ବେଆଇନ ଜିଂଜର ଜବତ, ଜଣେ ଗିରଫ

ବେଗୁନିଆପଡା, (ଆମ ଓଡିଶା ଖବର): ବେଗୁନିଆପଡା ପୋଲିସ ଦ୍ୱାରା ଆଜି ଜଣେ ଚୋରା ଜିଂଜର ବେପାରୀ ଗିରଫ ହୋଇ କୋର୍ଟ ଚାଲାଣ ହୋଇଥିବା ଜଣା ପଡିଛି । ସୂଚନା ଅନୁଯାୟୀ ଷଣ୍ଢମୂଳ ଗ୍ରାମର ଗୋପୀନାଥ ଡାକୁଆଙ୍କ ପୁଅ ବିଜୟ ଡାକୁଆ ମେଡ଼ିସିନ ପାଇଁ ଆସୁଥିବା ଜିଂଜର ବୋତଲ କୁ ନିଶା ଦ୍ରବ୍ୟ ଭାବେ ଚୋରାରେ ବିକ୍ରୀ କରୁଥିବା ଖବର ପାଇଁ ବେଗୁନିଆପଡା ପୋଲିସ ପକ୍ଷରୁ ଚଢ଼ାଉ କରାଯାଇଥିଲା । ଏହି ଚଢ଼ାଉରେ ୪୦ ଲିଟରରୁ ଉର୍ଦ୍ଧ ଜିଞ୍ଜର ଜବତ କରାଯାଇଥିବା ବେଳେ ଅଭିଯୁକ୍ତ ବିଜୟ ଡାକୁଆ କୁ ବେଗୁନିଆପଡା ଥାନା କେଶ ନମ୍ବର ୨୧୬/୨୦୨୬ ରେ ମାମଲା ରୁଜୁ କରାଯାଇ ଅବକାରୀ ଆକ୍ଟ ୫୨(ଏ) ଅନୁଯାୟୀ ଗିରଫ କରି କୋର୍ଟ ଚାଲାଣ କରାଯାଇଥିବା ସୂଚନା ଦେଇଛନ୍ତି ବେଗୁନିଆପଡା ଥାନା ଅଧିକାରୀ ଭଗବାନ ପୂଜାରୀ । ଚୋରା ମାଦକ ଦ୍ରବ୍ୟ କାରବାର ଉପରେ ବିଭିନ୍ନ ସ୍ଥାନରେ ବେଗୁନିଆପଡା ପୋଲିସର ତୀକ୍ଷ୍ଣ ଦୃଷ୍ଟି ଥିବା ଜଣାଇଛନ୍ତି ଶ୍ରୀ ପୂଜାରୀ ।

ରିପୋର୍ଟ :ଦେବାଶିଷ ମହାରଣା