ସ୍କ୍ରାପ ମେଟେରିଏଲ ଚୋରି ଅଭିଯୋଗରେ ଜଣେ ଗିରଫ ଓ କୋର୍ଟ ଚାଲାଣ ।

ବୌଦ୍ଧ ,,10/8/23,( ଚିତ୍ତରଞ୍ଜନ ସିଂହ )

ସୁବର୍ଣ୍ଣପୁର ଜିଲ୍ଲା ଅନ୍ତର୍ଗତ ତରଭା ବ୍ଲକ ଅଧିନସ୍ଥ ପାଣିମୁରା ଗ୍ରାମରେ ଥିବା ବାଇଓ ଫୁଏଲ କାରଖାନାରୁ ସ୍କ୍ରାପ ମେଟେରିଏଲ ଚୋରି କରୁଥିବା ମାମଲାରେ ତରଭା ପୁଲିସ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି । ଅଭିଯୁକ୍ତ ଜଣକ ହେଲା ତରଭା ବ୍ଲକ ଅନ୍ତର୍ଗତ ଶିବତୁଲା ଗ୍ରାମ ପଞ୍ଚାୟତ ର ଘାଟକଇନ୍ତରା ଗ୍ରାମର ବନମାଳି ମହାନନ୍ଦ(୪୦) ବୋଲି ଜଣାପଡିଛି । ତରଭା ପୁଲିସ ସୁତ୍ରରୁ ପ୍ରକାଶ ଯେ ବନମାଳୀ ମହାନନ୍ଦ ଶିବତୁଲା ଗ୍ରାମ ପଞ୍ଚାୟତ ଅଧୀନସ୍ଥ ଘାଟକଇଁନ୍ତରା ଗ୍ରାମର ମୂଳ ନିବାସୀ ହୋଇଥିବା ବେଳେ ସେ ଜଣେ ଡ୍ରାଇଭର ଅଟେ । ସେ ମାଲ ପରିବହନ ଟାଟା ଏସି ଗାଡିରେ ପାଣିମୁରା ସ୍ଥିତ ବାଇଓ ଫୁଏଲ  କାରଖାନା କୁ ବଲାଙ୍ଗିର ରୁ ପ୍ରାୟ ଅଧିକାଂଶ ଦିନ ଅମ୍ଳଜାନ ଗ୍ଯାସ ସିଲିଣ୍ଡର ଆଣି ଦେଉଥିଲା । ଗତ ମଙ୍ଗଳବାର ଦିନ ମଧ୍ୟ ସେ ମାଲ ପରିବହନ ଗାଡ଼ି ଟାଟା ଏସି ନ. ଓଡି-୦୩-ୟୁ ୫୦୧୧ ଯୋଗେ  ବଲାଙ୍ଗିର ରୁ ଅମ୍ଳଯାନ ଗ୍ୟାସ ସିଲିଣ୍ଡର ଆଣି ବାଇଓ ଫୁଏଲ ଭିତରକୁ ଯାଇ ସିଲିଣ୍ଡର ଡେଲିଭରି  କରିଥିଲା । ଭିତରୁ ଫେରୁଥିବା ବେଳେ ଗେଟ୍ ରେ କାର୍ଯ୍ୟରତ ସିକୁରିଟି ମାନେ ଗାଡ଼ି କୁ ଯାଞ୍ଚ କରି ବାରୁ ଗାଡ଼ି ରେ ସ୍କ୍ରାପ ମେଟେରିଏଲ (ଛୋଟ ଛୋଟ ଲୁହା ଖଣ୍ଡ )ମାନ ଥିବାର ଦେଖି ମ୍ୟାନେଜର କୁ ଖବର ଦେଇଥିଲେ । ମ୍ୟାନେଜର ଆସି ଦେଖିବା ପରେ ବନମାଳୀ ଗାଡ଼ିରେ ସ୍କ୍ରାପ ଚୋରି କରୁଥିବା ପୁଲିସ ଠାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ପାଇ ପୁଲିସ ପହଞ୍ଚି ଗାଡ଼ିକୁ ଜବତ କରିବା ସହିତ ବନମାଳୀ କୁ ଗିରଫ କରିଥିଲା । ଗାଡ଼ିରେ ସ୍କ୍ରାପ ମେଟେରିଏଲ ପ୍ରାୟ ୭୦ କିଲୋ ଥିବା ପୁଲିସ ପ୍ରକାଶ କରିଛି । ଏ ନେଇ ତରଭା ଥାନା ରେ ୧୫୮/୨୩ ରେ ପୁଲିସ ଏକ ମାମଲା ରୁଜୁ କରି  ଅଭିଯୁକ୍ତ ବନମାଳୀ କୁ କୋର୍ଟ ଚାଲାଣ କରିଥିବା ଓ ଏହାର ତଦନ୍ତ ଦାୟିତ୍ୱ ରେ ଏ ଏସ ଆଇ ନିମାଇଁ ଚରଣ ବାରିକ ଥିବା ଓ ଆଇ ସି ଅନିତା କିଡୋ ସୂଚନା ଦେଇଛନ୍ତି l