କୋଦଳା ଏନଏସି ସ୍ଥିତ ନୋଡାଲ ହାଇସ୍କୁଲ ପରିସରରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ

ରିପୋର୍ଟ :ଦେବାଶିଷ

କୋଦଳା, (ଆମ ଓଡିଶା ଖବର):ସ୍ୱଚ୍ଛତା ହିଁ ସେବା ହେଉଛି ପ୍ରଧାନମନ୍ତ୍ରୀଙ୍କ ମୂଳ ମନ୍ତ୍ର | ଯାହାକି ସାରା ଭାରତରେ କାର୍ଯ୍ୟକାରୀ ହୋଇ ଆସୁଛି | ସ୍ୱଛତା, ପରିମଳ ଉପରେ ବିଶେଷ ଧ୍ୟାନ ଦେଇ କୋଦଳା ଏନଏସି ସ୍ଥିତ ନୋଡାଲ ହାଇସ୍କୁଲ ପରିସରରେ ସ୍ୱଚ୍ଛତା କାର୍ଯ୍ୟକ୍ରମ ଅନୁଷ୍ଠିତ ହେବା ସହ ଛାତ୍ର ଛାତ୍ରୀ ମାନଙ୍କୁ ଦୁଇ ଗୋଟି ଡଷ୍ଟବିନ ବ୍ୟବହାର କରିବାକୁ ଦିଆ ଯାଇଥିଲା | ଏହା ସହ ଓଦା ଓ ଶୁଖିଲା ଅଳିଆକୁ ଅଲଗା ଅଲଗା କରି ପୌରପରିଷଦ ଗାଡ଼ିରେ ଦେବା ପାଇଁ ମଧ୍ୟ ପ୍ରଶିକ୍ଷଣ ଦିଆ ଯାଇଥିଲା। ଏତଦ ବ୍ୟତୀତ ଛାତ୍ର ଛାତ୍ରୀ ମାନଙ୍କୁ ସ୍ୱଚ୍ଛତା ଶପଥ ସହିତ ନାଚ ଗୀତ ମାଧ୍ୟମରେ ସ୍ୱଚ୍ଛତା ବିଷୟରେ ଅବଗତ କରାଯାଇଥିଲ । ଏହି କାର୍ଯ୍ୟକ୍ରମରେ କୋଦଳା ଅଧ୍ୟକ୍ଷ ସୂର୍ଯ୍ୟ ନାରାୟଣ ନାୟକ,କାର୍ଯ୍ୟନିର୍ବାହୀ ଅଧିକାରୀ କୃଷ୍ଣଚନ୍ଦ୍ର ରଥ, ପ୍ରଧାନ ଶିକ୍ଷକ ସୂର୍ଯ୍ୟ ନାରାୟଣ ଜେନା ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କୁ ପ୍ରଶିକ୍ଷଣ ନେବାରେ ସହଯୋଗ କରିଥିଲେ | ଏହି କାର୍ଯ୍ୟକ୍ରମରେ ସମସ୍ତ ଶିକ୍ଷକ, ଶିକ୍ଷୟତ୍ରୀ, ଜୁନିଅର ସାନିଟେସନ ଏକ୍ସପର୍ଟ, ସୁପରଭାଇଜର, ସ୍ୱଚ୍ଛସାଥି,ସଫେଇ କର୍ମଚାରୀ ଉପସ୍ଥିତ ଥିଲେ।