ୍ତି ତେଣୁ ବ୍ରାହ୍ମଣୀଗାଁକୁ ଏକ ବ୍ଲକ ଘୋଷଣା କରାଯାଉ ।
6. କନ୍ଧମାଳ ଜିଲ୍ଲାରେ ପ୍ରତ୍ୟେକ ବ୍ଲକ ସ୍ତରରେ ଥିବା କାର୍ଯ୍ୟାଳୟ ଓ ITDA କାର୍ଯ୍ୟାଳୟରେ ଦୁର୍ନୀତି ବହୁ ମାତ୍ରାରେ ବୃଦ୍ଧି ପାଇଛି । ଗରିବ ସାଧାରଣ ଲୋକ ପ୍ରଶାସନ ଦ୍ୱାରା ନ୍ୟାୟ ପାଇ ପାରୁ ନାହାଁନ୍ତି ତେଣୁ ଜିଲାରେ ଭିଜିଲାନ୍ସ ବିଭାଗକୁ active କରାଯାଉ ।
7. କନ୍ଧମାଳ ଜିଲ୍ଲାରେ ବହୁ ସରକାରୀ ଯୋଜନା କାର୍ଯ୍ୟକାରୀ ହେଉଛି କିନ୍ତୁ ସାଧାରଣ ଗରିବ ଆଦିବାସୀଙ୍କ ର ଉନ୍ନତି ହେଇ ପାରୁ ନାହିଁ ସେଥିପାଇଁ ଏକ ବିଶେଷଜ୍ଞ କମିଟି ଗଠନ କରି ଯୋଜନାର ସଫଳ ରୂପାୟନ ପାଇଁ ପଦକ୍ଷେପ ଗ୍ରହଣ କରାଯାଉ
8.  କନ୍ଧମାଳ ଜିଲ୍ଲାର ସ୍ଥାନୀୟ ଆଦିବାସୀ, ଗରୀବ ଓ ଶିକ୍ଷିତ ଯୁବକ ଯୁବତୀ ମାନଙ୍କୁ ଜିଲ୍ଲା ଭିତରେ ରୋଜଗାର ସୁଯୋଗ ସୃଷ୍ଟି କରିବା ପାଇଁ ହଳଦୀ ପ୍ରକ୍ରିୟାକରଣ ଶିଳ୍ପ ପ୍ରତିଷ୍ଠା, ଖାଦ୍ୟ ପ୍ରକ୍ରିୟାକରଣ ଶିଳ୍ପ ସହ ବିଭିନ୍ନ ପ୍ରକାରର କୁଟୀର ଶିଳ୍ପ,  ଓ ବ୍ୟବସାୟକୁ ଆର୍ଥିକ ସହାୟତା ଯୋଗାଇଦେବା ପାଇଁ ବ୍ୟବସ୍ଥା କରାଯାଉ
9. କନ୍ଧମାଳ ଜିଲ୍ଲାରେ land settlement କାର୍ଯ୍ୟ ତ୍ୱରାନ୍ୱିତ କରାଯାଉ ।
10. କନ୍ଧମାଳ ଜିଲ୍ଲାର ସମସ୍ତ ସାଧାରଣ ଲୋକଙ୍କ ସୁବିଧା ସୁଯୋଗ ପାଇଁ ରାଜ୍ୟ ରାଜଧାନୀ ଭୁବନେଶ୍ୱର ଠାରେ ଏକ କନ୍ଧମାଳ ଭବନ ନିର୍ମାଣ କରାଯାଉ ।
ଜିଲ୍ଲାର ଲକ୍ଷ ଲକ୍ଷ ସାଧାରଣ ଲୋକ ଆପଣଙ୍କ ଗସ୍ତକୁ ଅପେକ୍ଷା କରିଛନ୍ତି ଓ ବିଶ୍ୱାସ କରୁଛନ୍ତି ଯେ ଆପଣଙ୍କ କନ୍ଧମାଳ ଜିଲ୍ଲା ଗସ୍ତ ବୃଥା ଯିବ ନାହିଁ ନିଶ୍ଚିତ ଭାବରେ ଆପଣ କନ୍ଧମାଳ ଜିଲ୍ଲାର ଗରୀବ, ଆଦିବାସୀ, ଦଳିତ , ମହିଳା ଓ ଯୁବକ ଯୁବତୀ ମାନଙ୍କ ଅନ୍ତରର ବେଦନା ଶୁଣିବେ ଏବଂ  ଉପର ଲିଖିତ ସାଧାରଣ ଲୋକଙ୍କ ଦାବିପତ୍ର ପୂରଣ ପାଇଁ ନିଶ୍ଚିତ ଭାବରେ ଘୋଷଣା କରିବେ । ଅନୁରୋଧ କି ଲୋକ ଙ୍କ ମନରେଗା କାର୍ଯ୍ୟକୁ JCB ମିସିନୀ ରେ କାମ କରାଉ ଛନ୍ତି

*ନିବେଦକ*

*କନ୍ଧମାଳ ଜିଲ୍ଲାର ସାଧାରଣ ଲୋକଙ୍କ ତରଫରୁ
ଶ୍ରୀ ପ୍ରତାପ କୁମାର ପ୍ରଧାନ