ଲୁଟେରାଙ୍କ ଦ୍ୱାରା ଶିକାର ହେଲେ ମହିଳା।

କଟକ ଜିଲ୍ଲା ଟାଙ୍ଗି ଥାନା ଅଞ୍ଚଳରେ ଲୁଟେରାଙ୍କ ଦ୍ୱାରା ଶିକାର ହୋଇଥିବା ମହିଳା, ଟାଙ୍ଗି ଥାନାରେ ଅଭିଯୋଗ କରିଥିଲେ। ଅଭିଯୋଗ ଆଧାରରେ ତଦନ୍ତ କରି ଅପରାଧୀଙ୍କୁ ଗିରଫ କରି ମହିଳାଙ୍କ ଟଙ୍କା ଫେରାଇଲେ ଥାନା ଅଧିକାରୀ। ଘଟଣା ହେଉଛି ଗତ ୯ ତାରିଖରେ କହ୍ନେଇପୁର ଗ୍ରାମର ଚିନ୍ମୟ ନାୟକଙ୍କ ଲିଖିତ ଅଭିଯୋଗ ଅନୁଯାୟୀ, ସେ ଘରକୁ ଫେରୁଥିବା ବେଳେ, ୧୬ ନମ୍ବର ଜାତୀୟ ରାଜପଥ ହନୁମାନ ଛକ ନିକଟରେ ଦୁଇ ଦୁର୍ବୁର୍ତ୍ତ ହଠାତ ଆସି ତାଙ୍କ ଠାରୁ ଟଙ୍କା ବ୍ୟାଗ, ଫୋନ ଓ ଏଟିଏମ କାର୍ଡ ଆଦି ଛଡାଇ ନେଇଗଲେ। ଥାନା ଅଧିକାରୀ ଏହି ଘଟଣାର ତୁରନ୍ତ ତଦନ୍ତ କରି ଘଟଣା ରେ ସମ୍ପୃକ୍ତ ପୁରୀ ଜିଲ୍ଲା ଗୋପ୍ ଥାନା ଅନ୍ତର୍ଗତ ଚଢେଇ ଗାଁ ର ଅଶୋକ ବାରିକ କୁ ଗିରଫ କରି ତାଠାରୁ ୩୭ ହଜାର ଟଙ୍କା, ଏଟିଏମ କାର୍ଡ ଓ ପଲସର ବାଇକ ଜବତ କରା ଯାଇଥିଲା। ଉକ୍ତ ଟଙ୍କା ଓ ଏଟିଏମ କାର୍ଡ କୁ ଅଭିଯୋଗ କାରିଣୀଙ୍କୁ ପୋଲିସ ଫେରସ୍ତ କରିଛନ୍ତି। ତଦନ୍ତ ଅବ୍ୟାହତ ରହିଛି।

ଖୋର୍ଦ୍ଧା, ଜଟଣୀରୁ ଧିରେନ ପ୍ରତିହାରିଙ୍କ ରିପୋର୍ଟ ଆମ ଓଡ଼ିଶା ଖବର। (ପୋର୍ଟାଲ)