ଖୋର୍ଦ୍ଧା ନିଶା ମାଫିଆକୁ ଗୁଳିମାଡ଼ କରି ହତ୍ୟା ଘଟଣାର ପୋଲିସ କଲା ପର୍ଦାଫାଶ l

ଖୋର୍ଦ୍ଧା : ଆଜି ସାମ୍ବାଦିକ ସମିଳନୀ କରି ଖୋର୍ଦ୍ଧା ପୋଲିସ କଲା ପର୍ଦାଫାଶ ନିଶା ମାଫିଆ ସୋମନାଥ ଭୁଜବଳ ହତ୍ୟାକାଣ୍ଡରେ ଖୋର୍ଦ୍ଧା ପୋଲିସକୁ ମିଳିଛି ବଡ଼ ସଫଳତା ।ଏନେଇ ଆଜି ସାମ୍ବାଦିକ ସମିଳନୀରେ ଖୁଲାସା କରିଛନ୍ତି ଖୋର୍ଦ୍ଧା ଏସପି ସିଦ୍ଧାର୍ଥ କଟାରିଆ । ମୁଖ୍ୟ ଅଭିଯୁକ୍ତ ସଞ୍ଜୟ ପ୍ରଧାନ ସହ 6 ଜଣଙ୍କୁ ଗିରଫ କରିଛି ପୋଲିସ । ପୂର୍ବରୁ ଏହି ଘଟଣାରେ ଦୁଇ ଅଭିଯୁକ୍ତ ଗିରଫ କରିଥିଲା ପୋଲିସ.ସାହିତ୍ୟ ବେହେରା ଓ ରାଜ ଦଳବେହେରା ଗିରଫ ହୋଇଥିଲେ ।

କିନ୍ତୁ ମୁଖ୍ୟ ଅଭିଯୁକ୍ତ ସଞ୍ଜୟ ପ୍ରଧାନ ସହ ମନୋରଞ୍ଜନ ସାହୁ,ସନ୍ତୋଷ ସେଠି,ବଳରାମ ରାଉତରାୟ, ମୃତ୍ୟୁଞ୍ଜୟ ସେଠି ଓ ବିଶ୍ୱେଶ୍ୱର ଷଡ଼ଙ୍ଗୀଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତଙ୍କ ଠାରୁ 4ଟି ବନ୍ଧୁକ ଓ ମଗାଜିନ,11 ରାଉଣ୍ଡ ଜୀବନ୍ତ ଗୁଳି,ଦୁଇଟି ଖଣ୍ଡା,10ଟି ମୋବାଇଲ ଫୋନ,ଦୁଇଟି ବୋଲେରୋ,ଦୁଇଟି ସ୍କର୍ପିଓ ଏବଂ ଗୋଟିଏ i20 କାରକୁ ଜବତ କରାଯାଇଛି । ପୂର୍ବ ବ୍ୟବସାୟିକ ଶତ୍ରୁତାକୁ ନେଇ ଏହି ଗୁଳିକାଣ୍ଡ ହୋଇଥିବା ସ୍ପଷ୍ଟ କରିଛନ୍ତି ଏସପି କଟାରିଆ । ଗତ 7ତାରିଖ ରାତିରେ ସାମନ୍ତରାପୁର ଠେଙ୍ଗାହାଟ ଛକରେ ସୋମନାଥ ଏକାକି ଠିଆ ହୋଇଥିବା ବେଳେ ଏକ ପିକଅପ ଭ୍ଯାନରେ କିଛି ଦୁବୁର୍ତ ଆସି ଅତର୍କିତ ଭାବେ ସୋମନାଥଙ୍କୁ 8 ରାଉଣ୍ଡ ଗୁଳିମାଡ କରିଥିଲେ । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ ଖୋର୍ଦ୍ଧା ଓ ପରେ ଭୁବନେଶ୍ୱର ସ୍ଥାନାନ୍ତର କରାଯାଇଥିଲା ।

ଭୁବନେଶ୍ବର ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସିତ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ତେବେ ଏତେ ସଂଖ୍ୟାରେ ବନ୍ଧୁକ କିପରି ଓ କେଉଁଠୁ ଜିଲ୍ଲାକୁ ଆସୁଛି ତାହା ଏବେ ଜିଲା ପୋଲିସର ନିଦ ହଯାଇଛି । ଆଉ ଏଥିପାଇଁ ଏକ ସ୍ଵତନ୍ତ୍ର ଟିମ କରାଯାଇ ବନ୍ଧୁକ ଆସୁଥିବା ଗ୍ୟାଙ୍ଗକୁ ଖୁବଶୀଘ୍ର ବନ୍ଦ କରାଯିବ ବୋଲି ଏସପି କହିଛନ୍ତି । ସେହିପରି ମୁଖ୍ୟ ଅଭିଯୁକ୍ତ ସଂଜୟ ନାମରେ ବିଭିନ୍ନ ଥାନାରେ 10ରୁ ଉର୍ଦ୍ଧ୍ବ ସଙ୍ଗିନ ମାମଲା ରହିଥିବା ଏସପି କହିଥିବା ବେଳେ । ସମସ୍ତ ଅଭିଯୁକ୍ତଙ୍କୁ 14 ଦିନିଆ ରିମାଣ୍ଡ ପାଇଁ କୋର୍ଟରେ ଆବେଦନ କରାଯିବ ବୋଲି ଏସପି ସିଦ୍ଧାର୍ଥ କଟାରିଆ କହିଛନ୍ତି ।