ସାନକେନ୍ଦୁ ଗୁଡ଼ା ଠାରେ  ପଞ୍ଚାୟତ ସ୍ତରୀୟ ସଚେତନତା ଶିବିର କାର୍ଯ୍ୟକ୍ରମ। 

ଧର୍ମଗଡ:୧୩/୨(ଆମ ଓଡ଼ିଶା ଖବର) ଧର୍ମଗଡ଼ ବ୍ଲକ୍ ଟେଣ୍ଡାପାଲି ପଂଚାୟତ ସାନକେନ୍ଦୁ ଗୁଡ଼ା ଶିବ ମନ୍ଦିର ପ୍ରାଙ୍ଗଣେ  ମଙ୍ଗଳବାର ଦିନ ‘ଆମ ଓଡ଼ିଶା ନବୀନ ଓଡ଼ିଶା’ ପଂଚାୟତ ସ୍ତରୀୟ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ତେଣ୍ଡାପାଳୀ ପଂଚାୟତ ସରପଂଚ ଗୌଲୋଚନ ଗୋପାଲ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଧର୍ମଗଡ଼ ବିଧାୟକ ମୈଷଧି ବାଗ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ  ଧର୍ମଗଡ଼ ଜୋନ ୨ ଜିଲ୍ଲା ପରିଷଦ ସଭ୍ୟ ଶଙ୍କର ପ୍ରସାଦ ଯୁଏଡ, ଧର୍ମଗଡ଼ ସରପଂଚ ସଂଘ ସଭାପତି ତଥା ତିପିଗୁଡ଼ା ସରପଂଚ ହାତିରାମ୍ ଦୂର୍ଗା , ଧର୍ମଗଡ଼ ବ୍ଲକ୍ ବିଜେଡି ସଭାପତି ଟିକମନ ଯାଦବ,ବେହେରା ସରପଂଚ କୁମୁଦିନୀ ଗଇନ୍ତା,ସମାଜ ସେବୀ ଗୌର ଚନ୍ଦ୍ର ବାଗ,ନିର୍ମଳ ଗୋପାଲ, ଅଶୋକ ବାଗ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ଗୌରାଙ୍ଗ ନାଗ ପ୍ରମୁଖ ଯୋଗ ଦେଇ ସରକାରଙ୍କ ବିଭିନ୍ନ ଉନ୍ନୟନ ମୂଳକ ଯୋଜନା ଉପରେ ସଚେତନ କରିବା ସହ ଆମ ଓଡ଼ିଶା ନବୀନ ଓଡ଼ିଶା ଯୋଜନା ରେ ଗ୍ରାମାଞ୍ଚଳ ଭିତ୍ତିଭୂମିର ବିକାଶ ଧାରା ମାଧ୍ୟମରେ ଏକ ବିକଶିତ ଓଡ଼ିଶା ଗଠନ ମଙ୍ଗ ଧରିଥିବା ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ ଙ୍କୁ କୃତଜ୍ଞତା ଜ୍ଞାପନ କରିଥିଲେ । ଏହି ପରିପେକ୍ଷିରେ ସରକାରଙ୍କ ବିଭିନ୍ନ ଉନ୍ନୟନ ମୂଳକ ଯୋଜନା ସମ୍ପର୍କରେ ଜାଣିବା ପାଇଁ ବିଭିନ୍ନ  ବିଭାଗ ର କର୍ମଚାରୀ ମାନଙ୍କ ଦ୍ଵାରା  ବିଭିନ୍ନ ଷ୍ଟଲ ଖୋଲା ଯାଇ ଉପସ୍ଥିତ ଜନସାଧାରଣଙ୍କୁ ସଚେତନ କରାଯାଇଥିଲା । ଏହି ଅବସରରେ ବିଭିନ୍ନ ସୟଂ ସହାୟିକା ଗୋଷ୍ଠୀ ମାନଂକୁ ଓ ଦଣ୍ଡପାଟ ଅଞ୍ଚଳର କାର୍ଯ୍ୟରତ ସାମ୍ୱାଦିକ ଙ୍କୁ  ମାନପତ୍ର ସହ ସମ୍ବର୍ଦ୍ଧନା କରାଯାଇଥିଲା । ଏଥି ସହ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା । କାର୍ଯ୍ୟକ୍ରମରେ ଅଞ୍ଚଳ ତଥା ପଂଚାୟତ ର ସହ ଶହ ମହିଳା ପୁରୁଷ ଯୋଗ ଦେଇଥିଲେ । କାର୍ଯ୍ୟକ୍ରମକୁ ଖୀରସିନ୍ଧୁ ବାଣୁଆ  ପରିଚାଳନା କରିଥିବା ବେଳେ  ଟେଣ୍ଡାପାଳି ଯୋଗାଣ ସହାୟକ କିରଣ ଗୋପାଲ, ଗ୍ରାମ ରୋଜଗାର ସେବକ ଡିଙ୍ଗର ପୋଡ ପ୍ରମୁଖ  ସହଯୋଗ କରିଥିଲେ।