ସଡକ ଦୁର୍ଘଟଣାରେ ବ୍ୟାଙ୍କ ମ୍ୟାନେଜର ଙ୍କ ମୃତ୍ୟୁ ।

ଟାଙ୍ଗୀ (ଆମ ଓଡ଼ିଶା ଖବର )ଖୋର୍ଦ୍ଧା କେନ୍ଦ୍ର ସମବାୟ ବ୍ୟାଙ୍କ ଲିଃ. ର ଟାଙ୍ଗୀ ଶାଖା ମ୍ୟାନେଜର ହେଉଛନ୍ତି ସୁରଜ କୁମାର ଦାସ । ଗତକାଲି ସନ୍ଧ୍ୟାରେ ଗଙ୍ଗପଡା ଛକରେ ଯାତ୍ରୀବାହୀ ବସ ରୁ ଓହ୍ଲାଇ ଘରମୁହାଁ ହେଉଥିବା ବେଳେ ପଛପଟୁ ଦ୍ରୁତ ଗତିରେ ଆସୁଥିବା ଏକ ବାଇକ୍ ତାଙ୍କୁ ଧକ୍କା ଦେଇଥିଲା । ଏଥିରେ ସେ ଗୁରୁତର ଆହତ ହୋଇ AIIMS ରେ ଚିକିତ୍ସା ହେଉଥିଲେ ମାତ୍ର , ଡାକ୍ତର ଙ୍କ ଅକ୍ଲାନ୍ତ ପରିଶ୍ରମ ସତ୍ତ୍ୱେ ଆଜି ପ୍ରାତଃ ସମୟରେ ସେ ( ମ୍ୟାନେଜର  ସୁରଜ କୁମାର ଦାସ ) ଅଫେରା ରାଇଜ କୁ ଚାଲିଯାଇଛନ୍ତି । ଏଭଳି ଶୋକ ସମ୍ବାଦ ପ୍ରଚାରିତ ହେବା ପରେ ଟାଙ୍ଗୀ କୋଅପରେଟିଭ୍ ବ୍ୟାଙ୍କ କର୍ମଚାରୀ ଏବଂ ସମବାୟ ସମିତିର ସମସ୍ତ କର୍ମଚାରୀଙ୍କ ମଧ୍ୟରେ ଶୋକାକୂଳ ପରିବେଶ ସୃଷ୍ଟି ହୋଇଛି ।