ଟାଙ୍ଗୀ ରେ ବିଜେପି ର ଜନ ସମ୍ପର୍କ ମହାସମାବେଶ l

ବିୟୁରୋ ରିପୋର୍ଟ )

ଖୋର୍ଦ୍ଧା ନିର୍ବାଚନ ମଣ୍ଡଳୀ ର ଟାଙ୍ଗୀ ଫରେଷ୍ଟ ପଡିଆରେ ଅନୁଷ୍ଠିତ ହୋଇଛି  ବିଜେପି ର ଜନ ସମ୍ପର୍କ ମହାସମାବେଶ । ଏହି କାର୍ଯ୍ୟକ୍ରମ ରେ ବିଜେପି ର ରାଜ୍ୟ ସଭାପତି ମନ ମୋହନ ସାମଲ ଏବଂ ଭୁବନେଶ୍ୱର ସାଂସଦ ତଥା ରାଷ୍ଟ୍ରୀୟ ପ୍ରବକ୍ତା ଅପରାଜିତା ଷଢ଼ଙ୍ଗୀ ଙ୍କ ସମେତ ଭାଜପା ନେତୃମଣ୍ଡଳୀ ଯୋଗଦେଇ କର୍ମୀ ଓ ସମର୍ଥକ ମାନଙ୍କୁ ସମ୍ବୋଦ୍ଧିତ କରିବା ସହିତ ଉଦ୍-ବୋଧନ ଦେଇଥିଲେ । ବିଜେଡି ସରକାରଙ୍କ ଉପରେ କଡ୍ଡା ଟିପ୍ପଣୀ ରଖିଥିଲେ ସାଂସଦ ଅପରାଜିତା ଷଢ଼ଙ୍ଗୀ । ରାଜ୍ୟ ସରକାରଙ୍କ ବ୍ୟକ୍ତିଗତ ସଚିବ ଙ୍କର ବିଭିନ୍ନ ସ୍ଥାନରେ ସଭା ଉପରେ ମଧ୍ୟ କଟୁ ସମାଲୋଚନା କରିଛନ୍ତି ସାଂସଦ ଶ୍ରୀମତୀ ଷଢ଼ଙ୍ଗୀ ।
ସାଂସଦ ଙ୍କ ଟାଙ୍ଗୀ ପ୍ରତିନିଧି ହେମନ୍ତ କୁମାର ବେହେରା ଓ ଭାଜପା ରାଜ୍ୟ କାର୍ଯ୍ୟକାରିଣୀ ସଦସ୍ୟ କାଳୁ ଚରଣ ଖଣ୍ଡୟତରାୟ ଙ୍କ ସମେତ ବିଜେପି ନେତୃମଣ୍ଡଳୀ ଏହି ମହାସମାବେଶ ରେ ସାମିଲ ହୋଇଥିଲେ । ଟାଙ୍ଗୀ ଅଞ୍ଚଳରେ ବିରାଟ ଶୋଭାଯାତ୍ରାରେ ନଗର ପରିକ୍ରମା କରିବା ପରେ ସଭାସ୍ଥଳରେ ପହଞ୍ଚି ଥିଲେ ସାଂସଦ ଓ  ବିଜେପି ରାଜ୍ୟ ସଭାପତି ଶ୍ରୀଯୁକ୍ତ ସାମଲ । ହଜାର ହଜାର କର୍ମୀ-ସମର୍ଥକ ଏହି ମହାସମାବେଶ ରେ ଉପସ୍ଥିତ ଥିଲେ ।