ବେହେରା ନଦୀ କୁଳରୁ ଜଣେ ବୃଦ୍ଧଙ୍କ ମୃତ ଦେହ ଉଦ୍ଧାର ।

ରିପୋର୍ଟ :ଦିଲୀପ ଦୁରିଆ

ଧର୍ମଗଡ଼: ଧର୍ମଗଡ଼ ବ୍ଲକ୍ ବେହେରା ଗ୍ରାମ ନଦୀରୁ ଜଣେ ବ୍ୟକ୍ତି ଙ୍କ ମୃତ ଦେହ ଉଦ୍ଧାର କରିଛି କୋକସରା ପୋଲିସ ।ମୃତ ବ୍ୟକ୍ତି ଜଣକ ଆମପାନି ଥାନା କାଉଡୋଲା ଗ୍ରାମର ରୁଦ୍ର ପ୍ରସାଦ ସାହୁ ୬୮ ବୋଲି ଜଣାପଡିଛି । ପରିବାର ଙ୍କ ସୂଚନା ମତେ ସେ ଗତ କାଲି ସନ୍ଧ୍ୟା ସମୟରୁ ଘରୁ ବାହାରି ଫେରି ନ ଥିଲେ। ପରିବାର ଲୋକେ ଆଖପାଖ ଅଞ୍ଚଳରେ ବହୁତ୍ ଖୋଜା ଖୋଜି କରିଥିଲେ ମଧ୍ୟ ପାଇ ନ ଥିଲେ।  ତେବେ ଆଜି ସଂଧ୍ୟା ୫ଘଣ୍ଟା ସମୟରେ ବେହେରା ନଦୀ କୂଳରେ ଜଣେ ଅଜଣା ବ୍ୟକ୍ତି ଙ୍କ ମୃତ ଦେହ ପାଣିରେ ଭାସୁଥିବା ସ୍ଥାନୀୟ ଲୋକେ ଦେଖି କୋକସରା ପୋଲିସ କୁ ସୂଚନା ଦେଇଥିଲେ । ଘଟଣା ସ୍ଥଳରେ ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ଶବ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନା ପଠାଇଥିବା ବେଳେ  ପରିବାର ଲୋକେ ଶବ ଚିହ୍ନଟ କରିଥିବା ଜଣା ପଡ଼ିଛି । ଏ ନେଇ କୋକସରା  ପୋଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି । ତେବେ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ହିଁ ମୃତ୍ୟୁ ର କାରଣ  ଜଣାପଡ଼ିବ ବୋଲି ପୋଲିସ ସୂଚନା ଦେଇଛି।