ମହର୍ଷି ଇଂରାଜୀ ମାଧ୍ୟମ ସ୍କୁଲର ୨ୟ ବାର୍ଷିକ ଉତ୍ସବ l

***** ***** ***** *****

ନୟାଗଡ଼ (ଆମ ଓଡ଼ିଶା ଖବର )ନୟାଗଡ଼ ଜିଲ୍ଲାର ଚାନ୍ଦପୁର ଗ୍ରାମର ଅଗ୍ରଣୀ ଇଂରାଜୀ ଘରୋଇ ସ୍କୁଲ ହେଉଛି ମହର୍ଷି ଇଂରାଜୀ ମାଧ୍ୟମ ବିଦ୍ୟାଳୟ । ଏହି ସ୍କୁଲର ୨ୟ ବାର୍ଷିକ  ଓ ପୁରସ୍କାର ବିତରଣ ଉତ୍ସବ ଅନୁଷ୍ଠିତ ହୋଇଯାଇଛି । ସୁ-ସଙ୍ଗଠକ ତଥା ସାହିତ୍ୟ ଘର ର  ସଭାପତି ବିଜୟ କୁମାର ରାଉତ ଙ୍କ ସଭାପତିତ୍ବରେ ଅନୁଷ୍ଠିତ କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ହାସ୍ୟ ଅଭିନେତା ଦେବୁ ବ୍ରହ୍ମା, ମୂଖ୍ୟ ବକ୍ତା ଭାବରେ ବରିଷ୍ଠ ଆଇନଜୀବୀ ତଥା ଅବସରପ୍ରାପ୍ତ ବିଚାରପତି ନାରାୟଣ ମହାପାତ୍ର, ସମ୍ମାନିତ ଅତିଥି ଭାବେ ଗଣଶିକ୍ଷା ବିଭାଗର ପ୍ରଶାସନିକ ଅଧିକାରୀ ତଥା ଚଳଚିତ୍ର ଜଗତର ଅଭିନେତା ଜୀବନାନନ୍ଦ ପଣ୍ଡା, ଅଧ୍ୟାପକ ଅଶୋକ କୁମାର ବେହେରା, ଟାଙ୍ଗୀ ମିଡ଼ିଆ ସେବା ସଂଘ ର  ସଭାପତି ରବିନ୍ଦ୍ର କୁମାର ରଣା, ପରିଚାଳନା କମିଟି ସଭାପତି ଜଳଧର ମହାରଣା, ହାସ୍ୟ ଅଭିନେତା ନଟିଆ, ନେଉଳ, କୋଷାଧ୍ୟକ୍ଷ ମୀତାଞ୍ଚଳୀ ସାହୁ ପ୍ରମୁଖ ଯୋଗ ଦେଇଥିଲେ ।

ମହର୍ଷି ସ୍କୁଲର ଅଧ୍ୟକ୍ଷ ସୁଶାନ୍ତ କୁମାର ନାୟକ ବାର୍ଷିକ ବିବରଣୀ ପାଠ କରିଥିଲେ। ସ୍କୁଲ ପରିଚାଳନା କମିଟି ପକ୍ଷରୁ ସମସ୍ତ ଅତିଥିମାନଙ୍କୁ ଉପଢୌକନ-ପୁଷ୍ପଗୁଚ୍ଛ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା। ହାସ୍ୟ ଅଭିନେତା ଦେବୁ ବ୍ରହ୍ମା,ନଟିଆ,ନେଉଳି ଙ୍କର ପ୍ରଦର୍ଶନ ଛାତ୍ର-ଛାତ୍ରୀ ମାନଙ୍କୁ ଉତ୍ସାହିତ କରିଥିଲା। ବିଭିନ୍ନ କ୍ଷେତ୍ରରେ ପାରିଦର୍ଶିତା ଅର୍ଜନ କରିଥିବା ସମସ୍ତ କୃତୀ ଛାତ୍ର ଛାତ୍ରୀ ମାନଙ୍କୁ ସ୍କୁଲ ପକ୍ଷରୁ ପୁରସ୍କୃତ କରାଯାଇଥିଲା। କାର୍ଯ୍ୟକ୍ରମକୁ ଶିକ୍ଷୟିତ୍ରୀ ସୁନୀତା ସିଂ, ଲକ୍ଷ୍ମୀ ପ୍ରିୟା ପରିଡ଼ା, ଦୀପାଞ୍ଚଳୀ ପ୍ରଧାନ, ସସ୍ମିତା ମହାପାତ୍ର, ସଂଯୁକ୍ତା ପ୍ରଧାନ ଙ୍କ ସମେତ ସମସ୍ତ ଶିକ୍ଷକ ଶିକ୍ଷୟିତ୍ରୀ  ପରିଚାଳନା ଓ ସଂଯୋଜନା କରିଥିଲେ। ଶିକ୍ଷକ ସଂଜୟ କୁମାର ସାହୁ ଧନ୍ୟବାଦ ପ୍ରଦାନ କରିଥିଲେ।