ଅଙ୍ଗାରଗାଁରେ ଦୁର୍ଗା ପୂଜା ର ବାର ବର୍ଷ ପୂର୍ତ୍ତି ଉତ୍ସବ ପାଳିତ l

ରିପୋର୍ଟ:ଦେବାଶିଷ

ବେଗୁନିଆପଡା, (ଆମ ଓଡିଶା ଖବର): ପବିତ୍ର ଶାରଦୀୟ ଦୁର୍ଗାପୂଜା ଅବସରରେ ଅଙ୍ଗାରଗାଁ ଠାରେ ଆୟୋଜିତ ମା ଦୁର୍ଗାଙ୍କ ବାର ବର୍ଷ ପୂର୍ତ୍ତି ପୂଜା ଉପଲକ୍ଷେ ଏକ ମନୋରଞ୍ଜନ ଭିତିକ କାର୍ଯ୍ୟକ୍ରମ ପରିବେଷଣ କରାଯାଇଛି | ଏହି କାର୍ଯ୍ୟକ୍ରମରେ ଅଙ୍ଗାରଗାଁ ସରପଞ୍ଚ ପ୍ରତିନିଧି ପୁର୍ଣ ଚନ୍ଦ୍ର ସେଠି ଉପସ୍ଥିତ ରହି ଦର୍ଶକ ତଥା ପୂଜା କମିଟି ଅଶେଷ ଧନ୍ୟବାଦ ଜଣାଇଥିଲେ | ଏହା ସହ ସମସ୍ତେ ଏକ ହୋଇ ଅଙ୍ଗାରଗାଁ ପଞ୍ଚାୟତର ଉନ୍ନତି ରେ ଭାଗିଦାର ହେବାକୁ ଆହ୍ୱାନ ଦେଇଥିଲେ | ଦୀର୍ଘ ବାର ବର୍ଷ ଧରି ନୀରବିଛିନ୍ନ ଭାବେ ଚାଲି ଆସିଥିବା ମା ଦୁର୍ଗାଙ୍କ ପୂଜା ଏଠାରେ ଉଦଯାପନ ହେଉଥିବାରୁ ସ୍ଥାନୀୟ ବଜାର କମିଟି କୁ ମଧ୍ୟ ଧନ୍ୟବାଦ ଜଣାଇଥିଲେ ଶ୍ରୀ ସେଠି | ଏହି କାର୍ଯ୍ୟକ୍ରମରେ ଅଶୋକ ପ୍ରଧାନ, ବୁଡୁ ସାହୁ, ସନିଆ ମହାରଣା, ମନୋଜ ସାହୁ, ମୁନା ସାହୁ, ରାମ ଜେନା, ରାଜେଶ, ଜୟ ସାହୁ ପ୍ରମୁଖ ସହଯୋଗ କରିଥିଲେ |