ନାବାଳକ ର ଝୁଲନ୍ତା ମୃତ ଦେହ,,, ହତ୍ୟା ସନ୍ଧେହ l

ବୌଦ୍ଧ,,( ଚିତ୍ତରଞ୍ଜନ ସିଂହ )

ବୌଦ୍ଧ ଥାନା ଗିରାସିଙ୍ଗା ଗ୍ରାମରେ ଜଣେ ବାପା ମା ଛେଉଣ୍ଡ ନାବାଳକ ଆତ୍ମହତ୍ୟା କରିଥିବା ଦେଖିବାକୁ ମିଳିଛି l ମିଳିଥିବା ସୂଚନା ଅନୁଯାୟୀ ବାପା ମା ଛେଉଣ୍ଡ ନାବାଳକ ଦୀନେଶ ପାତ୍ର (17) ଗିରାସିଙ୍ଗା ଗ୍ରାମରେ ନିଜ ବଡ ବାପା ଓ ମାମୁଁ ଘରେ ଆଶ୍ରୟ ନେଇ ବୁଟୁପାଲି ସ୍ଥିତ କେବି ହିଷ୍ଟ କଲେଜରେ +2 ପଢୁଥିଲେ l ସେ ବାପ ମା ଛେଉଣ୍ଡ ହୋଇଥିବା ହେତୁ ବଡ ବାପା ଓ ମାମୁଁ ଘର ପରିବାର ତାଙ୍କର ସମସ୍ତ ଅଭାବ ଅସୁବିଧା ସହ  ସବୁ ଅଝଟକୁ ପୂରଣ କରୁଥିଲେ l ବୁଧବାର ମଧ୍ୟlନ୍ହରେ ଦୀନେଶଙ୍କ ମୃତଦେହ ଗିରାସିଙ୍ଗା ଗ୍ରାମ ନିକଟ ବନ ବିଭାଗ ପ୍ଲାଣ୍ଟସନ୍ ନିକଟରେ ଥିବା ଏକ ବରଗଛ ଡାଳରେ ବେକରେ ଗାମୁଛା ଲଗାଇ ଝୁଲୁଥିବା ଦେଖିବାକୁ ମିଳିଥିଲା l ଏ ସମ୍ପର୍କରେ ବୌଦ୍ଧ ଥାନା ପୋଲିସ୍ କୁ ଖବର ଦେବାପରେ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପୋଲିସ୍ ବୌଦ୍ଧ ଡାକ୍ତରଖାନାକୁ ଆଣିଥିଲା l ସନ୍ଧ୍ୟାରେ ବ୍ୟବଚ୍ଛେଦ ହୋଇ ନପାରିବାରୁ ଶବାଗାରରେ ରଖାଗଲା ଓ ଆଜି ଅପରାନ୍ହରେ ବ୍ୟବଚ୍ଛେଦ କରାଯାଇ ସମ୍ପର୍କୀୟଙ୍କୁ ହସ୍ତାନ୍ତର କରା ଯାଇଥିଲା l ଦୀନେଶଙ୍କ ମୃତ୍ୟୁ ରେ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି l ଆତ୍ମହତ୍ୟାର ପ୍ରକୃତ କାରଣ ଜଣା ପଡିନାହିଁ l ପୋଲିସ୍ ତଦନ୍ତ ପରେ ଜଣାପଡ଼ିବ ବୋଲି ଆଶା କରାଯାଉଛି l