ବେଗୁନିଆପଡା ଏକ୍ସ କ୍ୟାଡର ଶିକ୍ଷକ ସଂଘ ପୁନଃଗଠିତ

ବେଗୁନିଆପଡା:(ଆମ ଓଡିଶା ଖବର): ବେଗୁନିଆପଡା ବ୍ଲକରେ କାର୍ଯ୍ୟରତ ସମସ୍ତ ଏକ୍ସ କ୍ୟାଡର ଶିକ୍ଷକ ଓ ଶିକ୍ଷୟିତ୍ରୀଙ୍କ ସଂଘ ଆଜି ପୁନର୍ଗଠିତ ହୋଇଯାଇଛି। ବେଗୁନିଆପଡା ସ୍ଥିତ ଶ୍ରୀ ସ୍ଵପ୍ନେଶ୍ଵର ମନ୍ଦିର ପରିସରରେ ଆୟୋଜିତ ସଭାରେ ବରିଷ୍ଠ ଶିକ୍ଷକ ପ୍ରସନ୍ନ କୁମାର ମହାନ୍ତି ଅଧକ୍ଷତା କରିଥିବା ବେଳେ ଗଣ ଶିକ୍ଷକ ମାନଙ୍କର ବିଭିନ୍ନ ଦାବୀ ଉପରେ ଆଲୋଚନା କରାଯାଇଥିଲା। ଏହି ବୈଠକରେ ସଭାପତି ଭାବେ ଗୋବିନ୍ଦ ଚନ୍ଦ୍ର ଜେନା ମନୋନୀତ ହୋଇଥିବା ବେଳେ ସମ୍ପାଦକ ଭାବେ ଲୋକନାଥ ସ୍ୱାଇଁ ଓ କୋଷାଧକ୍ଷ ଭାବେ ଛବିତା କୁମାରୀ ମହାରଣା ମନୋନୀତ ହୋଇଥିଲେ। ପୂର୍ଣ୍ଣଚନ୍ଦ୍ର ପ୍ରଧାନ ଉପଦେଷ୍ଟା ଭାବେ ମନୋନୀତ ହୋଇଥିଲେ। ବୈଠକରେ ୨୨ ଜଣ ଶିକ୍ଷକ ଓ ଶିକ୍ଷୟିତ୍ରୀ ଯୋଗଦେଇଥିଲେ।

ରିପୋର୍ଟ:ଦେବାଶିଷ ମହାରଣା